ជីវិតនេះយើងជួបទុក្ខ មានបញ្ហាច្រើនណាស់ហើយ ដូច្នេះហើយ កុំដោយសារតែរឿងមួយចំនួន បែរជាដាក់សម្ពាធលើខ្លួនឯងបន្ថែមអី រៀនបន្ធូរភាពតានតឹង ជាមួយនឹងរឿងទាំង ៤ នេះ កុំបាច់ខ្វល់ច្រើនពេកទេ បណ្ដោយខ្លះទៅវាមិនអីឡើយ។

១. កុំតានតឹងនឹងអតីតកាល ៖ ជីវិតគឺជាដំណើរដ៏លំបាក មនុស្សម្នាក់ៗឆ្លងកាត់គ្នាទៅវិញទៅមកដូចអ្នកធ្វើដំណើរអ៊ីចឹង។ ដូច្នេះកុំសោកស្តាយព្រោះអតីតកាលព្រោះយើងត្រូវថែរក្សាបច្ចុប្បន្ន និងអនាគតរបស់យើងឱ្យបានល្អ។ បុគ្គលដែលមានភាពចាស់ទុំពិតប្រាកដ នឹងមិនអនុញ្ញាតឱ្យអតីតកាលប៉ះពាល់ដល់បច្ចុប្បន្នឡើយ។ ទោះអតីតកាលមិនល្អយ៉ាងណាក៏នៅជាអតីតកាលដែរ ដូច្នេះគួរបំភ្លេចវាទៅ ហើយរស់នៅប្រចាំថ្ងៃឱ្យបានល្អប្រសើរ។

២. កុំតានតឹងព្រោះបច្ចុប្បន្ន ៖ ជីវិតរបស់អ្នកប្រហែលជាមិនបានទៅតាមការចង់បាននៅពេលនេះទេ។ អ្នកអាចនឹងនឿយហត់ខ្លាំងជារៀងរាល់ថ្ងៃ ប៉ុន្តែកុំសង្ស័យខ្លួនឯង។ បើអ្នកបោះបង់ខ្លួនឯង គ្មានអ្នកណាអាចគោរពអ្នកបានឡើយ។ ជីវិតនេះប្រៀបបាននឹងសៀវភៅសន្សំមួយ រាល់ការខិតខំប្រឹងប្រែងដែលអ្នកវិនិយោគ ប្រាកដជាទទួលបានរង្វាន់នៅថ្ងៃអនាគត។ ដរាបណាអ្នកព្យាយាម វាមិនដែលយឺតពេលទេ។ ផ្លូវទៅអនាគត គឺស្ថិតនៅក្រោមជើងរបស់អ្នកជានិច្ច មិនស្ថិតក្នុងក្រសែភ្នែកអ្នកដទៃឡើយ។

៣. កុំតានតឹងនឹងអនាគត ៖ មនុស្សជាច្រើនព្រួយបារម្ភអំពីរឿងដែលមិនបានកើតឡើងនៅពេលអនាគត ហើយនេះនាំបញ្ហាដល់ខ្លួនឯង។ អ្វីគ្រប់យ៉ាងនឹងមានចម្លើយ។ កុំគិតថាជីវិតលំបាកពេក អ្នករាល់គ្នាត្រូវដើរទៅមុខយឺតៗ សន្សឹមៗគង់តែដល់គោលដៅ។

៤. អ្វីៗមិនចាំបាច់មត់ចត់ពេកទេ ៖ មនុស្សគ្រប់រូបដែលកើតក្នុងលោកនេះ គឺជាបុគ្គលឯករាជ្យ មិនអាចរកឃើញមនុស្សពីរនាក់ដែលមានចរិតដូចគ្នាទាំងស្រុងនោះឡើយ។ ទោះបីជាភ្នែកដូចគ្នាក៏ដោយ ក៏មនុស្សម្នាក់ៗប្រាកដជាមានទស្សនៈខុសគ្នាដែរ។ ដូច្នេះហើយ កុំតានតឹងហួសហេតុពេក មិនបាច់មត់ចត់គ្រប់រឿងទេ វានឿយហត់ណាស់ ពេលខ្លះឆិនឆៃខ្លះទៅ ទើបគ្មានសម្ពាធ៕