Harbor Property
· 2023-10-02
ម្ហូបខ្មែរទាំង ៥ ដែលអ្នកមិនគួររំលងពេលបានមកលេងសៀមរាប
#ដើរលេង# #ម្ហូបខ្មែរ# #ដើរលេងស្រុកខ្មែរ# #សៀមរាប#
9823
ក្នុងនាមជាខេត្តទេសចរណ៍ដ៏ពេញនិយមមួយ សៀមរាបជាតំបន់ទេសចរដ៏មានភាពទាក់ទាញ ទាំងវប្បធម៌ ប្រពៃណី និងរមណីយដ្ឋានប្រវត្តិសាស្ត្រជាច្រើនរាប់មិនអស់។ ដូចគ្នាដែរ ប្រសិនបើអ្នកមានឱកាសបានទៅលេងខេត្តសៀមរាប ទាំងនេះគឺជាមុខម្ហូបប្រចាំស្រុកដែលលោកអ្នកមិនគួររំលង។
Harbor Property សូមណែនាំអ្នកនូវម្ហូបខ្មែរទាំង ៥ ដែលអ្នកគួរសាកល្បងនៅខេត្តសៀមរាប៖
១. នំបញ្ចុកទឹកប្រហុក
នំបញ្ចុកទឹកប្រហុកជារូបមន្តថ្មីដែលបង្កើតឡើងដោយអ្នកស្រុកអង្គរ បានក្លាយជាមុខម្ហូបដ៏ពេញនិយមនៅក្នុងខេត្តសៀមរាប។ ភ្ញៀវទេសចរភាគច្រើនដែលមកលេងសៀមរាប មិនដែលរំលងនៅម្ហូបនេះឡើយ។ សម្រាប់អ្នកដែលមិនទាន់បានញ៉ាំអាចមកសាកល្បងបាននៅមុខអង្គរ។
មុខម្ហូបនេះមានបន្លែស្រស់ដូចជា ត្រកួន ស្ពៃក្តោប សណ្ដែកគួរ និងសណ្តែកហ័រឡាំងតាវ ដែលអាចបន្ថែមជាមួយនឹង ត្រីអាំង វាមានរសជាតិប្លែកខុសពីនំបញ្ចុកខ្មែរធម្មតា(សម្លខ្មែរ)។ បន្ទាប់ពីបានភ្លក់ហើយ លោកអ្នកពិតជាពិបាកនឹងបំភ្លេចរសជាតិដ៏ឆ្ងាញ់មួយនេះ។
២. នំអាកោត្នោត ភូមិព្រះដាក់
ពេលមកដល់ភូមិព្រះដាក់ អ្នកត្រូវតែភ្លក់នំអាកោត្នោតរបស់អ្នកភូមិព្រះដាក់ ដែលមានដាក់ខ្ទិះដូងលើនំពណ៌លឿង នឹងរុំដោយស្លឹកចេក ជាមួយក្លិននំដ៏ឈ្ងុយ។ នៅតាមដងផ្លូវក្នុងភូមិព្រះដាក់ មានផ្ទះជាច្រើនលក់នំអាកោត្នោតនេះ ដែលល្បីថាមានរសជាតិឈ្ងុយឆ្ងាញ់ និងមានអនាម័យល្អ ហើយមានការគាំទ្រច្រើនពីអ្នកដែលបានភ្លក់រសជាតិផ្ទាល់នៅតំបន់នោះ ជាពិសេសភ្ញៀវទេសចរណ៍ ។
៣.មាន់ដុតបាគង
បើយើងនិយាយអំពីស្រុកបាគង អ្នកប្រហែលជានឹកដល់រសជាតិមាន់ដុត អ្នកដំណើរដែលបានឆ្លងកាត់នឹងបានហិតនូវក្លិនឈ្ងុយរបស់មាន់ដុតថ្មីៗ ដែលក្លិនោះបានរសាត់តាមផ្លូវជាតិលេខ៦។ អ្នកដែលធ្វើដំណើរឆ្លងកាត់ស្រុកបាគងអាចឈប់ ហើយសាកម្ហូបបែបជនបទនេះបាន។
៤. សាច់គោអាំង វត្តដំណាក់
