TA X2
· 03-12
កំហឹងរបស់ជនជាតិអាល្លឺម៉ង់ឆាបឆួលកាន់តែខ្លាំង ចំពោះក្រុមហ៊ុន Tesla និងផែនការពង្រីករោងចក្ររបស់ក្រុមហ៊ុន
#ព័ត៌មាន# #Tesla# #ជនជាតិអាល្លឺម៉ង់# #ព័ត៍មានអន្តរជាតិ#
4333
មនុស្សប្រមាណជា ១.០០០នាក់ បានដើរដង្ហែនៅខាងក្រៅទីក្រុងប៊ែរឡាំង កាលពីថ្ងៃអាទិត្យ (ទី១០ ខែមីនា) ដើម្បីតវ៉ាប្រឆាំងនឹងក្រុមហ៊ុន Tesla និងផែនការរបស់ក្រុមហ៊ុនផលិតរថយន្តអាមេរិកមួយនេះ ដែលចង់ពង្រីករោងចក្ររបស់ខ្លួន ដោយការតវ៉ានេះកើតមានឡើងក្នុងរយៈពេលតែប៉ុន្មានថ្ងៃបន្ទាប់ពីការវាយប្រហារដោយដុតភ្លើង កាត់ផ្ដាច់ការផ្គត់ផ្គង់ថាមពលអគ្គិសនីដល់ខ្សែផលិតកម្មរបស់ក្រុមហ៊ុនផលិតរថយន្តនេះ។
ផលិតកម្មរបស់រោងចក្ររបស់ក្រុមហ៊ុន Tesla នៅទីក្រុង Gruenheide បានធ្លាក់ចុះ គិតចាប់តាំងពីថ្ងៃទី៥ ខែមីនា បន្ទាប់ពីក្រុមឆ្វេងជ្រុលនិយមបានធ្វើការវាយប្រហារដោយដុតបង្គោលភ្លើងនៅក្បែរនោះ ដែលបណ្តាលឲ្យការផ្គត់ផ្គង់ថាមពលអគ្គីសនីរបស់រោងចក្រ ត្រូវបានរំខាន រហូតដល់សប្តាហ៍បន្ទាប់។
ការវាយប្រហារនេះបានធ្វើឲ្យបុគ្គលិក ១២.៥០០នាក់របស់ក្រុមហ៊ុននេះ ស្ថិតក្នុងភាពមិនច្បាស់លាស់ ហើយកំពុងធ្វើឲ្យក្រុមហ៊ុនផលិតរថយន្តរបស់សហរដ្ឋអាមេរិកមួយនេះ មិនអាចផលិតរថយន្តប្រហែល១.០០០គ្រឿង ក្នុង ១សប្តាហ៍ ដែលគេរំពឹងថា នឹងបណ្តាលឲ្យមានការខាតបង់យ៉ាងហោចណាស់រាប់រយលានអឺរ៉ូ។
ការវាយប្រហារនេះគឺជាឧបសគ្គចុងក្រោយបំផុត សម្រាប់ក្រុមហ៊ុន Tesla ដែលជួបប្រទះនូវពេលវេលាដ៏រញ៉េរញ៉ៃ នៅទ្វីបអឺរ៉ុបថ្មីៗនេះ ដោយប្រឈមនឹងសម្ពាធសហជីព សម្រាប់កិច្ចព្រមព្រៀងចរចារួម នៅក្នុងតំបន់អឺរ៉ុបខាងជើង និងការរំខានដល់ការផ្គត់ផ្គង់ដែលបណ្ដាលមកពីការវាយប្រហារលើការដឹកជញ្ជូន នៅសមុទ្រក្រហម៕
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
ការណែនាំពិសេស
ចំនួនពលរដ្ឋប៉ាឡេស្ទីនស្លាប់នៅហ្កាហ្សា កើនឡើងដល់ ៣០.៩៦០នាក់ ខណៈមានការវាយប្រហារកាន់តែខ្លាំងពីអ៊ីស្រាអែល
ស្ថានទូតអាមេរិក ព្រមានពីលទ្ធភាពវាយប្រហាររបស់ក្រុមជ្រុលនិយម នៅទីក្រុងមូស្គូ
កសិករឆែកចោលជីលាមកសត្វតាមដងផ្លូវ ក្នុងទីក្រុង Prague ក្នុងការតវ៉ាថ្មី
ចំនួនអ្នកស្លាប់ជនជាតិប៉ាឡេស្ទីន ក្នុងសង្គ្រាមអ៊ីស្រាអែល នៅតំបន់ហ្កាហ្សា ឡើងដល់ជាង ៣០.៤០០ នាក់
យោបល់ទាំងអស់ (0)