មិនថាអ្នកឈានដល់វ័យណា អាយុប៉ុនណានោះទេ អ្នកត្រូវចាំរឿងទាំង ៥ នេះទុក ដើម្បីកុំឱ្យជីវិតជួបរឿងខាតបង់ នាំឱ្យលិចលង់ ក្លាយជាជីវិតដែលអត់ប្រយោជន៍ឱ្យសោះ។

១. កុំរង់ចាំ ៖ ជីវិតឆ្លងកាត់ក្នុងមួយប៉ព្រិចភ្នែក។ ត្រឹមតែមួយប៉ព្រិចភ្នែក ភាពក្មេងវ័យក័ត្រូវកន្លងផុតទៅយ៉ាងឆាប់រហ័ស អ្វីៗបានផ្លាស់ប្តូរដោយនឹកស្មានមិនដល់។ យើងមានកិច្ចការច្រើនដែលត្រូវធ្វើ ប៉ុន្តែជីវិតនេះវាខ្លីពេកហើយ។ បើយើងចង់សប្បាយពេលនៅក្មេង យើងត្រូវរង់ចាំរហូតដល់យើងរកលុយបានច្រើនសិន។ បើយើងចង់តបស្នងសងគុណឪពុកម្តាយ យើងត្រូវរង់ចាំរហូតដល់ជោគជ័យ។ បើយើងចង់រស់នៅលំហែរកាយ យើងត្រូវរង់ចាំរហូតដល់កូនធំឡើងដល់អាយុចូលនិវត្តន៍ និងមានប្រាក់សន្សំ... នៅទីបំផុតយើងត្រូវរង់ចាំរហូតដល់ពិធីសូត្រមន្តលាខ្លួនឯង ហើយចាកចេញពីជីវិតនេះ។ ដូច្នេះជំនួសឱ្យការស្ដាយស្រណោះអតីតកាល ហើយទន្ទឹងរង់ចាំអនាគត ចូររស់នៅបច្ចុប្បន្នឱ្យបានពេញលេញ។ អ្វីដែលគួរធ្វើ ធ្វើវាឱ្យហើយទៅ ចំណាយពេលវេលាជាមួយក្រុមគ្រួសារ ឪពុកម្ដាយឱ្យបានច្រើន ធ្វើអ្វីដើម្បីខ្លួនឯង រៀនបំពេញបំណងខ្លួនឯងខ្លះទៅ ទឹកហូរ ពពករសាត់ អ្វីៗដែលកើតឡើងក្នុងជីវិត គឺអាស្រ័យលើអ្នកជាអ្នកសម្រេច។

២. កុំធ្វើរឿងដែលគ្មានន័យ ៖ ជីវិតមានភាពស្មុគស្មាញ មានរឿងជាច្រើនកើតឡើងដែលធ្វើឱ្យយើងខកចិត្តខ្លាំង។ ប៉ុន្តែការពិតគឺអំណាចរបស់មនុស្សមិនអាចគ្រប់គ្រងមហាសមុទ្របានទេ។ រឿងគ្មានន័យ មិនគួរខ្វល់ខ្វាយពេកទេ។ រៀនរស់នៅក្នុងភាពសុខដុមជាមួយធម្មជាតិ ទទួលយកច្បាប់នៃធម្មជាតិ។ ចំពោះរឿងដែលមិនអាចគ្រប់គ្រងបាន យកល្អគួរតែទុកវាចោលទៅ។ ការព្យាយាមខ្លាំងពេកនឹងធ្វើឱ្យអ្នកកាន់តែស្ដាយក្រោយទៅវិញទេ។

៣. កុំចង់ផ្លាស់ប្ដូរអ្នកដទៃ ៖ កុំគិតពីការផ្លាស់ប្តូរអ្នកដទៃ ត្រូវផ្លាស់ប្តូរអាកប្បកិរិយាខ្លួនឯងជាមុនសិន។ ជីវិតរបស់អ្នកគឺ ១០% តើមានអ្វីកើតឡើងចំពោះអ្នក និង ៩០% ពីរបៀបដែលអ្នកប្រតិកម្មចំពោះវា។ កុំព្យាយាមផ្លាស់ប្តូរអ្វីដែលអ្នកមិនអាចគ្រប់គ្រងបាន។ បើកចិត្តឱ្យទូលាយ កុំដាក់បន្ទុកលើខ្លួនឯង ញញឹមឱ្យច្រើន ហើយការអាក់អន់ចិត្តរបស់អ្នកនឹងថយចុះបន្តិចម្តងៗ។

៤. កុំប្រកាន់ខ្ជាប់ ឱបក្រសោបមិនព្រមលែងដៃ ៖ ក្នុងជីវិតនេះ មានរឿងដែលបង្ហាញមុខអ្នករាល់គ្នា ប៉ុន្តែមិនមែនបែបនោះទេ។ នៅពេលនោះ វាជាការប្រសើរក្នុងការបិទភ្នែកម្ខាង ហើយបើកម្ខាងទៀត ជាជាងព្យាយាមមើលដោយភ្នែកទាំងពីរ។ អ្នកប្រាជ្ញនឹងមិនគណនាច្រើនពេកទេ ឆិនឆៃខ្លះទើបជារឿងល្អ។ មានរឿងក្នុងជីវិតដែលអ្នកត្រូវបោះបង់ចោល អ្វីដែលអ្នកអាចលើកបាន អ្នកក៏អាចដាក់ចុះបានដែរ។ អ្នកខ្លាំងមិនមែនជាអ្នកដែលអាចលើកអ្វីៗទាំងអស់ឡើងនោះទេ តែជាអ្នកដែលអាចទម្លាក់របស់ដែលលែងមានតម្លៃ។ បោះបង់ចោលរឿងដែលធ្វើឱ្យអ្នកមិនសប្បាយចិត្ត និងតូចចិត្ត។ ជីវិតមិនល្អឥតខ្ចោះ ទេ មិនថាជីវិតយើងជីវិតគេ តែងជួបព្យុះភ្លៀងរៀងៗខ្លួន។ កុំឱ្យរឿងឆោតល្ងង់របស់អ្នកដទៃមករារាំងអ្នកពីការរស់នៅប្រកបដោយសុភមង្គល។

៥. កុំស្ដាយស្រណោះអតីតកាល ៖ ពេលខ្លះមនុស្សស្តាយអតីតកាល ព្រោះវាផ្ទុកនូវអនុស្សាវរីយ៍ដ៏ផ្អែមល្ហែម ប៉ុន្តែពេលខ្លះមនុស្សមិនអាចបំភ្លេចអតីតកាលបានទេ ព្រោះវាផ្ទុកនូវការឈឺចាប់ដែលធ្វើឱ្យមានវិប្បដិសារីខ្លាំង។ ការបំភ្លេចអតីតកាលមិនមែនជារឿងដែលងាយស្រួលនោះទេ។ បន្ទាប់ពីមានបទពិសោធន៍អាក្រក់កន្លងមក ចិត្តរបស់អ្នកប្រហែលជាបន្តគិតអំពីរឿងមិនសប្បាយចិត្តនោះ។ នេះគឺជារឿងធម្មតាទាំងស្រុង ហើយស្ទើរតែគ្រប់គ្នាដែលត្រូវជួបប្រទះវា។ ទោះយ៉ាងណាក៏ដោយ យើងមិនអាចរស់នៅក្នុងអតីតកាលជារៀងរហូតបានទេ យើងត្រូវតែជម្នះវា ហើយបន្តទៅមុខទៀត៕