សម្រាប់​មិត្ត​នារី​ៗដែល​កំពុង​ស្វែង​រក​វិធី​ធម្មជាតិ​ដើម្បី​ចិញ្ចឹម និង​ថែរក្សា​ស្បែក​ឱ្យ​ភ្លឺ​រលោង ការពារស្នាមជ្រួញ កាត់បន្ថយរ៉ាឌីកាល់សេរីក្នុងរាងកាយដោយសុវត្ថិភាព។ ទឹកដូង​ផ្តល់នូវរសជាតិផ្អែម ក្រអូប និងស្រស់ស្រាយ។ វា​ក៏ជា​ផ្នែក​មួយ​ជួយ​ឱ្យ​ស្បែក​ភ្លឺ​ថ្លា និង​ភ្លឺ​រលោង ហើយ​ក៏​បាន​ភ្ជាប់​មក​នូវ​អត្ថប្រយោជន៍ ៥ យ៉ាង​នៃ​ទឹកដូង​។

១. សុខភាពស្បែកកាន់តែប្រសើរឡើង

ទឹកដូងមានលក្ខណៈសម្បត្តិដែលជួយឱ្យស្បែករបស់អ្នកភ្លឺថ្លាពីខាងក្នុង ដោយសារតែវាសម្បូរទៅដោយអរម៉ូនអ៊ឹស្ត្រូសែនដែលដើរតួយ៉ាងសំខាន់ក្នុងការផលិត collagen និង elastin  ធ្វើអោយស្បែកតឹងណែន ជួយបន្ថយភាពជ្រីវជ្រួញ។ លើសពីនេះ ទឹកដូងមានលក្ខណៈសម្បត្តិបញ្ចុះទឹកនោម។ ដូច្នេះហើយ វាជួយកម្ចាត់ជាតិពុល និងកាកសំណល់ចេញពីរាងកាយ។

២. ធ្វើឱ្យរាងកាយស្រស់ស្រាយ

ទឹកដូងមានលក្ខណៈសម្បត្តិផ្តល់សំណើមដល់រាងកាយ ដោយសារតែវាមានសារធាតុរ៉ែខ្ពស់។ វា​មាន​លក្ខណៈសម្បត្តិ​ជួយ​បំបាត់​ភាព​នឿយហត់​ពី​រោគ​សញ្ញា​ផ្សេងៗ ។

៣. កាត់បន្ថយហានិភ័យនៃជម្ងឺ Alzheimer (អាល់ហ្សៃមឺរ)

ទឹកដូង​មានកម្រិតខ្ពស់នៃអរម៉ូនអ៊ឹស្ត្រូសែន ដែលអាចជួយពន្យារការចាប់ផ្តើមនៃជំងឺ Alzheimer កាត់បន្ថយការបាត់បង់ការចងចាំចំពោះស្ត្រីអស់រដូវ និងផឹកទឹកដូងជាប្រចាំ ដូច្នេះហើយ វាមិនត្រឹមតែជួយពន្យាររោគសញ្ញានៃជំងឺភ្លេចភ្លាំងប៉ុណ្ណោះទេ ប៉ុន្តែ​វា​ក៏​ជួយ​ឱ្យ​របួស​ឆាប់​ជា​សះស្បើយ​ដោយ​មិន​បន្សល់​ទុក​នូវ​ស្លាកស្នាម។

 ៤. បង្កើនសំណើមស្បែក

ទឹកដូងសម្បូរទៅដោយសារធាតុរ៉ែដែលល្អសម្រាប់រាងកាយ និងមានសារធាតុប្រឆាំងអុកស៊ីតកម្ម។ វាជួយរក្សាតុល្យភាពនៃសារធាតុរ៉ែនៅក្នុងរាងកាយ និងធ្វើឱ្យកោសិកាដំណើរការប្រកបដោយប្រសិទ្ធភាព ដូច្នេះហើយ ក្រៅពីជួយផ្តល់សំណើមដល់ស្បែក វាក៏ជួយឱ្យស្បែកមានសុខភាពល្អពីខាងក្នុងមកខាងក្រៅផងដែរ។

៥. ធ្វើឱ្យស្បែករបស់អ្នកមើលទៅភ្លឺថ្លាជាងមុន

ទឹកដូង​ជា​ភេសជ្ជៈ​សម្បូរ​ទៅដោយ​សារធាតុ​រ៉ែ​ធម្មជាតិ ប៉ូតាស្យូម ជាតិដែក សូដ្យូម កាល់ស្យូម ម៉ាញេស្យូម ផូស្វ័រ ទង់ដែង អាស៊ីតអាមីណូ និងវីតាមីន B ជាមួយនឹងជាតិគ្លុយកូសដែលរាងកាយអាចស្រូបយក។ វាក៏មានប្រយោជន៍ក្នុងការបន្សាបជាតិពុលក្នុងរាងកាយផងដែរ៕