អាថ៌កំបាំងចម្លែកទាំងនេះនៅតែជាសំណួរដែលមិនមានចម្លើយ ហើយវានៅតែជាករណីដែលធ្វើឱ្យមហាជនមានការងឿងឆ្ងល់មកដល់សព្វថ្ងៃនេះ។ ដូច្នេះបើអ្នកចង់ដឹងថារឿងចម្លែកៗទាំងនោះមានអ្វីខ្លះ ហើយតើវាអាថ៌កំបាំងកម្រិតណានោះ តោះមកតាមដានទាំងអស់គ្នា៖

១.ស្នាមជើងរបស់អារក្សសាតាំង៖ នៅព្រឹករដូវរងារមួយក្នុងឆ្នាំ 1855 អ្នកស្រុកនៅទីក្រុង Devon ប្រទេសអង់គ្លេសបានភ្ញាក់ពីដំណេក ហើយបានរកឃើញបាតុភូតចម្លែកមួយ ដោយស្នាមជើងជាច្រើនដែលមានប្រវែងប្រហែល 10 សង់ទីម៉ែត្រត្រូវបានគេរកឃើញនៅក្នុងស្រទាប់ព្រិលក្រាស់ដែលលាតសន្ធឹងពី 60 ទៅ 160 គីឡូម៉ែត្រ។ វាក៏លេចឡើងនៅលើដំបូលជញ្ជាំង និងសូម្បីតែនៅក្នុងបំពង់បង្ហូរទឹក។ អ្នកស្រុកនៅទីនេះមានជំនឿថា បាតជើនេះអាចជារបស់សត្វ។ ទោះជាយ៉ាងណាក៏ដោយអ្វីដែលចម្លែកនោះគឺថាពួកគេលេចឡើងនៅកន្លែងដែលមិនអាចចូលទៅដល់ជាច្រើន។ រឹតតែចម្លែកជាងនេះទៅទៀតនោះ គឺពួកវាទាំងអស់នៅត្រង់ ជំនួសឱ្យការឆ្លាស់គ្នាឆ្វេង និងស្តាំ ដូចសត្វធម្មតាដើរ។ រហូតមកដល់សព្វថ្ងៃនេះ នៅតែមិនទាន់មានទ្រឹស្ដីដែលអាចពន្យល់អំពីអត្ថិភាពនៃស្នាមជើងទាំងនោះនៅឡើយទេ ប៉ុន្តែមនុស្សជឿថាវាជាដានជើងរបស់អារក្សសាតាំង។

២.សៀវភៅស្លឹករឹត Voynich៖ សៀវភៅ Voynich Manuscript គឺជាសៀវភៅអាថ៌កំបាំងដែលមានកម្រាស់ 250 ទំព័រ ដែលសរសេរជាភាសាដែលមិនធ្លាប់ស្គាល់ទាំងស្រុង ហើយមានរូបគំនូរប្លែកៗ និងចម្លែកៗ។ គ្មាននរណាម្នាក់ដឹងថាសៀវភៅនេះមកពីណា អ្នកណាបង្កើតវាទេ ហើយក៏មិនដឹងថាគែបង្កើតវាឡើងដើម្បីអ្វីនោះដែរ។ ប៉ុន្តែការស្រាវជ្រាវបានបង្ហាញថាវាមានតាំងពីដើមសតវត្សទី 15 រហូតមកដល់ពេលនេះ គ្មាននរណាម្នាក់អាចបកស្រាយពាក្យដែលសរសេរនៅក្នុងវាបានទេ ទោះបីជាអ្នកឌិកូដអាជីពមកពីសង្គ្រាមលោកលើកទី 1 និងទី 2 បានស្រាវជ្រាវដោយការខិតខំព្យាយាមក៏ដោយ។ ដូច្នេះ តើអ្វីទៅជាសារចម្លែកដែលលាក់ទុកក្នុងសៀវភៅមិនអាចបំបែកបាននេះ? សំណួរនៅតែមិនមានចម្លើយរហូតមកដល់សព្វថ្ងៃនេះ។

