Harbor Property
· 2023-07-06
ឆ្នាំ២០២៤ សេដ្ឋកិច្ចកម្ពុជាព្យាករថានឹងមានកំណើនក្នុងរង្វង់ ៦,៦%
#សង្គម# #សេដ្ឋកិច្ចកម្ពុជា# #វិស័យដឹកជញ្ជូន និងគមនាគមន៍# #សេដ្ឋកិច្ចជាតិ#
7546
សម្រាប់ឆ្នាំ ២០២៤ ខាងមុខនេះសេដ្ឋកិច្ចកម្ពុជា ត្រូវបានព្យាករថានឹងសម្រេចបាននូវអត្រាកំណើនក្នុង រង្វង់ ៦,៦%។ នេះបើយោងតាមសារាចរស្ដីពីផែនការយុទ្ធសាស្ត្រថវិកាឆ្នាំ ២០២៤-២០២៦ និងការរៀបចំសេចក្ដីព្រាងច្បាប់ស្ពីពីហិរញ្ញវត្ថុសម្រាប់ការគ្រប់គ្រងឆ្នាំ២០២៤។
ការប៉ាន់ស្មាននិងការព្យាករកំណើនសេដ្ឋកិច្ចកម្ពុជា ក្នុងអត្រា ៥,៦% សម្រាប់ឆ្នាំ ២០២៣ និង ៦,៦% សម្រាប់ឆ្នាំ ២០២៤ គឺត្រូវបានគិតគូរក្នុងកម្រិតបន្ទាត់មូលដ្ឋាន (Baseline projection) ស្របពេលដែល ទស្សនវិស័យសេដ្ឋកិច្ចសកល និងតំបន់ កាន់តែមានភាពមិនប្រាកដប្រជាខ្ពស់។ លើសពីនេះ ដោយសារការរំពឹងទុកនៃការត្រឡប់មករកភាពល្អប្រសើរឡើងវិញនៃតម្រូវការខាងក្រៅ និងទំនុកចិត្តវិនិយោគ ស្របពេលសកម្មភាពសេដ្ឋកិច្ចក្នុងស្រុក នៅបន្តរក្សាបានតុល្យភាព។
សេដ្ឋកិច្ចកម្ពុជានៅឆ្នាំ២០២៤ ត្រូវបានគាំទ្រដោយវិស័យសំខាន់ៗចំនួនបី រួមមាន៖ វិស័យកសិកម្ម ត្រូវបានព្យាករថា នឹងសម្រេចបានកំណើនក្នុងរង្វង់ ១,១% ដែលគាំទ្រដោយកំណើននៃអនុវិស័យដំណាំ និងអនុវិស័យចិញ្ចឹមសត្វ ស្របពេលដែលអនុវិស័យនេសាទរំពឹងថានឹងបន្តងើបឡើងវិញសន្សឹមៗ។ រីឯវិស័យឧស្សាហកម្ម ត្រូវបានព្យាករថា នឹងសម្រេចបានកំណើនក្នុងអត្រា ៨,៥% ដែលទ្រទ្រង់ដោយកំណើនល្អប្រសើរនៃអនុវិស័យកាត់ដេរ និងកម្មន្ត- សាលមិនមែនកាត់ដេរ ខណៈអនុវិស័យសំណង់បន្តសម្រេចបានកំណើនទាបជាងនិន្នាការមុនវិបត្តិកូវីដ-១៩។ ចំណែកឯវិស័យសេវាកម្ម ត្រូវបានព្យាករថានឹងបន្តនិន្នាការកើនឡើងក្នុងអត្រា ៦,៩% ដោយការបន្តកើនឡើងនូវ សកម្មភាពក្នុងអនុវិស័យសណ្ឋាគារ និងភោជនីយដ្ឋាន និងសេវាកម្មគាំទ្រផ្សេងទៀត រួមមាន អនុវិស័យលក់ដុំ-រាយ និងអនុវិស័យដឹកជញ្ជូន និងគមនាគមន៍ ក្នុងខណៈដែលអនុវិស័យអចលនទ្រព្យ ត្រូវបានរំពឹងថានៅបន្តសម្រេចបាន កំណើនទាបជាងនិន្នាការធម្មតា។
