ប្រធានាធិបតីវ៉េណេហ្ស៊ុអេឡា លោក Nicolas Maduro បានស្វាគមន៍រដ្ឋមន្ត្រីការបរទេសរុស្ស៊ី លោក Sergei Lavrov នៅវិមានប្រធានាធិបតី Miraflores កាលពីថ្ងៃអង្គារ (ទី២០ ខែកុម្ភៈ) ជាកន្លែងដែលមេដឹកនាំទាំង២ បានជួបប្រជុំពិភាក្សាគ្នាពីបញ្ហាផ្សេងៗ។

លោក Lavrov កំពុងបំពេញទស្សនកិច្ចនៅទីក្រុងការ៉ាកាស ដែលជាផ្នែកនៃដំណើរទស្សនកិច្ច នៅតំបន់អាមេរិកឡាទីន (អាមេរិកខាងត្បូង)។ លោកបានទៅដល់ប្រទេសគុយបា កាលពីថ្ងៃចន្ទ (ទី ១៩ ខែកុម្ភៈ) ហើយលោកនឹងបញ្ចប់ទស្សនកិច្ចរបស់លោក នៅថ្ងៃព្រហស្បតិ៍ (ទី២២ ខែកុម្ភៈ) ក្នុងប្រទេសប្រេស៊ីល។

អំឡុងដំណើរទស្សនកិច្ច នៅប្រទេសវ៉េណេហ្ស៊ុយអេឡានេះ រដ្ឋមន្ត្រីការបរទេសរុស្ស៊ីរូបនេះ បានប្រាប់ថា លោកបានពង្រឹងសម្ព័ន្ធភាព និងការប្តេជ្ញាចិត្តជាមួយប្រទេសនៅតំបន់អាមេរិកឡាទីន ដោយក្នុងចំណោមនោះ ការពង្រឹងក្នុងកិច្ចសហប្រតិបត្តិការលើវិស័យប្រេង ឧស្ម័ន និងថាមពលនុយក្លេអ៊ែរត្រូវតែជំរុញឲ្យកាន់តែខ្លាំងឡើងជាងមុន។

គួរបញ្ជាក់ថា វ៉េណេហ្ស៊ុយអេឡា គឺជាសម្ព័ន្ធមិត្តដ៏ជិតស្និទ្ធរបស់រុស្ស៊ី ហើយប្រធានាធិបតីលោក Maduro បាននិយាយអំពីការគាំទ្ររបស់លោក ចំពោះមេដឹកនាំរបស់ប្រទេសនេះ គឺលោក Vladimir Putin ក្នុងអំឡុងពេលមានសង្គ្រាមរវាងរុស្ស៊ី និងអ៊ុយក្រែន៕

ប្រភពពី៖ rferl.orgh

https://www.rferl.org/

អត្ថបទកែសម្រួលដោយ៖ ឈុន សុជាតា

https://www.rferl.org/a/russia-lavrov-venezuela-maduro-support/32828651.html