ប្រធានក្រុមឃ្លំាមើលនុយក្លេអ៊ែរអង្គការសហ្រជាជាតិ(UN) ដែលជាទីភ្នាក់ងារថាមពលអាតូមិកអន្តរជាតិ(IAEA)និយាយនៅថ្ងៃអង្គារនេះថា លោកគាំទ្រការជំរុញរបស់ជប៉ុនឲ្យមានកិច្ចប្រជុំកំពូលជាមួយកូរ៉េខាងជើង បើទោះបីជាកិច្ចប្រជុំពីការផលិតអាវុធនុយក្លេអ៊ែររបស់ទីក្រុងព្យុងយ៉ាងលែងមាននៅលើតុតាំងពីដំបូងទីក៏ដោយ ។ 

នាយករដ្ឋមន្រ្តីជប៉ុនលោក Fumio Kishida និយាយថា លោកចង់ចូលរួមកិច្ចប្រជុំជាមួយមេដឹកនំាកូរ៉េខាងជើងលោក Kim Jong Un ដោយគ្មានលក្ខខណ្ឌជាមុន ហើយលោកនឹងត្រួតពិនិត្យដោយផ្ទាល់កិច្ចខិតខំឲ្យមានកិច្ចប្រជុំកំពូលថ្នាក់មេដឹកនាំបែបនេះជាលើកដំបូងក្នុងរយៈពេល ២០ឆ្នាំ ។ 

នៅក្នុងការឆ្លើយតបដ៏កម្រមួយ ប្អូនស្រីលោក Kim ដែលបម្រើការនៅគណបក្សកាន់អំណាចពលករ បាននិយាយកាលពីខែមុនថា នៅថ្ងៃណាមួយលោក Kishida អាចនឹងធ្វើដំណើរមកកាន់ទីក្រុងព្យុងយ៉ាង ។ 

IAEA ពុំអាចទាក់ទងជាមួយកូរ៉េខាងជើងបាននោះទេ ចាប់តាំងពីទីក្រុងព្យុងយ៉ាងបណ្តេញក្រុមសង្កេតការណ៍របស់ពួកគេចេញ កាលពីឆ្នាំ ២០០៩ ប៉ុន្តែពួកគេបានលើកឡើងក្តីកង្វល់ម្តងហើយម្តងទៀតពីភាពរីកចម្រើននុយក្លេអ៊ែររបស់កូរ៉េខាងជើង ហើយនិងការកើនឡើងចំនួនកាំភ្លើងធំនុយក្លេអ៊ែរនៅក្នុងប្រទេសឯកាមួយនេះ ។ 

នៅពេលសួរថាតើលោកនឹងគាំទ្រកិច្ចប្រជុំរបស់ជប៉ុនជាមួយកូរ៉េខាងជើង បើទោះបីជាបញ្ហាការរីកសាយភាយអាវុធនុយក្លេអ៊ែរពុំត្រូវបានពិភាក្សាក៏ដោយនោះ ប្រធាន IAEA លោក Rafael Grossi និយាយនៅក្នុងបទសម្ភាសន៍ថា វាគឺជារឿងសំខាន់ខ្លាំងណាស់ក្នុងការចូលរួម ៕

https://timesofindia.indiatimes.com/world/rest-of-world/japans-push-for-north-korea-summit-very-important-iaea-chief-says/articleshow/108431323.cms