ចំនួនអ្នកស្លាប់ដោយសារការបាញ់ប្រហារដ៏ធំកាលពីថ្ងៃអាទិត្យនៅឯពិធីបុណ្យថ្ងៃឈប់សម្រាករបស់ជនជាតិយូដានៅលើឆ្នេរ Bondi ក្នុងទីក្រុងស៊ីដនីប្រទេសអូស្ត្រាលី បានកើនឡើងដល់ ១៦ នាក់ នេះបើយោងតាមការលើកឡើងរបស់ប៉ូលិសនៅព្រឹកថ្ងៃច័ន្ទ (ថ្ងៃទី ១៥ ខែធ្នូ)។ប៉ូលិសបាននិយាយនៅក្នុងការបង្ហោះមួយនៅលើ X ថាមនុស្ស ១៦ នាក់បានស្លាប់ និង ៤០ នាក់ផ្សេងទៀតកំពុងសម្រាកព្យាបាលនៅមន្ទីរពេទ្យបន្ទាប់ពីការបាញ់ប្រហារនេះ។ ខ្មាន់កាំភ្លើង០២នាក់បានបាញ់ប្រហារនៅក្នុងកម្មវិធី Hanukkah by the Seaនៅលើឆ្នេរ Bondi។ មនុស្សជាង ១០០០ នាក់នៅទីនោះបានរត់ចេញទាំងភ័យខ្លាច នៅពេលដែលមានគ្រាប់កាំភ្លើងបាញ់ចេញពីស្ពានថ្មើរជើង។ ប៉ូលិសបានកំណត់អត្តសញ្ញាណខ្មាន់កាំភ្លើងថាជាឪពុកអាយុ ៥០ ឆ្នាំម្នាក់ ដែលត្រូវបានសម្លាប់នៅកន្លែងកើតហេតុ និងកូនប្រុសអាយុ ២៤ ឆ្នាំ រងរបួសយ៉ាងធ្ងន់ធ្ងរ។

លោកនាយករដ្ឋមន្ត្រីលោក Anthony Albanese បានរិះគន់យ៉ាងខ្លាំងចំពោះការបាញ់ប្រហារនេះថាជាបទឧក្រិដ្ឋដ៏គួរឱ្យភ័យខ្លាចមួយ។ មេដឹកនាំអ៊ីស្រាអែល រួមទាំងប្រធានាធិបតី Isaac Herzog និងនាយករដ្ឋមន្ត្រី Benjamin Netanyahu បានហៅវាថាជាការស្អប់ខ្ពើមប្រឆាំងនឹងពួកយូដា ហើយបានស្នើសុំឱ្យមានវិធានការរឹងមាំដើម្បីបញ្ឈប់វា៕