រដ្ឋាភិបាលអង់គ្លេស នៅថ្ងៃអង្គារ (ទី១២ ខែមីនា) នេះ បានឲ្យដឹងថា ខ្លួននឹងដាក់ពង្រាយនាវាចម្បាំង HMS Diamond នៅសមុទ្រក្រហម និងឈូងសមុទ្រ Aden ដើម្បីជំនួសនាវា HMS Richmond ក្នុងការជួយការពារការដឹកជញ្ជូនពាណិជ្ជកម្ម នៅក្នុងតំបន់នេះ។

រដ្ឋមន្ត្រីការពារជាតិលោក Grant Shapps បានលើកឡើងនៅក្នុងសេចក្តីថ្លែងការណ៍មួយថា៖ «ចក្រភពអង់គ្លេសនៅតែបន្តនាំមុខគេ ក្នុងការឆ្លើយតបជាអន្តរជាតិ ចំពោះការវាយប្រហារដ៏គ្រោះថ្នាក់របស់ពួកហ៊ួទីលើនាវាពាណិជ្ជកម្ម ដែលកាយវាយប្រហារនោះបានឆក់យកជីវិតរបស់ទាហានជើងទឹកអន្តរជាតិផងដែរ»។

លោកន Shapps បានបន្ថែមថា៖ «ការការពារការដឹកជញ្ជូនជុំវិញពិភពលោក គឺជាកិច្ចការសំខាន់មួយរបស់កងទ័ពជើងទឹក ហើយការដាក់ពង្រាយនេះបង្ហាញពីរបៀបថា តើនាវិកមានជំនាញខ្ពស់កម្រិតណា និងថា តើនាវាចម្បាំងដ៏ទំនើបរបស់យើង កំពុងជួយរក្សាផ្លូវសមុទ្ររបស់យើងឲ្យមានសុវត្ថិភាពយ៉ាងដូចម្ដេច»។

គួរបញ្ជាក់ថា ក្រុមហ៊ួទីដែលមានមូលដ្ឋាននៅប្រទេសយេម៉ែន បានកំណត់គោលដៅដឹកជញ្ជូន នៅក្នុងសមុទ្រក្រហម និងឈូងសមុទ្រ Aden ដោយអះអាងថា សកម្មភាពរបស់ខ្លួន គឺជាការឆ្លើយតបទៅនឹងសង្គ្រាមរបស់អ៊ីស្រាអែលលើក្រុមហាម៉ាស នៅតំបន់ហ្កាហ្សា ដែលជាការអះអាងត្រូវបានច្រានចោលដោយចក្រភពអង់គ្លេស និងសម្ព័ន្ធមិត្ត៕

https://www.reuters.com/world/uk-deploys-hms-diamond-warship-red-sea-protect-shipping-2024-03-12/