Cambo-China

· 02-09

សមាគមសម្ព័ន្ធខ្មែរចិននៅកម្ពុជា សម្ពោធពិព័រណ៍បុណ្យវប្បធម៌កម្ពុជា-ចិន ឆ្នាំ២០២៦

#ពិធីបុណ្យវប្បធម៌# #សង្គម# #សមាគមសម្ព័ន្ធខ្មែរចិន# #ព័ត៌មានសង្គម# #CAMBO-CHINA# #ចូលឆ្នាំចិន# #ពិព័រណ៍ពាណិជ្ជកម្ម#

1206

សម្ពោធពិព័រណ៍បុណ្យវប្បធម៌កម្ពុជា-ចិន ក្រោមប្រធានបទ “រីករាយបុណ្យចូលឆ្នាំចិន” ឆ្នាំ២០២៦ ដែលប្រព្រឹត្តិទៅមានរយៈពេល៣ថ្ងៃ នៅរាជធានីភ្នំពេញ ដើម្បីបង្ហាញពីការចងចាំវប្បធម៌រួមគ្នា លើកកម្ពស់ការអភិវឌ្ឍកម្ពុជា ពង្រឹងមិត្តភាពកម្ពុជា-ចិន និងជំរុញឱ្យយុវជនរួបរួមគ្នាកាន់តែខ្លាំង ដើម្បីរួមចំណែកដល់ការអភិវឌ្ឍសហគមន៍ចិន និងទំនាក់ទំនងមិត្តភាពរវាងប្រទេសទាំងពីរ ក្រោមវត្តមាន លោកអ្នកឧកញ៉ា ពុង ឃាវសែ ជាប្រធានសមាគមសម្ព័ន្ធខ្មែរចិននៅកម្ពុជា និងឯកឧត្តម ជាំង ណាន (JIANG Nan) ភារធារីស្ថានទូតចិនប្រចាំកម្ពុជា, ឧកញ៉ា ដួង តិច អនុប្រធានសមាគមសម្ព័ន្ធខ្មែរចិននៅកម្ពុជា និងជាប្រធានក្រុមយុវជន នៃសមាគមសម្ព័ន្ធកម្ពុជា-ចិននៅកម្ពុជា។ ក្នុងឱកាសនោះ អ្នកឧកញ៉ា លី ឃុនថៃ ប្រធានប្តូរវេនសមាគមសម្ព័ន្ធខ្មែរចិននៅកម្ពុជា បានឲ្យដឹងដែរថា ព្រឹត្តិការណ៍ពិព័រណ៍ពិធីបុណ្យនិទាឃរដូវនេះ ដោយរៀបចំឡើងមានស្តង់ប្រមាណ ១២០ស្តង់ និងបានដាក់តាំងបង្ហាញផលិតផលរបស់ក្រុមហ៊ុនសមាជិក មុខម្ហូបពិសេសរបស់កម្ពុជា និងទំនិញអន្តរជាតិ រួមជាមួយនឹងបទពិសោធន៍ធ្វើម្ហូប និងការសម្តែងវប្បធម៌ជាច្រើនប្រភេទ។ លោកអ្នកឧកញ៉ា ពុង ឃាវសែ ប្រធានសមាគមសម្ព័ន្ធខ្មែរចិននៅកម្ពុជា មានប្រសាសន៍ថា ពិធីបុណ្យនិទាឃរដូវបង្ហាញពីការចងចាំវប្បធម៌រួមគ្នានៃការជួបជុំគ្នា និងក្តីសង្ឃឹម ហើយបានបញ្ជាក់ពីកិច្ចខិតខំប្រឹងប្រែងរបស់សមាគមរយៈពេលមួយឆ្នាំកន្លងមកក្នុងការបម្រើសហគមន៍ចិន ការលើកកម្ពស់ការអភិវឌ្ឍរបស់កម្ពុជា ការពង្រឹងមិត្តភាពកម្ពុជា-ចិន និងការឡើកតម្កើនយុវជន។

សូមបញ្ជាក់ដែរថា ក្នុងពិធីជប់លៀងនេះ ក៏មានបង្ហាញពីការសម្តែងវប្បធម៌ជាច្រើន រួមមានរបាំ សំណើររៀបការរបស់ មូគួយយីង ល្ខោនអូប៉េរ៉ាឆាវចូវ របាំ ក្បាច់គុនខ្មែរ ការសម្តែងរបស់ស្តេចស្វា ល្ខោនអូប៉េរ៉ាស៊ីឈួនប្តូរមុខ និងរបាំទ្រង់ទ្រាយធំដូចជា អបអរសាទរស្នេហា និងភាពសុខដុម និង ទ្រព្យសម្បត្តិ និងវិបុលភាពរីកដុះដាល ដើម្បីស្វាគមន៍ឆ្នាំថ្មី ក៏ដូចជាការសម្តែងក្បាច់គុនផងដែរ៕

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និង​គោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។

យោបល់ទាំងអស់ (0)

ការណែនាំពិសេស