TA X2
· 04-10
អ៊ីរ៉ង់ បើកស្ថានកុងស៊ុលថ្មីនៅប្រទេសស៊ីរី បន្ទាប់ពីការវាយប្រហាររបស់អ៊ីស្រាអែល
#ព័ត៌មាន# #អ៊ីស្រាអែល# #ព័ត៍មានអន្តរជាតិ#
2175
រដ្ឋមន្ត្រីការបរទេសអ៊ីរ៉ង់ លោក ហូសេន អាមឺ អាបឌុលឡាហៀន (Hossein Amir-Abdollahian) បានបើកអគារកុងស៊ុលថ្មីមួយនៅរដ្ឋធានី ដាម៉ាស ប្រទេសស៊ីរីកាលពីថ្ងៃចន្ទ (០៨ មេសា) បន្ទាប់ពីមានការបំផ្លិចបំផ្លាញស្ថានកុងស៊ុលមុន ដោយការវាយប្រហារដែលសង្ស័យរបស់អ៊ីស្រាអែល កាលពីសប្តាហ៍មុន។
លោក អាបឌុលឡាហៀន រួមជាមួយរដ្ឋមន្ត្រីការបរទេសស៊ីរី លោក ហ្វៃសាល ម៉េកដាដ (Faisal Mekdad) បានចូលរួមក្នុងពិធីសម្ពោធស្ថានកុងស៊ុលថ្មី ដែលមានទីតាំងនៅជាប់នឹងអគារមុនដែលត្រូវបានកម្ទេចដោយការវាយប្រហារដោយមីស៊ីលរបស់អ៊ីស្រាអែល កាលពីប៉ុន្មានថ្ងៃមុននោះ។
លោក អាបឌុលឡាហៀន បានទៅដល់ទីក្រុង ដាម៉ាស កាលពីរសៀលថ្ងៃចន្ទ សម្រាប់ដំណើរទស្សនកិច្ចលើកដំបូងរបស់ខ្លួនទៅកាន់ប្រទេសនេះ ចាប់តាំងពីការវាយប្រហាររបស់អ៊ីស្រាអែល ទៅលើស្ថានកុងស៊ុលអ៊ីរ៉ង់កាលពីថ្ងៃទី០១ ខែមេសា មក។
ការវាយប្រហារនេះបានសម្លាប់មេដឹកនាំជាន់ខ្ពស់ជាច្រើននាក់នៅក្នុងកងឆ្មាំបដិវត្តន៍អ៊ីស្លាម (IRGC) រួមទាំងលោក ម៉ូហាម៉េដ រ៉េហ្សា ហ្សាហេឌី (Mohammad Reza Zahedi) ដែលជាអតីតយុទ្ធជនមេបញ្ជាការ ដែលដឹកនាំកងប្រតិបត្តិការបរទេសកងឆ្មាំបដិវត្តន៍អ៊ីស្លាម គឺកងកម្លាំងគុត (Quds) នៅស៊ីរី និងលីបង់។
ថ្លែងនៅក្នុងសន្និសីទសារព័ត៌មានរួមគ្នាជាមួយសមភាគីស៊ីរី លោក អាបឌុលឡាហៀន បានបញ្ជាក់សារជាថ្មីថា អ៊ីស្រាអែល នឹងទទួលបាន «ការឆ្លើយតបជាចាំបាច់» សម្រាប់ការវាយប្រហាររបស់ខ្លួនលើស្ថានកុងស៊ុល ខណៈពេលដែលបន្ទោសសហរដ្ឋអាមេរិក ចំពោះឧប្បត្តិហេតុនេះ៕
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
ការណែនាំពិសេស
រុស្ស៊ីថ្កោលទោសយ៉ាងដាច់អហង្ការចំពោះការវាយប្រហាររបស់អ៊ីស្រាអែលទៅលើស្ថានកុងស៊ុលអ៊ីរ៉ង់ប្រចាំនៅស៊ីរី
រដ្ឋមន្ត្រីការបរទេសអ៊ីរ៉ង់ បន្តដំណើរទស្សនកិច្ចក្នុងតំបន់ ទៅកាន់ប្រទេសស៊ីរី
រដ្ឋមន្ត្រីការបរទេសអ៊ីរ៉ង់ ចោទអាមេរិកថា បានផ្តល់ភ្លើងខៀវឲ្យអ៊ីស្រាអែលវាយប្រហារស្ថានកុងស៊ុល នៅស៊ីរី
ប្រធានសភាស៊ីរី ថ្កោលទោសចំពោះការវាយប្រហារលើស្ថានទូតអ៊ីរ៉ង់ក្នុងប្រទេសស៊ីរី
យោបល់ទាំងអស់ (0)