Harbor Property
· 2023-07-20
ខេត្តព្រះសីហនុមានភ្ញៀវទេសចរទៅលេងច្រើនជាងគេលំដាប់លេខ១នៅក្នុងខែកក្កដា
#ដើរលេង# #ខេត្តព្រះសីហនុ# #ខេត្តបាត់ដំបង# #ដើរលេងស្រុកខ្មែរ#
9850
រដ្ឋបាលខេត្តព្រះសីហនុបានក្រើនរំលឹកដល់ភ្ញៀវទេសចរ ក៏ដូចជាប្រជាពលរដ្ឋដែលរស់នៅជិតតំបន់ ឆ្នេរឲ្យមានការប្រុងប្រយ័ត្នចំពោះស្ថាពអាកាសធាតុ ហើយការធ្វើដំណើរតាមសមុទ្រក៏ត្រូវបានណែនាំឲ្យមានការប្រុងប្រយ័ត្នខ្ពស់។ ដោយឡែកទោះជាស្ថានភាពអាកាសធាតុមិនអំណោយផលយ៉ាងណាក្តីខេត្តព្រះសីហនុ នៅតែជាខេត្តដែលមានភ្ញៀវទេសចរទៅលេងច្រើនជាងគេឈរលំដាប់លេខ១ ដែលមានទេសចរទៅកម្សាន្តជាង៦ម៉ឺននាក់គិតត្រឹមសប្តាហិ៍ទី២ក្នុងខែកក្កដា។
ចំណែកឯខេត្តដែលមានភ្ញៀវទេសចរទៅលេងច្រើនលំដាប់ទី២គឺខេត្តបាត់ដំបង ដែលមានភ្ញៀវទេសចរសរុបចំនួន៣មុឺននាក់។ លំដាប់ទី៣គឺ រាជធានីភ្នំពេញ មានទេសចរ ៣៣ ២១១នាក់ ដោយទេសចរបរទេសជាង២ម៉ឺននាក់។
គិតចាប់ពីថ្ងៃទី១៩-២០ ខែកក្កដានេះ កម្ពុជានៅតែបន្តទទួលរងឥទ្ធិពល បន្តទទួលរងឥទ្ធិពលពីជ្រលងព្យុះទី៤ ឈ្មោះ តាលីម(TALIM) និងខ្យល់មូសុងនិរតី ក្នុងកម្រិតមធ្យមទៅបង្គួរ។
ខេត្តព្រះសីហនុត្រូវបានក្លាយជាប៉ូលសេដ្ឋកិច្ចដ៏សំខាន់របស់កម្ពុជា ហើយចំណូលពីការវិនិយោគដោយផ្ទាល់ពីបរទេស ក៏ដូចជាទេសចរគឺភាគច្រើនជាជនជាតិចិន។ ជាមួយគ្នានេះផងដែរ កម្ពុជាចង់ឲ្យមានកំណើនសេដ្ឋកិច្ច វិលមករកកម្រិតមួយដូចនៅមុនពេលមានជំងឺរាតត្បាតកូវីដ១៩ដែលទុនវិនិយោគ ភាគច្រើនបានមកពីវិនិយោគិន និងភ្ញៀវទេសចរចិន។ ក្នុងឆ្នាំ២០១៩ភ្ញៀវទេសចរណ៍ប្រមាណ ២.៣៦ លាននាក់មកកាន់កម្ពុជាហើយបើគិតជាប្រាក់ចំណូលដែលរកបានប្រហែល ១.៨ពាន់លានដុល្លារ។
សូមជម្រាបផងដែរនាពេលថ្មីៗនេះខេត្តព្រះសីហនុ បានទទួលគម្រោងអភិវឌ្ឍន៍ដោយផ្ទាល់ពីក្រុមហ៊ុន Prince Real Estate ដែលជាក្រុមហ៊ុនរបស់ចិន។ ដែលគម្រោងអភិវឌ្ឍន៍ជាទីក្រុងថ្មីមួយនៅលើតំបន់រាម (Bay of Lights ) ដែលចំណាយទឹកប្រាក់វិនិយោគ១៦ពាន់លានដុល្លារនៅលើផ្ទៃដី៨៣៤ហិកតា ដែលគ្រោងនឹងបញ្ចប់ការសាងសង់នៅក្នុងឆ្នាំ២០២៨៕
មកដឹងតម្លៃដីនៅតាមបណ្តាខេត្តសំខាន់ៗ តាមរយៈ Harbor Property!
អំពីសេវាកម្ម ឬចម្ងល់ផ្សេងៗសូមទំនាក់ទំនងយើងខ្ញុំតាមរយៈ៖
Hotline: +855 99 252288 , +855 66 252288
(Telegram)/ +855 16 252288
WeChat: HB066886633
ចុចលីងនៅទីនេះដើម្បីធ្វើការស្ទង់មតិឈ្នះរង្វាន់ពី Harbor Property !
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
យោបល់ទាំងអស់ (0)