៣.ជម្ងឺរាំតគ្នានៅអំឡុងឆ្នាំ ១៥១៨៖ នៅឆ្នាំ 1518 នៅទីក្រុង Strasbourg ក្នុងចក្រភពរ៉ូម៉ាំង ការរីករាលដាលដ៏ចម្លែកបំផុតក្នុងប្រវត្តិសាស្ត្របានកើតឡើង ដោយមនុស្សជាច្រើនមិនអាចឈប់រាំបានទេ។ ជំងឺរាតត្បាតនេះបានចាប់ផ្តើមដោយស្ត្រីម្នាក់ធ្វើចលនារាំ។ យ៉ាងណាមិញ ការរាំបានរីករាលដាលដល់អ្នកដទៃជាច្រើន ហើយបានក្លាយទៅជាការរំជើបរំជួលដ៏ធំដែលមានរយៈពេលជាច្រើនថ្ងៃ។ មនុស្សជាច្រើនបានរកឃើញថា ខ្លួនមិនអាចឈប់រាំនោះទេរហូតដល់ហត់នឿយ ហើយមនុស្សជាច្រើនត្រូវបានគេនិយាយថា ដោយសារតែអស់កម្លាំងពីការរាំខ្លាំងពេកក៏សម្រេចចិត្តធ្វើអត្តឃាតក៏មាន។ រហូតមកដល់សព្វថ្ងៃនេះ គ្មាននរណាដឹងថាមានអ្វីកើតឡើងពិតប្រាកដទេ។ អ្នកខ្លះជឿថាមនុស្សបានញ៉ាំ Ergot ដែលជាផ្សិត hallucinogenic ខណៈពេលដែលអ្នកផ្សេងទៀតជឿថាវាជា hysteria ដែលបណ្តាលមកពីភាពតានតឹង។ គួរឲ្យដឹងដែរថា ជំងឺរាតត្បាតនេះក៏បានកើតឡើងនៅប្រទេសស្វីស ហូឡង់ និងអាឡឺម៉ង់ ទោះបីជាមិនដូចគ្នាក៏ដោយ។

៤.ការបាត់ខ្លួនរបស់ USS Cyclops៖ នៅឆ្នាំ 1918 នៅពេលដែលនាវា USS Cyclops កំពុងធ្វើដំណើរទៅកាន់ទីក្រុង Baltimore ។ សារចុងក្រោយដែលផ្ញើចេញពីកប៉ាល់គឺសាមញ្ញបំផុត ដោយសារនោះបាននិយាយថា “អាកាសធាតុល្អ អ្វីៗគឺល្អ”។ ប៉ុន្តែក្រោយមកគ្មានអ្នកណាបានឮព័ត៌មានអ្វីទៀតអំពីកប៉ាល់នេះទេ។ ជាធម្មតានៅពេលដែលកប៉ាល់បាត់ បំណែកបាក់បែក ឬ កំទេចកំទីខ្លះបានបោកបក់មកច្រាំង ប៉ុន្តែមិនឃើញមាន Cyclops ទេ។ រឹតតែចម្លែកជាងនេះទៅទៀត វាក៏បានបាត់ខ្លួននៅតំបន់ត្រីកោណ Bermuda ដ៏ល្បីផងដែរ។ គ្មានកប៉ាល់សត្រូវត្រូវបានគេរាយការណ៍ថានៅក្នុងតំបន់នោះទេ។ កងទ័ពជើងទឹកនៅតែចាត់ថ្នាក់នេះជាអាថ៌កំបាំងមួយក្នុងចំណោមអាថ៌កំបាំងដែលគួរឱ្យឆ្ងល់បំផុតក្នុងប្រវត្តិសាស្ត្ររបស់ខ្លួន។

៥.ជំងឺសន្លប់៖ ជំងឺដ៏គួរឱ្យភ័យខ្លាចមួយបានចាប់ផ្តើមរីករាលដាលនៅជុំវិញពិភពលោកភ្លាមៗបន្ទាប់ពីសង្គ្រាមលោកលើកទី 1 ហើយវាបានលេចឡើងនៅកន្លែងជាច្រើនដែលវាក្លាយជាជំងឺរាតត្បាត។ វាត្រូវបានគេហៅថា Coma Encephalitis ជាជំងឺដែលបណ្តាលឱ្យមនុស្សទោះបីជានៅដឹងខ្លួនក៏ដោយ សន្លប់ មិនអាចនិយាយ ឬ ផ្លាស់ទី ដូចរូបចម្លាក់នៅរស់។ មនុស្សជិតមួយលាននាក់បានស្លាប់ ហើយរាប់លាននាក់ទៀតត្រូវបានជាប់ក្នុងការ អស់សង្ឃឹម។ រហូតមកដល់សព្វថ្ងៃនេះ គ្មានអ្នកវិទ្យាសាស្ត្រណាអាចពន្យល់ និងបកស្រាយពីរបៀបដែលជំងឺនេះរីករាលដាលនោះទេ ហើយវាគឺជាអាថ៌កំបាំងផ្នែកវេជ្ជសាស្ត្រដ៏អស្ចារ្យបំផុតនៅក្នុងប្រវត្តិសាស្ត្រផងដែរ៕