TNAOT News
· 2023-02-01
ក្រុមប្រឹក្សាអភិវឌ្ឍន៍កម្ពុជាបានអនុម័តគម្រោងវិនិយោគថ្មីចំនួន ១០ ក្នុងខែមករា
#គម្រោងវិនិយោគ# #CDC# #ក្រុមប្រឹក្សាអភិវឌ្ឍន៍# #អនុម័តគម្រោង# #សង្គម# #ព័ត៌មានសង្គម#
5547
ប្រភពរូប៖ China daily
ភ្នំពេញ៖ ក្រុមប្រឹក្សាអភិវឌ្ឍន៍កម្ពុជា (CDC) បានអនុម័តគម្រោងវិនិយោគថ្មីចំនួន ១០ កាលពីខែមករា ជាមួយនឹងការវិនិយោគដែលបានព្រមព្រៀងគ្នាចំនួន ៩៩,៤លានដុល្លារអាមេរិក ហើយគម្រោងទាំងនេះ នឹងបង្កើតការងារបានចំនួន ១៧,០០០ កន្លែង។ នេះបើយោងតាមសារព័ត៌មានស៊ីនហួរ នៅថ្ងៃទី ១ កុម្ភៈ ឆ្នាំ ២០២៣។
របាយការណ៍របស់ CDC បានបង្ហាញថា គម្រោងវិនិយោគដ៏ធំបំផុត ដែលត្រូវបានអនុម័តក្នុងខែមករា គឺរោងចក្រផលិតអំពូលសូឡា និងបរិក្ខាអគ្គិសនី ហើយការវិនិយោគលើគម្រោងរោងចក្រទាំងពីរនេះមានទំហំ ២០ លានដុល្លារអាមេរិក។
កាលពីឆ្នាំមុន ក្រុមប្រឹក្សាអភិវឌ្ឍន៍កម្ពុជា (CDC) បានអនុម័តគម្រោងវិនិយោគចំនួន ១៨៦ ដោយមានការឯកភាពលើការវិនិយោគចំនួន ៤,០៣២ ពាន់លានដុល្លារអាមេរិក។ ក្នុងចំណោមនោះ ការវិនិយោគរបស់ចិននៅកម្ពុជាមានដល់ទៅ ១,៦៩៤ពាន់លានដុល្លារអាមេរិក ដែលស្មើនឹង ៤២% នៃការវិនិយោគសរុប ហើយវាជាប្រភពនៃការវិនិយោគធំជាងគេនៅកម្ពុជា។
ការវិនិយោគរបស់ក្រុមហ៊ុនក្នុងស្រុកនៅក្នុងប្រទេសកម្ពុជាជាប់ចំណាត់ថ្នាក់លេខ ១ ឈានដល់ ២,១៥៩ពាន់លានដុល្លារអាមេរិក ស្មើនឹង ៥៣.៦% នៃការវិនិយោគសរុប។ ប្រទេសថៃជាប់ចំណាត់ថ្នាក់លេខ៣ ដោយមានទុនវិនិយោគចំនួន ៤៣,៩២ លានដុល្លារអាមេរិក។ ប្រទេសជប៉ុនជាប់ចំណាត់ថ្នាក់ទី ៤ ជាមួយនឹងការវិនិយោគចំនួន ៣៩.៥២លានដុល្លារ។ កោះកៃម៉ាន (Cayman Islands) ជាប់ចំណាត់ថ្នាក់ទីប្រាំ បានបណ្តាក់ទុនចំនួន ២០.៨លានដុល្លារអាមេរិក៕
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
ការណែនាំពិសេស
មនុស្សអាចមានសំណាង កើតឡើងបានព្រោះតែហេតុទាំង ៥ នេះ
កុំបដិសេធការទាមទារទាំង៣នេះអោយសោះ ពុំដូច្នេះទេ កូនៗកាន់តែឃ្លាតឆ្ងាយពីអ្នក-2
ឆ្នាំទាំង ៣ ចាប់ពីថ្ងៃស្អែកនេះទៅ លាភសំណាង លុយកាក់ហូរចូលគុណនឹង ១០
ទីក្រុង Golmud ខេត្ត Qinghai ប្រទេសចិន៖ រួមបញ្ចូលគ្នាជាលក្ខណៈនៃការអភិវឌ្ឍន៍ នៃការបង្កើតថាមពលពីពន្លឺព្រះអាទិត្យជាមួយនឹងការគ្រប់គ្រងវាលខ្សាច់
យោបល់ទាំងអស់ (0)