មនុស្សយើងជាច្រើនគិតថា ដោយសារយើងជាបងប្អូនសាច់ឈាមតែមួយ យើងមិនចាំបាច់តឹងរឹងដូចអ្នកខាងក្រៅនោះទេ។ ជាការពិត បើទោះបីជាអ្នកជាបងប្អូនក្នុងគ្រួសារតែមួយ និងស្រលាញ់គ្នាខ្លាំងក៏ដោយ ក៏អ្នកនៅតែត្រូវចៀសវាងរឿងនេះ ប្រសិនបើមិនចង់ឱ្យទំនាក់ទំនងរបស់អ្នកកាន់តែអាក្រក់ទៅៗ។

១. កុំបង្ហាញគ្រួសារ ឬដើមកំណើតដៃគូរបស់អ្នកដោយបំពាន

នៅពេលដែលបងប្អូនបង្កើត ម្នាក់ៗមានជីវិតគូរៀងៗខ្លួន កុំភ្លេចរក្សាអារម្មណ៍ជាក់លាក់នៃសមាមាត្រ។ ជាមួយនឹងរឿងដែលប៉ះពាល់ដល់ដៃគូរបស់អ្នក ដូចជាប្រវត្តិគ្រួសាររបស់គាត់ មិនថាល្អ ឬអាក្រក់ អ្នកមិនគួរនិយាយអំពីវាជាមួយបងប្អូនបង្កើតរបស់អ្នកឡើយ។

សម្រាប់មនុស្សជាច្រើន ការនិយាយជាមួយបងប្អូនរបស់ពួកគេ អំពីប្រវត្តិគ្រួសាររបស់ដៃគូ គឺជារឿងធម្មតា។ ប៉ុន្តែអ្នកនិយាយគឺអចេតនា តែអ្នកស្តាប់មានចេតនា។ មនុស្សអាចចំអកអ្នកចំពោះស្ថានភាពមិនល្អរបស់អ្នក ឬច្រណែននៅពេលអ្នករៀបការជាមួយមនុស្សដែលមានលក្ខខណ្ឌល្អ។ ការមិនបង្ហាញពីប្រវត្តិគ្រួសាររបស់ដៃគូអ្នក គឺជាការការពារ និងការស្រឡាញ់ដៃគូរបស់អ្នក។ មានរឿងឯកជនមួយចំនួនដែលអ្នកគួរតែរក្សាការសម្ងាត់រវាងប្ដីប្រពន្ធ កុំប្រាប់បងប្អូនអ្នកអី។

២. កុំបង្ហាញប្រាក់ចំណូលរបស់អ្នក ឬខ្ចីលុយតាមតែអំពើចិត្ត

បងប្អូនបង្កើតក្នុងគ្រួសារនឹងមានការងារ និងលក្ខខណ្ឌសេដ្ឋកិច្ចខុសៗគ្នានៅពេលពួកគេធំឡើង។ អ្នកខ្លះមានជីវិតល្អ អ្នកខ្លះទៀតជួបការលំបាកជាច្រើន។ ការចេះជួយគ្នាទៅវិញទៅមករវាងមនុស្សក្នុងគ្រួសារគឺជាល្អ ក៏ជាភារកិច្ចរបស់សមាជិកដែរ។ ទោះយ៉ាងណាក៏ដោយ នោះមិនមែនជាទំនួលខុសត្រូវ ឬកាតព្វកិច្ចរបស់បុគ្គលណាមួយទាំងស្រុងឡើយ។ ដូច្នេះ អ្នកមិនគួរដាក់សម្ពាធលើនរណាម្នាក់ ឬខ្ចីលុយពីបងប្អូនតាមតែចិត្តនឹកឃើញនោះឡើយ។

ម្យ៉ាងទៀត នេះជាបញ្ហារងាយរង្គោះរង្គើខ្លាំង ជាពិសេសជាមួយមនុស្សជិតស្និទ្ធ។ ប្រសិនបើអ្នកមិនមានអាកប្បកិរិយាល្អទេ អ្នកអាចបំផ្លាញចំណងផ្លូវចិត្តរវាងសមាជិកគ្រួសារ។ ក្នុងជីវិតពិត មានករណីជាច្រើនដែលសមាជិកគ្រួសារមានជម្លោះ ហើយថែមទាំងឈានទៅដល់តុលាការ អំពីបញ្ហាលុយកាក់នេះក៏មានដែរ។ មិនថាអ្នកខ្ចីលុយ ឬអត់នោះទេ ការលាតត្រដាងពីចំណូល និងចំនួននៃការសន្សំរបស់អ្នក មិនមែនជារឿងល្អនោះទេ។ ចូរនៅស្ងៀម ហើយជួយបងប្អូនរបស់អ្នកនៅពេលដែលអ្នកអាចធ្វើបាន។

ជាការពិតណាស់ នៅក្នុងផ្ទះតែមួយ មានបញ្ហាដែលមិនអាចដោះស្រាយបានច្បាស់លាស់ ប៉ុន្តែក៏មានរឿងដែលមិនអាចមិនអើពើបានដែរ។ ទោះជាយ៉ាងណាក៏ដោយ ភាពច្បាស់លាស់ក្នុងរឿងលុយកាក់ នឹងជួយយើងចៀសវាងជម្លោះដែលមិនចាំបាច់ជាមួយមនុស្សជាទីស្រឡាញ់របស់យើង។

៣. កុំជ្រៀតជ្រែកជ្រៅក្នុងជីវិតឯកជនរបស់បងប្អូនបង្កើត

នៅពេលអ្នកធំឡើង និងមានគ្រួសារផ្ទាល់ខ្លួន អ្នកគ្រប់គ្នាចង់សម្រេចជីវិតផ្ទាល់ខ្លួន។ មិនថាយើងជាបងប្អូនបង្កើតជិតស្និទ្ធប៉ុនណាទេ យើងមិនគួរជ្រៀតជ្រែកចូលទៅជ្រៅ ឬធ្វើការសម្រេចចិត្តសម្រាប់ពួកគេក្នុងរឿងផ្ទាល់ខ្លួនរបស់ពួកគេឡើយ។

ចងចាំជានិច្ចនូវពាក្យថា "ដើមឈើមានផ្កា ផ្ទះនីមួយៗទិដ្ឋភាពផ្សេងគ្នា" យើងមិនស្ថិតក្នុងស្ថានភាពរបស់ពួកគេទេ យើងមិនអាចយល់ពីអ្វីដែលពួកគេគិត ចង់បានអ្វី របៀបដែលពួកគេសម្រេចចិត្តនោះឡើយ។ ដូច្នេះហើយ ការយកចិត្តទុកដាក់ គឺជារឿងធម្មជាតិ ប៉ុន្តែមានតែការយកចិត្តទុកដាក់ក្នុងកម្រិតមធ្យម ស្តាប់នៅពេលដែលពួកគេត្រូវការនរណាម្នាក់ចែករំលែកជាមួយ និងផ្តល់ដំបូន្មានតែប៉ុណ្ណោះ មិនមែនធ្វើការសម្រេចចិត្តសម្រាប់ពួកគេគ្រប់រឿងនោះឡើយ៕