ការនិយាយស្ដីទៅកាន់កូនចៅ ពាក្យសម្ដីពិតជាមានឥទ្ធិពលណាស់ និយាយល្អ តទៅថ្ងៃមុខកូនចៅនឹងបានល្អ តែបើនិយាយពាក្យមិនល្អ ថ្ងៃក្រោយគ្រួសារនឹងធ្លាក់ចុះដុនដាប វិនាសដោយមិនដឹងខ្លួន។

១. ម៉ែឪលែងស្រឡាញ់ លែងត្រូវការ ៖ មនុស្សចាស់ជាច្រើនចូលចិត្តនិយាយឃ្លានេះ ទោះបីវាជារឿងកំប្លែងក៏ដោយ ប៉ុន្តែសម្រាប់ក្មេងៗពួកគេមិនអាចបែងចែកបានទេថាជាពាក្យពិត ឬពាក្យកំប្លែង។ ពេលខ្លះកូនត្រូវចាកចេញពីឪពុកម្តាយទៅរស់នៅជាមួយយាយតា ហើយនៅពេលនេះពួកគាត់សោកស្តាយខ្លាំងណាស់។ ដូច្នេះមនុស្សពេញវ័យគួរណែនាំកូនដោយប្រុងប្រយ័ត្ន។

២. ប្រយ័ត្នប៉ូលីសចាប់ ៖ ជាការពិតណាស់ ចាស់ៗ និងឪពុកម្ដាយមួយចំនួន ចូលចិត្តនិយាយឃ្លាននេះណាស់ «និយាយអត់ស្ដាប់ ប្រយ័ត្នប៉ូលីសចាស់»។ ប៉ុន្តែការប្រើវិធីនេះនឹងធ្វើឱ្យកុមារស្អប់វាកាន់តែខ្លាំងឡើង។ ប្រសិនបើថ្ងៃណាមួយកុមារមានគ្រោះថ្នាក់ ហើយត្រូវការជំនួយ តែមិនហ៊ានហៅប៉ូលីសឱ្យជួយទេ នោះគាត់អាចនឹងបាត់បង់ឱកាស និងមានគ្រោះថ្នាក់កាន់តែធំ។

៣. ក្មេងមិនដឹងអីទេ ៖ មនុស្សជាច្រើនគិតថាក្មេងនៅតែជាក្មេង ដូច្នេះទោះបីជាពួកគេធ្វើខុសក៏ដោយ ក៏ពួកគេមិនស្តីបន្ទោសដែរ។ ប៉ុន្តែប្រសិនបើមនុស្សធំមិនបានបង្រៀនកូនដោយប្រយ័ត្នប្រយែងទេ នោះពួកគេនឹងកាន់តែខូច។

៤. តាមចិត្តគ្រប់រឿង ៖ ចាស់ៗ ជាពិសេសជីដូនជីតាដែលស្រឡាញ់ចៅខ្លាំង ច្រើនតែតាមចិត្តចៅគ្រប់រឿង មិនខ្វល់ថាខុស ឬត្រូវ ដើម្បីតែឱ្យចៅឈប់យំ លែងរករឿង ក៏ធ្វើតាមចិត្ត នេះគេហៅថា ទំនើងក្មេង នាំឱ្យក្មេងកាន់តែបានចិត្ត ធំឡើងកាន់តែខូច។

៥. លើកតម្កើងក្មេងជ្រុល ៖ ក្នុងកាលៈទេសៈធម្មតា វាពិបាកសម្រាប់មនុស្សចាស់ក្នុងការវាយតម្លៃចៅរបស់ខ្លួនឱ្យបានត្រឹមត្រូវណាស់។ ដូច្នេះហើយ ពួកគាត់ច្រើនតែលើកសរសើរពីចៅ ដល់ថ្នាក់ហ៊ាននិយាយថា «គ្មានអ្នកណាល្អដូចចៅខ្លួន»។

៦. ក្មេងនេះមិនល្អទេ កុំលេងជាមួយគេ ៖ នៅពេលពួកគេនៅក្មេង កុមារមិនអាចបែងចែករវាងល្អ និងអាក្រក់បាននោះទេ។ លើលោកនេះ មានតែមិត្តដែលលេងជាមួយ។ មនុស្សពេញវ័យមិនគួរប្រើភ្នែកខ្លួនឯងដើម្បីវិនិច្ឆ័យក្មេងដទៃនោះឡើយ ប៉ុន្តែត្រូវឱ្យកុមារធ្វើអន្តរកម្ម និងវិនិច្ឆ័យដោយខ្លួនគេវិញ៕