សម្រាប់សេដ្ឋកិច្ចកម្ពុជានៅឆ្នាំ ២០២៤ បាននិងកំពុងហ៊ុមព័ទ្ធដោយហានិភ័យ និងភាពមិនប្រាកដប្រជា ដែលបណ្តាលមកពីកត្តាខាងក្រៅ រួមមាន៖ ការកើនឡើងនូវភាពតានតឹងភូមិសាស្ត្រនយោបាយតំបន់ និង សកល, ការថមថយសេដ្ឋកិច្ចសកល, ការបន្តរឹតបន្តឹងយូរជាងការរំពឹងទុកនៃគោលនយោបាយរូបិយវត្ថុ ជាពិសេសសហរដ្ឋអាមេរិក និងការកើនឡើងថ្លៃរូបិយប័ណ្ណដុល្លារអាមេរិក ដែលអាចប៉ះពាល់ដល់រំហូរទុនវិនិយោគ និងពាណិជ្ជកម្ម ការបែកខ្ញែកនៃសេដ្ឋកិច្ច និងពាណិជ្ជកម្មសកលដែលនឹងប៉ះពាល់កិច្ចសហប្រតិបត្តិការ អន្តរជាតិ និងការប្រែប្រួលអាកាសធាតុនិងគ្រោះធម្មជាតិ។
គួរជម្រាបថា ចំពោះវិស័យសំណង់ និងអចលនទ្រព្យ នៅក្នុងឆ្នាំនេះ នៅបន្តកំណើនវិជ្ជមាន ក៏ប៉ុន្តែមាននិន្នាការថមថយ ដោយសារការបន្តថមថយសកម្មភាពសំណង់ និងចរន្តទិញ-លក់លំនៅឋានថ្លខ្ពស់ ក៏ប៉ុន្តែ ត្រូវបានប៉ះប៉ូវដោយកំណើនសកម្មភាពសំណង់ និងចរន្តទិញ-លក់លំនៅឋានថ្លៃទាប និងសំណង់បម្រើឱ្យ ឧស្សាហកម្ម ព្រមទាំងសេវាកម្មក្នុងស្រុក រួមមាន សំណង់រោងចក្រ និងអគារផ្សារទំនើប និងផ្សារលក់រាយ ជាដើម។
ស្វែងរក គម្រោងអភិរឌ្ឍន៍ថ្មីនៅក្នុងប្រទេសកម្ពុជា តាមរយៈគេហទំព័រ ឬកម្មវិធីទូរស័ព្ទដៃ របស់ Harbor Property ដោយសេរីនិងឥតគិតថ្លៃ!
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
ការណែនាំពិសេស
ដីសរុប៩៧.៣ ហ.ត នៅតាតៃក្រោមទទួលស្គាល់សហគមន៍តំបន់ការពារធម្មជាតិ
គន្លឹះទាំង ៨ ដើម្បីជម្រុញស្មារតី និងកម្លាំងភាពជឿជាក់លើខ្លួនឯងឱ្យកាន់តែកើនឡើង
តារាសម្ដែងហុងកុង ជើងចាស់ លោក Sun Xing តស៊ូព្យាយាម រកដំណោះស្រាយ ក្រោយការចាប់ខ្លួន ប្រើប្រាស់គ្រឿងញៀន
គូជីវិតដែលខ្ញុំប្រាថ្នា! តម្រូវការមួយនេះប្រហែលជាខ្ពស់ តែព្រោះភាពច្បាស់លាស់ ទើបខ្ញុំចង់បានស្នេហាមួយបែបនេះ
យោបល់ទាំងអស់ (0)