អាករស្នាក់ នៅជាប្រភេទការបង់អាករមួយ ដែលតម្រូវឲ្យអ្នកមានអាជីវកម្មពាក់ព័ន្ធបំពេញកាតព្វកិច្ច តាមសណ្ឋាន និងទំហំនៃអាជីវកម្មរបស់ពួកគេ។ អាការស្នាក់នៅត្រូវបានកំណត់តាមអត្រា២% លើការស្នាក់នៅក្នុងសណ្ឋាគារ ផ្ទះសំណាក់ក្នុងប្រទេសកម្ពុជា ។ អ្នកជាប់ពន្ធដែលធ្វើការផ្តល់សេវាកម្មស្នាក់នៅត្រូវទទួលខុសត្រូវក្នុងការបង់ប្រាក់អាករនេះជូនរដ្ឋបាលសារពើពន្ធ យ៉ាងយឺតបំផុតត្រឹមថ្ងៃទី២០នៃខែបន្ទាប់ពីខែដែលមានការផ្គត់ផ្គង់។

អាការលើការស្នាក់នៅ​ មានវិសាលភាពអនុវត្តចំពោះការផ្តល់សេវាស្នាក់នៅក្នុងសណ្ឋាគារដែលមានលក្ខណៈជាបន្ទប់ គ្រែ និងមានផ្តល់នូវសម្បទានិងសេវាផ្សេងៗទៀតទៅតាមប្រភេទនិងទីកន្លែងផ្តល់សេវាស្នាក់នៅនីមួយៗ មានដូចជា សណ្ឋាគារ សណ្ឋាគារអាផាតមិន សណ្ឋគារស្វីត សណ្ឋាគាររីសត ម៉ូតែល ឡូដ បឹងកាឡូ ផ្ទះសំណាក់ឬផ្ទះភ្ញៀវ កន្លែងបោះជំរំទេសចរណ៍ ឬទីកន្លែងផ្តល់សេវាស្នាក់នៅដទៃទៀតដែលមានលក្ខណៈប្រហាក់ប្រហែល ទោះបីជាដាក់ឈ្មោះអ្វីក៏ដោយ។

ដើម្បីឲ្យកាន់តែច្បាស់ សម្បទានិងសេវាផ្សេងៗត្រង់ចំណុចនេះសំដៅដល់សេវាដូចជា អាហារ បោសសម្អាត ផ្លាត់ប្តូរសម្ភារប្រើប្រាស់ សាវាទឹកភ្លើង បកគក់ កន្លែងហាត់ប្រាណ ហែលទឹក ម៉ាស្សា ស្ទីម និងសូណាជាដើម។

អាករលើការស្នាក់នៅមិនអនុវត្តទេ ចំពោះបន្ទប់ជួល ផ្ទះឬផ្ទះល្វែងជួល តាមរយៈកិច្ចសន្យាជួលរយៈពេលខ្លី ឬរយៈពេលវែង។

មូលដា្ឋនគិតអាករ អត្រាអាករ និងការគណនាអាករ

សម្រាប់មូលដ្ឋានគិតជាអាករ គឺជាថ្លៃបន្ទប់ស្នាក់នៅក្នុងសណ្ឋាគារ ដោយរួមបញ្ចូ​លទាំងពន្ធ-អាករ និងបន្ទុកសេវាផ្សេងៗប៉ុន្តែត្រូវលើកលែងអាករលើតម្លៃបន្ថែម និងអាគារស្នាក់នៅខ្លួនឯង ។

• អាត្រាអាករលើការស្នាក់នៅ គឺ ២%

• មូលដ្ឋានគិតអាករ = ថ្លៃបន្ទប់ + + ពន្ធអាករ + បន្ទុកផ្សេងៗ (services charge) ឬ

• មូលដ្ឋានគិតអាករ = ថ្លៃផ្គត់ផ្គត់កត់ត្រាលើវិក្កយបត្រឱ្យអតិថិជន - VAT -

អាករលើការស្នាក់នៅខ្លួនឯង

• អាករស្នាក់នៅ = មូលដ្ឋានគិតអាករ x ២%

• កាលបរិច្ឆេទបង់អាករ យឺតបំផុតថ្ងៃទី ២០ នៃខែបន្ទាប់៕

លោកអ្នកអាចស្វែងរកផ្ទះលក់ ឬជួល តាមរយៈគេហទំព័រ ឬកម្មវិធីក្នុងទូរស័ព្ទរបស់ Harbor Property​ ដោយសេរីនិងឥតគិតថ្លៃ!

អំពីសេវាកម្ម ឬចម្ងល់ផ្សេងៗសូមទំនាក់ទំនងយើងខ្ញុំតាមរយៈ៖

Hotline/(Telegram): +855 16 252288

WeChat: HB066886633

អត្ថបទដើម