សមាជិកសភាសហរដ្ឋអាមេរិកកាលពីថ្ងៃព្រហស្បតិ៍ បានអំពាវនាវឲ្យប្រទេសនេះចាត់វិធានការបន្ថែមទៀតដើម្បីបញ្ឈប់លំហូរនៃអាវុធទៅកាន់ប្រទេសហៃទី និងបញ្ឈប់ការវិលត្រឡប់ដោយបង្ខំនៃជនអន្តោ ប្រទេសន៍ ដែលកំពុងស្វែងរកការភៀសខ្លួនពីអំពើហិង្សាតាមដងផ្លូវកាន់តែអាក្រក់ និងកង្វះការផ្គត់ផ្គង់សំខាន់ៗ។

សមាជិកសភាបក្សប្រជាធិបតេយ្យ លោកស្រី Ayanna Pressley លោកស្រីCori Bush និង លោកស្រី Sheila Cherfilus-McCormick បានជួបជាមួយអ្នកតស៊ូមតិសិទ្ធិមនុស្ស និងអង្គការហៃទី ដើម្បីអំពាវនាវឲ្យមានការពន្យារស្ថានភាពការពារបណ្តោះអាសន្នសម្រាប់ជនអន្តោប្រវេសន៍ ការបញ្ចប់ការនិរទេស និងការគ្រប់គ្រងកាន់តែខ្លាំងនៅកំពង់ផែ Florida ដែលអង្គការសហប្រជាជាតិចាត់ទុកថាផ្លូវសំខាន់សម្រាប់ការជួញដូរអាវុធទៅឲ្យក្រុមជនអន្ធពាលដែលគ្រប់គ្រងភាគច្រើននៃរដ្ឋធានីនេះ។

អ្នកចូលរួមរួមមានតំណាងមកពីសម្ព័ន្ធទំនាក់ទំនងហៃទី (Haitian Bridge Alliance), សម្ព័ន្ធជនអន្តោប្រវេសន៍ហ្វ្លរីដា ( Florida Immigrant Coalition), ចលនាបណ្តាញសកម្មភាពគ្រួសារ (Family Action Network Movement) និងអង្គការលើកលែងទោសសហរដ្ឋអាមេរិក(Amnesty International USA)។

ក្រុមប្រដាប់អាវុធហៃទីជាច្រើនក្រុម បានរឹតបន្តឹងការក្តាប់របស់ពួកគេលើប្រទេសតំបន់ការ៉ាអ៊ីប កាន់តែខ្លាំងឡើង ចាប់តាំងពីលោកនាយករដ្ឋមន្រ្តី Ariel Henry ដែលមិនជាប់ឆ្នោត បានប្រកាសលាលែងពីតំណែងកាលពីមួយខែមុន ដោយធ្វើឲ្យដល់វិបត្តិមនុស្សធម៌កាន់តែធ្ងន់ធ្ងរឡើង ខណៈដែលប្រជាជនរស់នៅក្រោមការបាញ់ប្រហារយ៉ាងញឹកញាប់ ខណៈដែលកំពង់ផែ នៅតែបិទ មន្ទីរពេទ្យខ្វះការផ្គត់ផ្គង់ សំខាន់ៗ និងហាងលក់ទំនិញនានា អស់ស្បៀងអាហារសម្រាប់លក់។

https://today.westlaw.com/Document/Ie52ff110f85f11ee8eeee43a9293105e/View/FullText.html?transitionType=Default&contextData=(sc.Default)