មួយរយៈនេះប្រិយមិត្តបានដឹងរួចមកហើយ តារាចម្រៀងស្រីដ៏ស្រស់ស្អាត និងមានទេពកោសល្យខ្ពស់ កញ្ញា សុខ ស្រីនាង បានកាន់កាប់តំណែងជាគណៈកម្មាការក្នុង កម្មវិធីលំដាប់ថ្នាក់ពិភពលោក Cambodia Idol Junior ឃើញថា ខ្លួនពិតជារវល់ខ្លាំងជាមួយកម្មវិធីមួយនេះ និងការប្រគុំតន្រី្តតូចធំ រកពេលសម្រាកគ្មាននោះទេ។

ទោះបីជាខ្លួនរវល់យ៉ាងណាក្តី តែបើនិយាយពីសម្រស់របស់តារាចម្រៀងស្រីរូបនេះវិញ កាន់តែស្រស់ស្អាត ហើយទាក់ទាញខ្លាំងជាងមុនទ្វេដង ។ លើសពីនេះទៅទៀត ពេលដែលកញ្ញាទៅណាមកណាម្តងៗ ទោះពុំសូវធ្វើខ្លួនឬក៏តែងខ្លួនបែបសាមញ្ញក្តី នៅតែទទួលបានការចាប់អារម្មណ៍ និងស្រលាញ់ចូលចិត្តខ្លាំងពីអ្នកគាំទ្ររបស់ខ្លួនផងដែរ។

ដូចដែលបានឃើញជាក់ស្តែងហើយ គ្មានអ្វីជាបញ្ហាសម្រាប់ កញ្ញា សុខ ស្រីនាង នោះទេ រាល់ពេលដែលកញ្ញាបង្ហាញមុខនៅតាមទីសាធារណៈ តែងតែមានភាពជឿជាក់ជាខ្លាំង ដោយសារតែសម្រស់របស់ខ្លួនស្រស់ស្អាតពីធម្មជាតិទៅហើយ៕

អត្ថបទដោយ៖ បញ្ញា