សាច់គោអាំងវត្តដំណាក់ ត្រូវបានគេស្គាល់នឹងចាប់អារម្មណ៍ភ្លាមៗពេលដែលបានដើរកាត់ ដោយសារមានផ្សែងហុយខ្លាំង ហើយអ្នកប្រហែលជាគិតថាមានភ្លើងឆេះ ប៉ុន្តែការពិតវាជាសាច់គោលាយខ្លាញ់ដែលកំពុងអាំង អ្នកនឹងឃើញគេកំពុងតែប្រែសាច់គោចង្កាក់នៅលើរងើកភ្លើងដែលជាមួយធ្វីដៃយ៉ាងប៉ិនប្រសប់។
លើសពីនេះ សាច់គោអាំងវត្តដំណាក់ បើបានញ៉ាំជាមួយជ្រក់ល្ហុង និងនំបុ័ងក្តៅៗ រឹតតែឆ្ងាញ់។ ចំពោះរសជាតិនៃសាច់គោអាំងវត្តដំណាក់ មិនត្រឹមតែអតិថិជនខ្មែរនោះទេដែលចូលចិត្ត សូម្បីតែភ្ញៀវទេសចរណ៍បរទេសក៏ចូលមកបរិភោគនៅទីនោះជាញឹកញាប់ផងដែរ។
៥. ប្រហុកចិញ្រ្ចាំអាំងលើជ្រុញ
ប្រហុកចិញ្រ្ចាំអាំងលើជ្រុញ គឺជាអាហារមួយប្រភេទដែលគេពេញនិយមបំផុតនៅក្នុងខេត្តសៀមរាប។ ប្រហុកចិញ្រ្ជាំត្រូវបានលាយជាំមួយនឹងគ្រឿង និងគ្រឿងផ្សំដូចជា ម្ទេស និងខ្ទឹមស ក្រសាំង ខ្ទឹមស និងមានគ្រឿងជាច្រើនទៀត ដើម្បីបំបាត់ក្លិនប្រហុក បន្ទាប់មកគេយកទៅអាំង និងដាក់លើជ្រុញ ដើម្បីទទួលបាននូវបទពិសោធន៍ និងការតុបតែងថ្មីមួយ។ បើបានទៅលេងខេត្តសៀមរាប សូមកុំឲរំលងជាមួយមុខម្ហូបដ៏ពិសេសនេះ!
មុខម្ហូបនេះគឺជាម្ហូបពេញនិយមប្រចាំខេត្តសៀមរាប ជាទូទៅហាងបាយតូចធំ និងភោជនីយដ្ឋានខ្មែរលំដាប់ណាក៏មានបម្រើម្ហូបមួយប្រភេទនេះផងដែរ៕
អានអត្ថបទបន្ថែមទាក់ទងនឹងខេត្តសៀមរាប៖
- វត្តទាំង ៦ ដែលស្អាតបំផុតនៅសៀមរាបដែលអ្នកមិនអាចរំលងបាន
- តំបន់ដ៏ពេញនិយមទាំង៥ក្នុងខេត្តសៀមរាប ក្នុងការជួល និងវិនិយោគអចលនទ្រព្ យ
- តម្លៃដីនៅតំបន់ព្រលានយន្តហោះអន្តរជាតិថ្មីខេត្តសៀមរាប
លោកអ្នកអាចស្វែងរកអចលនទ្រព្យនៅខេត្តសៀមរាប តាមរយៈគេហទំព័រ ឬកម្មវិធីក្នុងទូរស័ព្ទ របស់ Harbor Property ដោយសេរីនិងឥតគិតថ្លៃ!
អំពីសេវាកម្ម ឬចម្ងល់ផ្សេងៗសូមទំនាក់ទំនងយើងខ្ញុំតាមរយៈ៖
Hotline: +855 99 252288 , +855 66 252288
(Telegram)/ +855 16 252288
WeChat: HB066886633
ចុចលីងនៅទីនេះដើម្បីធ្វើការស្ទង់មតិឈ្នះរង្វាន់ពី Harbor Property!
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
យោបល់ទាំងអស់ (0)