TA X2
· 03-06
ប្រភពទួរគី អះអាងថា លោកអេរដូហ្គែន និង លោកអាបាស គ្រោងនឹងពិភាក្សាគ្នាអំពីការផ្តល់ជំនួយដល់តំបន់ហ្កាហ្សា
#ព័ត៌មាន# #លោក TAYYIP ERDOGAN# #ព័ត៍មានអន្តរជាតិ#
3803
ប្រភពការទូតទួរគី បាននិយាយកាលពីថ្ងៃចន្ទថា លោកប្រធានាធិបតី តាយីប អេរដូហ្គែន (TAYYIP ERDOGAN) គ្រោងនឹងពិភាក្សាអំពីកិច្ចខិតខំប្រឹងប្រែងរបស់ប្រទេសទួរគីក្នុងការផ្តល់ជំនួយមនុស្សធម៌ទៅកាន់តំបន់ហ្កាហ្សាជាមួយប្រធានអាជ្ញាធរប៉ាឡេស្ទីន លោក ម៉ាខ្មូដ អាបាស (MAHMOUD ABBAS) ក្នុងអំឡុងពេលកិច្ចពិភាក្សានៅទីក្រុងអង់ការ៉ា ក្នុងសប្តាហ៍នេះ។
ថ្លែងនៅក្នុងវេទិកាការទូតនៅប្រទេសទួរគីកាលពីចុងសប្តាហ៍ រដ្ឋមន្ត្រីការបរទេសរបស់អាជ្ញាធរប៉ាឡេស្ទីន លោក រីយ៉ាដ អាល់ ម៉ាលីគី (RIYAD-AL MALIKI) បានបញ្ជាក់ថា លោកអាបាស នឹងទៅបំពេញទស្សនកិច្ចនៅទីក្រុងអង់ការ៉ា នៅថ្ងៃអង្គារនេះ និងជួបលោកអេរដូហ្គែន។
ប្រទេសទួរគី ដែលបានរិះគន់អ៊ីស្រាអែលយ៉ាងខ្លាំងចំពោះការវាយប្រហាររបស់ខ្លួនលើតំបន់ហ្កាហ្សា និងបានគាំទ្រវិធានការដើម្បីឲ្យមានការកាត់ទោសអំពើប្រល័យពូជសាសន៍ នៅតុលាការពិភពលោកនោះ បានអំពាវនាវម្តងហើយម្តងទៀតឲ្យមានបទឈប់បាញ់។ ប៉ុន្តែទីក្រុងអង់ការ៉ា មិនមានការចូលរួមផ្ទាល់ ក្នុងការចរចាបទឈប់បាញ់ទេ។
មិនដូចសម្ព័ន្ធមិត្តលោកខាងលិច និងប្រទេសឈូងសមុទ្រមួយចំនួនទេ សមាជិកណាតូទួរគី មិនចាត់ទុកក្រុមហាម៉ាស ដែលជាក្រុមសកម្មប្រយុទ្ធប៉ាឡេស្ទីន ដែលគ្រប់គ្រងតំបន់ហ្កាហ្សា ហើយកាលពីថ្ងៃទី៧ ខែតុលា បានធ្វើការវាយប្រហារមួយនៅក្នុងទឹកដីអ៊ីស្រាអែល ដែលជំរុញឲ្យមានយុទ្ធនាការអ៊ីស្រាអែល ក្នុងនាមជាអង្គការភេរវកម្ម។
ប្រភពការទូត បាននិយាយថា លោកអេរដូហ្គែន និង លោកអាបាស នឹងពិភាក្សាអំពីការវិវឌ្ឍថ្មីៗ នៅក្នុងតំបន់ហ្កាហ្សា ក៏ដូចជាស្ថានភាព នៅតំបន់វេសបែង (WEST BANK)។
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
ការណែនាំពិសេស
ជំនួយមនុស្សធម៌ត្រូវបានបានទម្លាក់ពីលើអាកាសចូលក្នុងទីក្រុងហ្កាហ្សា ជាលើកទី២ ក្នុងសប្តាហ៍នេះ
ចំនួនអ្នកស្លាប់ជនជាតិប៉ាឡេស្ទីន ក្នុងសង្គ្រាមអ៊ីស្រាអែល នៅតំបន់ហ្កាហ្សា ឡើងដល់ជាង ៣០.៤០០ នាក់
អ៊ីស្រាអែលអះអាងថា រថយន្តដឹកជំនួយបើកបុកជនស៊ីវិលបណ្តាលឲ្យមនុស្សស្លាប់យ៉ាងច្រើននៅហ្កាហ្សា
ចំនួនអ្នកស្លាប់នៅហ្កាហ្សា គឺជាង៣០.០០០នាក់ ខណៈដែលអ៊ីស្រាអែលត្រូវចោទប្រកាន់ថាបានបាញ់ប្រហារទៅលើជនស៊ីវិល
យោបល់ទាំងអស់ (0)