ស្ថានទូតអាមេរិកប្រចាំនៅប្រទេសរុស្ស៊ី បានព្រមានពលរដ្ឋអាមេរិកឲ្យជៀសវាងការជួបជុំទ្រង់ទ្រាយធំ នៅទីក្រុងមូស្គូ ដោយសារតែអ្វីដែលខ្លួនបាននិយាយថា ជារបាយការណ៍ដែលថា ក្រុមជ្រុលនិយមមានផែនការសម្រាប់ការវាយប្រហារដែលអាចកើតឡើង។

ស្ថានទូតដែលបានជំរុញម្តងហើយម្តងទៀត ពលរដ្ឋអាមេរិកទាំងអស់ឲ្យចាកចេញពីប្រទេសរុស្ស៊ីជាបន្ទាន់ មិនបានផ្ដល់ព័ត៌មានលម្អិតបន្ថែមអំពីលក្ខណៈនៃការគំរាមកំហែងនេះទេ ប៉ុន្តែបាននិយាយថា ប្រជាជនគួរតែជៀសវាងការប្រមូលផ្តុំគ្នា ហើយត្រូវដឹងពីតំបន់ជុំវិញរបស់ពួកគេ។

ស្ថានទូតបាននិយាយនៅក្នុងសារមួយនៅលើគេហទំព័ររបស់ខ្លួនថា៖«ស្ថានទូតកំពុងតាមដានរបាយការណ៍ដែលថា ក្រុមជ្រុលនិយមមានផែនការ ដើម្បីកំណត់គោលដៅទៅការជួបជុំធំៗ នៅទីក្រុងមូស្គូ ដើម្បីរួមបញ្ចូលការប្រគុំតន្ត្រី ហើយពលរដ្ឋអាមេរិក គួរតែត្រូវបានណែនាំឲ្យជៀសវាងការជួបជុំធំៗ ក្នុងរយៈពេល ៤៨ម៉ោងខាងមុខ។

សង្រ្គាមនៅអ៊ុយក្រែន បានបង្កឲ្យមានវិបត្តិដ៏ជ្រៅបំផុត នៅក្នុងទំនាក់ទំនងរបស់រុស្ស៊ីជាមួយលោកខាងលិច ចាប់តាំងពីវិបត្តិមីស៊ីលគុយបា ឆ្នាំ១៩៦២ ហើយលោកពូទីន បានព្រមានថា លោកខាងលិច ប្រថុយនឹងការបង្កសង្គ្រាមនុយក្លេអ៊ែរ ប្រសិនបើខ្លួនបញ្ជូនកងទ័ពទៅប្រយុទ្ធនៅអ៊ុយក្រែន។

វិមានក្រឹមឡាំង និយាយថា ទំនាក់ទំនងជាមួយសហរដ្ឋអាមេរិក មិនមែនកាន់តែអាក្រក់នោះទេ ហើយ       ប ញ្ជាក់ថា សហរដ្ឋអាមេរិក កំពុងប្រយុទ្ធប្រឆាំងនឹងរុស្ស៊ី ដោយគាំទ្រអ៊ុយក្រែនតាមរយៈផ្តល់លុយ អាវុធ និងព័ត៌មានចារកម្ម។

https://www.reuters.com/world/us-embassy-warns-imminent-extremist-attack-moscow-2024-03-08/