លោក Donald Trump បាននិយាយថា លោកមានការសន្ទនាដ៏ល្អមួយជាមួយនាយករដ្ឋមន្ត្រីថៃ អនុទីន ឆានវីរៈគុល និងនាយករដ្ឋមន្ត្រីកម្ពុជាសម្តេចធិបតី ហ៊ុន ម៉ាណែត អំពីហេតុការណ៍អកុសលនៃសង្គ្រាមដ៏យូរអង្វែងរបស់ប្រទេសទាំងពីរ។ លោក Donald Trump ថាថ្នាក់ដឹកនាំកម្ពុជា និងថៃ បានយល់ព្រមបញ្ឈប់ការបាញ់ប្រហារទាំងអស់ដែលចូលជាធរមាននៅល្ងាចនេះ (ព្រឹកថ្ងៃនេះនៅកម្ពុជា) ហើយត្រលប់ទៅរកកិច្ចព្រមព្រៀងសន្តិភាពដើមដែលបានធ្វើឡើងជាមួយលោកដោយមានជំនួយពីនាយករដ្ឋមន្ត្រីម៉ាឡេស៊ី អាន់វ៉ា អ៊ីប្រាហ៊ីម។ លោកបញ្ជាក់ថា គ្រាប់បែកតាមដងផ្លូវដែលដើមឡើយបានសម្លាប់ និងធ្វើឱ្យទាហានថៃជាច្រើននាក់រងរបួស គឺជាឧបទ្ទវហេតុមួយ ប៉ុន្តែប្រទេសថៃបានសងសឹកយ៉ាងខ្លាំង។ ប្រធានាធិបតីអាម៉េរិកបញ្ជាក់ថា ប្រទេសទាំងពីរបានត្រៀមខ្លួនរួចជាស្រេចសម្រាប់សន្តិភាព និងការបន្តធ្វើពាណិជ្ជកម្មជាមួយសហរដ្ឋអាមេរិក៕