លោក មូន ម៉ារ៉ា តារាចម្រៀងជើងចាស់សម្លេងស្រទន់ ម្ចាស់បទ កាដូគ្មានន័យ តែងតែបង្ហាញភាពផ្អែមល្ហែមជារឿយៗក្នុងបណ្ដាញសង្គម ដោយលោកចូលចិត្តលើកសរសើរពីភរិយារបស់ខ្លួនថាទាំងស្អាតឆ្លាតពូកែ ព្រមទាំងមានរូបសម្រស់ស្រស់ស្អាត ដែលចំនុចនេះហើយបានចងចិត្តលោកឲ្យក្ដីស្រលាញ់កាន់កើនឡើងដកចិត្តមិនបានពីមួយថ្ងៃទៅមួយថ្ងៃ។

តែអ្វីដែលធ្វើឲ្យមហាជនកាន់តែចាប់អារម្មណ៍ និងស៊ែរចែករំលែកនោះ គឺតារាចម្រៀងជើងចាស់រូបនេះ បានបង្ហោះនូវវិដេអូពីកាមេរ៉ាសុវត្ថិភាពពីសកម្មភាពប្រចាំថ្ងៃរបស់ភរិយា សាកសមជាស្រ្តីមេផ្ទះដ៏ល្អអមជាមួយសំណេរយ៉ាងផ្អែមល្ហែមថា ៖ «ថ្ងៃនេះបេីកកាមេរ៉ាផ្ទះមេីលច្រេីនជាងរាល់ដង​ មេីលឃេីញតែសកម្មភាពប្រពន្ធបងធ្វេីការផ្ទះរហូត​ អាណិតណាស់​ ប្រពន្ធសម្លាញ់បង​ បងដឹងអូនហត់​ រាល់ថ្ងៃត្រូវភ្ញាក់ពីព្រលឹមធ្វេីអាហារឲ្យកូននិងប្តី​ រួចនៅបន្តធ្វេីការងារផ្ទះទៀត​ អូនជាម្តាយល្អប្រពន្ធល្អសម្រាប់បងនិងកូន​ បងចង់នៅក្បែរអូនរាល់ថ្ងៃ​ និងថេីបអូនរាល់ព្រឹកមុនបងចេញទៅធ្វេីការ»។

ក្រោយពីបានឃើញបែបនេះហើយមានបណ្ដាមិត្តនារីៗជាច្រើនបានចូលទៅស៊ែរចែករំលែក និងលើកសរសើរថាមនុស្សប្រុសបើដឹងពីទុកធុរៈភរិយាធបែបហ្នឹងគឺល្អបំផុតពិតជាស្វាមីល្អ ដែលគ្រប់គ្នាប្រាថ្នាចង់បានគ្រួសារមានសុភមង្គលចេះយល់ពីគ្នាបែបនេះផងដែរ៕

សម្រួលដោយ៖ Sun Darasy