ប្លង់​ទន់​ គឺជាប្រភេទឯកសារដែលមានច្រើនទម្រង់ហើយអាចធ្វើជាសក្ខីភាពនៃការកាន់កាប់ក្នុងនោះអាចមានការបញ្ជាក់ដោយអាជ្ញាធរមូលដ្ឋាន ភូមិ ឃុំ ដល់ថ្នាក់ស្រុក ឬអាចជាលិខិតទិញ លក់ ឬកិច្ចសន្យាផ្ទេរសិទ្ធិ ដ៏សាមញ្ញ។ ប្លង់​ទន់​គឺជា​ទម្រង់​បង្ហាញ​ពី​ភាពជា​ម្ចាស់​ ​ដែល​គេ​ប្រើ​ជាទូទៅនៅក្នុង​ប្រទេស​កម្ពុជា​។ វា​ជា​ប័ណ្ណ​កម្ម​សិទ្ធិ​ដីធ្លី​នៅ​កម្ពុជា​ដែល​ត្រូវបាន​ទទួលស្គាល់​ពី​រដ្ឋា​ភិបាល​ក្នុងស្រុក​។​

បើយើងនិយាយពី​ ច្បាប់​ភូមិបាល​ឆ្នាំ ​២០០១ ​បាន​បង្កើត​ប្រព័ន្ធ​បញ្ជី​ឈ្មោះ​ដីធ្លី​ឲ្យមាន​ ប័ណ្ណកម្មសិទ្ធិ​ដីធ្លី ​នៅ​ប្រទេស​កម្ពុជា​នាពេល​បច្ចុប្បន្ន​នេះ​។ ការកាន់កាប់អចលនទ្រព្យ បច្ចុប្បន្ន ត្រូវបានធានាសុវត្ថិភាពដោយប័ណ្ណមួយ ក្នុងចំណោម៣នៃទម្រង់របស់ប័ណ្ណកម្មសិទ្ធិក្នុង ប្រទេសកម្ពុជា។ ប្រភេទប័ណ្ណកម្មសិទ្ធអចលនទ្រព្យវត្ថុ ជាទូទៅគេតែងតែលើកយកប័ណ្ណ សម្គាល់ម្ចាស់ កម្មសិទ្ធិស្របច្បាប់តែពីរប៉ុណ្ណោះ មកបញ្ជាក់គឺប្លង់រឹងនិងប្លង់ទន់។

ដូចរៀបរាប់ខាងដើមទាក់ទងនឹងនិយមន័យរបស់ប្លង់ទន់អចលនទ្រព្យ ក្នុងអត្ថបទនេះសូមលើកយក នូវករណីមួយដែលអ្នកកាន់កាប់ប្លង់ទន់អចលនទ្រព្យ ដែលមានបារកូដចុះបញ្ជីហើយបានបង់ពន្ធត្រឹមត្រូវតើវាអាចកាត់បន្ថយហានិយភ័យដែរឬទេ?

ឆ្លើយតបនឹងសំនួរខាងលើ ក្នុងកិច្ចសន្ទនារបស់សមាគមអ្នកវាយតម្លៃអចលវត្ថុកម្ពុជា ដែលមានលោក មេធាវី ឃ្លោក ដារ៉ា ទីប្រឹក្សាច្បាប់ជាន់ខ្ពស់ ក្រុមមេធាវីរៀល បានឆ្លើយតបទៅកាន់សំនួរដូច្នេះថា “ករណីវាជាប្លង់ទន់ប៉ុន្តែមានបារកូដ និងមានការបង់ពន្ធជូនរដ្ឋបានត្រឹមត្រូវវាជាការប្រសើរ ហើយក៏កាត់បន្ថយហានិយភ័យបានមួយកម្រិតផងដែរ។ តែទោះជាយ៉ាងណាអចលនទ្រព្យប្លង់ទន់វានៅតែមានសុវត្ថិភាព ទាបជាងអចលនទ្រព្យប្លង់រឹង។ ដូច្នេះហើយការទិញអចលនទ្រព្យត្រូវតែមានការត្រួតពិនិត្យឲ្យបានម៉ត់ចត់ និងមានការពិភាក្សាជាមួយអ្នកជំនាញផងដែរ៕”

ស្វែងរក គម្រោងអភិរឌ្ឍន៍ថ្មីនៅក្នុងប្រទេសកម្ពុជា  តាមរយៈគេហទំព័រ ឬកម្មវិធីទូរស័ព្ទដៃ របស់ Harbor Property ​ ដោយសេរីនិងឥតគិតថ្លៃ!

អំពីសេវាកម្ម ឬចម្ងល់ផ្សេងៗសូមទំនាក់ទំនងយើងខ្ញុំតាមរយៈ៖

Hotline: +855 99 252288 , +855 66 252288

(Telegram)/ +855 16 252288

WeChat: HB066886633

#HarborProperty 

ចុចលីងនៅទីនេះដើម្បីធ្វើការស្ទង់មតិឈ្នះរង្វាន់ពី Harbor Property!