ដើម្បីជួយបង្កើនពរជ័យដល់កូនចៅជំនាន់ក្រោយ ឪពុកម្ដាយគ្រប់រូបត្រូវតែមានគុណសម្បត្តិធំទាំង ៣ ចំណុចនេះ ដែលនឹងអាចជួយចម្រុងចម្រើនដល់កូនចៅជំនាន់ក្រោយ។

១. សម្របសម្រួល និងអត់ឱន

ក្នុងនាមជាគ្រួសាររស់នៅជាមួយគ្នា អ្នកគួរតែធ្វើតាមគោលការណ៍៖ អត់ធ្មត់មួយនាទី បញ្ហានឹងស្ងប់ស្ងាត់ ថយមួយជំហាន មេឃខ្ពស់សមុទ្រធំទូលាយ។ យើងអាចជ្រើសរើសមិនអត់ឱនចំពោះអ្នកខាងក្រៅ ប៉ុន្តែយើងត្រូវមានការអត់ឱនចំពោះសមាជិកគ្រួសារ។ រស់នៅក្រោមដំបូលតែមួយ មិនចាំបាច់មានគំនុំនឹងគ្នាទេ។

បើអ្នកអត់ឱនឱ្យខ្ញុំ ខ្ញុំសម្របសម្រួលជាមួយអ្នក ហើយភាគីម្ខាងៗដើរថយក្រោយ ទំនាក់ទំនងគ្រួសារនឹងមិនចុះអន់ថយទាល់តែសោះ។ នៅក្នុងសង្គមនេះ វាពិតជាពិបាកសម្រាប់មនុស្សចាស់ជាច្រើនក្នុងការអត់ឱនដល់គ្នា។ ហេតុផលគឺថាពួកគេត្រូវបានជះឥទ្ធិពលដោយគំនិតនៃឋានានុក្រម និងអាយុ។ ពួកគេមានជំនឿថា ដោយសារពួកគេមានអាយុច្រើន ទើបពួកគេមានសិទ្ធិកំណត់ជោគវាសនារបស់កូនចៅ។ ទំនាក់ទំនងរវាងមនុស្សមិនថាស្និទ្ធស្នាលយ៉ាងណានោះទេ គឺសុទ្ធតែមានតុល្យភាព។ លុះត្រាតែអ្នកចេះអត់ឱនដល់គ្នាទើបអ្នកដទៃព្រមទទួលអ្នក។

២. ផ្ដល់សិទ្ធសេរីភាពដល់កូនចៅ

ពេលមនុស្សចាស់ទៅ គឺត្រូវចេះលែងដៃឱ្យកូនចៅដើរហើរចេញក្រៅដោយខ្លួនឯង។ ទាក់ទងនឹងជម្រើសរបស់កូនៗ និងអ្វីដែលពួកគេចង់ធ្វើ ឪពុកម្តាយគួរតែណែនាំ និងមិនត្រូវជ្រៀតជ្រែក បិទសិទ្ធសេរីភាពកូនចៅឡើយ។ មួយជំនាន់ទៅមួយជំនាន់អាចថែរក្សាកិច្ចការរបស់មួយជំនាន់បាន ប៉ុន្តែតើធ្វើដូចម្តេចទើបអាចថែរក្សាកិច្ចការទាំងអស់របស់មនុស្សពីរជំនាន់បាន?

ឪពុកម្តាយមានរបៀបធ្វើការរៀងៗខ្លួន កូនៗក៏មានរបៀបធ្វើការរៀងៗខ្លួនដែរ ឱ្យតែភាគីទាំងពីរគោរពគ្នាទៅវិញទៅមក។ ឪពុកម្តាយដែលនៅតែឱបក្រសោបកូនចៅ មិនចេះលែងដៃ អ្នកនឹងត្រូវរស់នៅយ៉ាងវេទនា។ ស្រមៃមើលថា ប្រសិនបើអ្នកជ្រៀតជ្រែកក្នុងជីវិតរបស់កូន ហើយគាត់អន់ចិត្តនឹងអាកប្បកិរិយានោះ តើគាត់នឹងសប្បាយចិត្តរស់នៅជាមួយអ្នកដែរទេ?

តាមទស្សនៈផ្លូវចិត្ត មនុស្សគ្រប់រូបមានទំនោរធ្វើការជ្រើសរើសដោយសេរី ហើយមិនចង់មានការជ្រៀតជ្រែក ឬរងឥទ្ធិពលពីអ្នកដទៃឡើយ។ នៅពេលដែលកូនបះបោរប្រឆាំងនឹងឪពុកម្តាយ ហើយមិនស្មោះត្រង់នឹងពួកគេ វាប្រហែលជាមិនមែនដោយសារតែពួកគេមិនឱ្យតម្លៃលើការស្រលាញ់គ្រួសារនោះទេ ប៉ុន្តែគ្រាន់តែដោយសារតែពួកគេមិនអាចទប់ទល់នឹងការគ្រប់គ្រងរបស់អ្នកដទៃបាន។

៣. ស្មោះត្រង់ជាមួយអ្នកដទៃ និងខ្លួនអ្នក

នៅពេលដែលមនុស្សប្រាស្រ័យទាក់ទងគ្នា ភាពស្មោះត្រង់ជារឿងដែលល្អបំផុតគឺការគោរពខ្លួនឯង និងអ្នកដទៃ ដោយដឹងពីរបៀបឈរលើទស្សនៈរបស់អ្នកដទៃ ហើយដាក់ខ្លួននៅក្នុងស្ថានភាពរបស់អ្នកដទៃ យកចិត្តគេដាក់ចិត្តឯង។ នោះជាគោលការណ៍ ប៉ុន្តែការពិតមានមនុស្សតិចណាស់ដែលអាចគោរពខ្លួនឯង និងអ្នកដទៃបាន៕