បណ្តាញសង្គមបានរួមចំណែកក្នុងការភ្ជាប់ និងចែករំលែកព័ត៌មានរវាងមនុស្សកាន់តែងាយស្រួល និងឆាប់រហ័ស។ ការចូលចិត្ត និងមតិលើកទឹកចិត្តអាចនាំឱ្យយើងកាន់តែមានមិត្ត និងទទួលបានអារម្មណ៍រីករាយ។

ទោះជាយ៉ាងណាក៏ដោយ អារម្មណ៍រីករាយដែលបានមកពីបណ្ដាញសង្គម ជាធម្មតាមានរយៈពេលខ្លីតែប៉ុណ្ណោះ។ យោងតាមអ្នកចិត្តសាស្រ្ត អារម្មណ៍វិជ្ជមានពីការប្រាស្រ័យទាក់ទងគ្នានៅលើបណ្តាញសង្គមមានរយៈពេលត្រឹមតែ ៣ ម៉ោងប៉ុណ្ណោះ។ ផ្ទុយទៅវិញ អារម្មណ៍អវិជ្ជមានដូចជាត្រូវបានគេសើចចំអក វាយប្រហារ ឬការរិះគន់តាមអ៊ីនធឺណិត អាចមានរយៈពេលយ៉ាងហោចណាស់ ៣០ ម៉ោង។១. ស្ថានភាពទំនាក់ទំនង

ជារឿយៗស្ត្រីមានទំនោរចែករំលែក អំពីស្នេហារបស់ពួកគេនៅលើបណ្តាញសង្គម មិនថាតាមរយៈរូបថតរ៉ូមែនទិកជាមួយគូស្នេហ៍ ឬអារម្មណ៍បន្ទាប់ពីឈ្លោះទាស់ទែងគ្នានោះឡើយ។ ដំបូងៗ សកម្មភាពទាំងនេះអាចនាំមកនូវអារម្មណ៍រីករាយ ឬខឹងតិចតួច។ ទោះជាយ៉ាងណាក៏ដោយ យូរៗទៅទម្លាប់នេះអាចធ្វើឱ្យអ្នកពឹងផ្អែកលើប្រព័ន្ធផ្សព្វផ្សាយសង្គមផងដែរសម្រាប់ការបញ្ចេញអារម្មណ៍។

Stephanie Reeds ណែនាំថា ប្រសិនបើអ្នកមានបញ្ហាជាមួយដៃគូរបស់អ្នក សូមនិយាយជាមួយពួកគេដោយផ្ទាល់។ បញ្ហាគឺពិតជាត្រូវបានដោះស្រាយពីប្រភព។ អ្នកក៏អាចចែករំលែកជាមួយមិត្តភក្តិជិតស្និទ្ធបានដែរ ប៉ុន្តែកុំបង្ហោះរឿងទាំងមូលនៅលើបណ្តាញសង្គម។ នេះពិតជាមិនមានប្រសិទ្ធភាពក្នុងការដោះស្រាយបញ្ហាដែលអ្នកកំពុងជួបប្រទះនោះទេ។២. ការលំបាកដែលមិនអាចដោះស្រាយបាន

ស្រដៀងនឹងពេលដែលមានបញ្ហាក្នុងរឿងស្នេហា ពេលខ្លះអារម្មណ៍ចង់បំបាត់កំហឹង និងអស់សង្ឃឹមនឹងជម្រុញអ្នកឱ្យចែករំលែកការលំបាករបស់អ្នកជាមួយអ្នកដទៃភ្លាមៗ។ ហើយគ្មានវិធីសាស្ត្រណាលឿនជាងការសរសេរ និងបង្ហោះលើបណ្ដាញសង្គមនោះឡើយ។

"ទោះជាយ៉ាងណាក៏ដោយ មនុស្សពិតជាមិនខ្វល់ពីបញ្ហារបស់អ្នកដូចដែលអ្នកគិតនោះទេ។ ដោយសារតែជីវិតរបស់មនុស្សគ្រប់រូបពោរពេញដោយបញ្ហា ភាពនឿយហត់ និងបញ្ហាដែលមិនអាចដោះស្រាយបាន។ យើងទាំងអស់គ្នាផ្តល់អាទិភាពដល់រឿងសំខាន់ៗ។ ចូរគិតពីបញ្ហាផ្ទាល់ខ្លួនរបស់អ្នកជាមុនសិន" ដូច្នេះហើយ ចាំបាច់ត្រូវកំណត់ការចែករំលែក និងការទួញសោកអំពីការលំបាកផ្ទាល់ខ្លួននៅលើបណ្តាញសង្គម។៣. បញ្ហាហិរញ្ញវត្ថុ

បញ្ហាលុយកាក់តែងតែជាប្រធានបទរសើប មិនថាក្នុងទម្រង់ណាក៏ដោយ។ ការអួតអំពីប្រាក់ចំណូលផ្ទាល់ខ្លួន ឬការទួញសោកពីការលំបាកផ្នែកហិរញ្ញវត្ថុនៅលើប្រព័ន្ធផ្សព្វផ្សាយសង្គម គឺមិនមែនជារឿងល្អនោះឡើយ។

អ្នកប្រហែលជាគិតថា ការថតបង្ហោះ បង្ហាញអំពីប្រាក់ខែ ឬលុយកាក់នឹងធ្វើឱ្យមនុស្សជាច្រើនភ្ញាក់ផ្អើល និងកោតសរសើរ ព្រោះទាំងនេះគឺជាតួលេខដ៏អស្ចារ្យ។ ទោះជាយ៉ាងណាក៏ដោយ ចូរចាំថា ប្រសិនបើអ្នកជាអ្នកមាន នោះនឹងមាននរណាម្នាក់មានជាងអ្នកជានិច្ច។

យោងតាម Stephanie Reeds មានរឿង ៣យ៉ាងដែលស្ត្រីគួររក្សាអាថ៌កំបាំងដើម្បីរស់នៅប្រកបដោយសុភមង្គលជារៀងរហូត។ ជាដំបូង អ្នកមិនគួរធ្វើឱ្យប្រាក់ចំណូល ឬសមតុល្យគណនីរបស់អ្នកជាសាធារណៈនោះទេ។ សកម្មភាពនេះនឹងបណ្តាលឱ្យមានការស្អប់ជាជាងការអាណិតអាសូរពីអ្នកដទៃ។

Stephanie និយាយថា "ពួកយើងភាគច្រើនប្រើយ៉ាងហោចណាស់គេហទំព័របណ្តាញសង្គមមួយ។ ប៉ុន្តែនោះមិនមានន័យថាយើងគួរតែប្រើវាយ៉ាងសកម្ម និងគ្រប់គ្រងជីវិតរបស់យើងទេ"៕

ប្រភព ៖ បរទេស / Knongsrok