លោកជំទាវបណ្ឌិត ពេជ ចន្ទមុន្នី បានបង្ហោះសារលើបណ្តាញសង្គមហ្វេសប៊ុក អំពាវនាវឲ្យ ប្រជាពលរដ្ឋខ្មែរ ចូលរួមបរិច្ចាគឈាមឱ្យបានច្រើន ព្រោះនេះគឺជាសកម្មភាពរបស់កម្លាំងជួរក្រោយអាចចូលរួមក្នុងការការពារទឹកដី និងផ្តល់ជាការលើកទឹកចិត្តដល់វីរកងទ័ពរបស់យើង។ស្របពេលដែរ សមាគមនគ្រូពេទ្យស្ម័គ្រចិត្តយុវជនសម្តេចតេជោ អំពាវនាវឱ្យពលរដ្ឋខ្មែរទៅចូលរួមបរិច្ចាគឈាម នៅសាកលវិទ្យាល័យការពារជាតិ ស្ថិតក្នុងខណ្ឌឫស្សីកែវក្បែរស្ពានអាកាសចាប់ពីម៉ោង៨ព្រឹក ដល់ម៉ោង៤ល្ងាច នៅទី៩ ខែធ្នូ ឆ្នាំ២០២៥។ ព្រឹត្តិការណ៍នេះ គឺដើម្បីជាកម្លាំងចិត្តជួយដល់កងទ័ពជួរមុខ និងប្រជាជននៅតាមព្រំដែន ក៏ដូចជាការរួមចំណែកក្នុងការថែរក្សាការពារបូរណភាពទឹកដីកម្ពុជា ប្រយុទ្ធនឹងការឈ្លានពានរបស់យោធាថៃ។

គួរបញ្ជាក់ផងដែរថា កាលពីថ្ងៃទី៧ ខែធ្នូ ឆ្នាំ២០២៥ យោធាថៃបានបើកការបាញ់ប្រហារមកកងកម្លាំងកម្ពុជានៅព្រលានថ្ម ក្នុងស្រុកជាំក្សាន្ត នៅក្នុងហេតុការណ៍បាញ់ប្រហារនោះទាហានថៃបានប្រើប្រាស់ប្រភេទកាំភ្លើងដៃ កាំភ្លើងយន្ត B៤០ និងត្បាល់៦០។ ដោយ​ឡែកគិតរហូតមកទល់នឹងព្រឹកម៉ោង៦៖០០នាទី ថ្ងៃទី៩ ខែធ្នូ ឆ្នាំ២០២៥ នេះកងទ័ព​ឈ្លានពានថៃ ​មិន​ទាន់​បញ្ឈប់​បាញ់ប្រហារ​ ឈ្លានពាន​មក​លើ​កម្ពុជានោះឡើយនោះទេ ​ដោយ​នៅបន្តប្រើប្រាស់​យុទ្ធោបករណ៍​ធុន​ធ្ងន់​ ជា​ច្រើ​ប្រភេទ ​ដូច​ជា​កាំភ្លើង​ដៃ កាំភ្លើងត្បាល់ កាំភ្លើងយន្ត និង​រថក្រោះផងដែរ៕