លោក Srettha Thavisin បេក្ខជននាយករដ្ឋមន្រ្តីថៃ របស់បក្សភឿថៃ នៅក្នុងខែឧសភាកន្លងមក។ រូបភាព AFP

ដោយ: ធៀន ភា​រិន្ទ​

សភាថៃ នៅថ្ងៃទី២២ ខែសីហា បានបោះឆ្នោតគាំទ្រ លោក Srettha Thavisin​ ជានាយករដ្ឋមន្រ្តីថៃជាផ្លូវការ។ លោក Srettha ជាបុគ្គលតែម្នាក់គត់ ដែលត្រូវបានតែងតាំងជាបេក្ខជននាយករដ្ឋមន្រ្តីនៅក្នុងការបោះឆ្នោតសភារួមគ្នាទាំងពីរថ្នាក់។

អត្ថបទទាក់ទង

   សភាថៃ បើកកិច្ចប្រជុំរើសនាយករដ្ឋមន្រ្តីថ្មី ដោយលោកSrettha ជាបេក្ខជនតែមួយគត់

   បក្សភឿថៃ ការពារជំហរទទួលយកបក្សដែលស្និទ្ធយោធាចូលក្នុងសម្ព័ន្ធភាពថ្មី

   បក្សភឿថៃ បញ្ចូលបក្សPalang Pracharath របស់លោក ប្រាវីត ក្នុងសម្ព័ន្ធភាពរបស់ខ្លួន

   លោក Srettha Thavisin ប្តេជ្ញាកាត់បន្ថយភាពក្រីក្រក្នុងសង្គមថៃ ប្រសិនបើក្លាយជានាយករដ្ឋមន្រ្តី

   សេដ្ឋី Srettha Thavisin បេក្ខជននាយករដ្ឋមន្រ្តីរបស់បក្សភឿថៃ មានប្រវត្តិបែបណា?

ក្រោយការជជែកដេញដោលជាច្រើនម៉ោង លោក Srettha Thavisin បានទទួលសំឡេងគាំទ្រគ្រប់គ្រាន់ពីសភាទាំងពីរថ្នាក់ រដ្ឋសភា និងព្រឹទ្ធសភា ដើម្បីធ្វើជានាយករដ្ឋមន្រ្តីថៃ។ លោក Srettha Thavisin​ ជាបេក្ខជនឈរឈ្មោះតែមួយគត់នៅក្នុងការបោះឆ្នោតរួមគ្នារវាងរដ្ឋសភា និងព្រឹទ្ធសភា។ 

លោក Srettha ទទួលបានសំឡេងចំនួនលើស៣៧៦ពីសមាជិកសភាទាំង២ ខណៈដែលការបោះឆ្នោតកំពុងធ្វើនៅឡើយ។

ថៃបានជាប់គាំងក្នុងវិបត្តិនយោបាយជាច្រើនថ្ងៃមកហើយ បើគិតចាប់តាំងពីថ្ងៃទី១៣ ខែកក្កដា នៅពេលដែលសភាថៃ មិនគាំទ្រលោក Pita Limjaroenrat ជានាយករដ្ឋមន្រ្តី។ 

គួររំឭកថា ការបោះឆ្នោតគាំទ្រលោក Srettha ពីសំណាក់សភាថៃ ធ្វើជានាយករដ្ឋមន្រ្តីនេះ ធ្វើឡើងក្រោយបក្សភឿថៃ បានរួមសម្ព័ន្ធភាពជាមួយបក្សគាំទ្រដោយយោធា នៅពេលកន្លងទៅ៕ 

ប្រភពដើម៖ Thmey Thmey