តើអ្នកធុញទ្រាន់នឹងការរស់នៅប្រចាំថ្ងៃរបស់អ្នកមែនទេ? តើអ្នកមានការយល់ច្រឡំអំពីរបៀបដែលអាចឈានទៅមុខមែនទេ? ថ្ងៃខ្លះអ្នកប្រហែលជាមានអារម្មណ៍បាក់ទឹកចិត្ត ហើយចង់បោះបង់ក្ដីស្រមៃ និងគ្រប់យ៉ាងចោល។ ប៉ុន្តែកុំអាលចុះចាញ់អី ឱកាសដែលជីវិតរបស់អ្នកនឹងផ្លាស់ប្តូរទៅកាន់ភាពល្អប្រសើរ ប្រហែលជាជិតជាងការគិតរបស់អ្នកទៅទៀត។ ព្យាយាមកត់សម្គាល់សញ្ញាទាំង ១០ នេះ ដែលមនុស្សជាច្រើនតែងតែមើលរំលង។

១. អ្នកមានអារម្មណ៍ថាបាត់បង់ ៖ ការបាត់បង់មានន័យថាអ្នកបានបោះបង់ចោលអត្ថន័យនៃជីវិតរបស់អ្នក។ អ្នកកំពុងតស៊ូដើម្បីបង្កើតផ្លូវថ្មីសម្រាប់ខ្លួនអ្នក ទោះបីវាមិនទាន់ច្បាស់ក៏ដោយ។ ការវង្វេងអាចត្រូវបានប្រដូចទៅនឹងពេលដ៏ខ្លី នោះនៅពេលដែលអ្នកបោះចោលផ្លូវដែកមួយ ប៉ុន្តែមិនអាចតាមទាន់ពេលក្រោយ។ វាគួរឱ្យខ្លាច និងមានអារម្មណ៍ថាដូចជាខ្លួនអ្នកទទេរស្អាត ប៉ុន្តែតាមពិត វាគ្រាន់តែជាផ្នែកចាំបាច់នៃដំណើរឆ្ពោះទៅមុខប៉ុណ្ណោះ។

២. អ្នកនៅម្នាក់ឯងជាយូរមកហើយ ហើយចាប់ផ្ដើមមានអារម្មណ៍ធុញទ្រាន់នឹងភាពឯកា ៖ អ្នកបានចំណាយពេលយូរក្នុងការស្វែងរកខ្លួនអ្នកជាមនុស្សនៅលីវ យល់ពីអ្វីដែលអ្នកចង់បាន អ្វីដែលអ្នកអាចធ្វើបាន និងអ្វីដែលអ្នកត្រូវផ្តល់ជូនអ្នកដទៃ។ ហើយការពិតដែលថាអ្នកចង់បានភាពជាដៃគូមានន័យថា អ្នកត្រៀមខ្លួនរួចជាស្រេចដើម្បីបើកខ្លួនអ្នក ទទួលយកមនុស្សម្នាក់ទៀតចូលមកក្នុងជីវិត ដើម្បីវិនិយោគលើពួកគេហើយចាប់ផ្តើមបង្កើតទំនាក់ទំនងថ្មីដែលមានសុខភាពល្អ។

៣. អ្នកទើបតែបរាជ័យក្នុងការសាកល្បងអ្វីថ្មី ៖ ជាការពិត ការបរាជ័យគឺជារឿងដែលអាក្រក់។ មិនមានវិធីដើម្បីធ្វើឱ្យវាស្តាប់ទៅប្រសើរជាងនេះទេ ប៉ុន្តែការពិតដែលថាអ្នកទើបតែបរាជ័យក្នុងការសាកល្បងអ្វីថ្មី បង្ហាញថាអ្នកកំពុងព្យាយាមអ្វីថ្មី។ ជំនួសឱ្យការជាប់គាំងនៅក្នុងបរាជ័យមួយនេះ អ្នកកំពុងបោះជំហានចេញក្នុងវិធីថ្មី ដែលមានន័យថា អ្នកកំពុងរៀនពីការបរាជ័យរបស់អ្នក ហើយវាប្រសើរជាងការឈរស្ងៀម។

៤. អ្នកមានអារម្មណ៍ខកចិត្តនឹងខ្លួនឯង ៖ ស្រឡាញ់ខ្លួនឯងគឺល្អ ប៉ុន្តែពេលខ្លះការស្រឡាញ់ខ្លួនឯងពេក ប្រែក្លាយជាមើលលែងឃើញកំហុសរបស់ខ្លួនឯ។ ការខកចិត្តនឹងខ្លួនឯងមានន័យថា អ្នកបដិសេធមិនឃើញខ្លួនឯងជាជនរងគ្រោះ។ អ្នកកំពុងមើលឃើញកន្លែងដែលអ្នកអាចកែលម្អ និងយល់ថាឱកាសសម្រាប់ការផ្លាស់ប្តូរស្ថិតនៅក្នុងដៃរបស់អ្នក មិនមែននៅខាងក្រៅអ្នកទេ។ នោះជាជំហានដំបូងក្នុងការចាត់វិធានការលើឱកាសនោះ។

៥. អ្នកមានអារម្មណ៍ថាអស់សង្ឃឹមចំពោះទំនាក់ទំនង ៖ ភាពជោគជ័យ ឬអ្វីផ្សេងទៀតដែលអ្នកធ្លាប់គិតថានឹងធ្វើឱ្យអ្នកសប្បាយចិត្ត។ អ្នកបានរកឃើញសេចក្តីស្រឡាញ់នៃជីវិតរបស់អ្នក ធ្វើការសម្រេចលើក្តីសុបិនរបស់អ្នក ឬបង្កើតកន្លែងរស់នៅដ៏ល្អឥតខ្ចោះ ប៉ុន្តែឥឡូវនេះអ្នកមានអារម្មណ៍ថាទទេរស្អាតនៅខាងក្នុង។ នេះជាសញ្ញាល្អ អ្នកបានឈានដល់ដំណាក់កាលដ៏សំខាន់មួយក្នុងជីវិត ដែលមនុស្សជាច្រើនមិនអាចឈានដល់។ វាជាពេលដែលអ្នកដឹងថា ជោគជ័យបានមកពីការដឹងពីអ្វីដែលសំខាន់សម្រាប់អ្នក។ អារម្មណ៍មិនពេញចិត្តពេលនេះ គឺជាការចាប់ផ្តើមនៃឱកាសក្នុងការបង្កើតជីវិតដែលវិលជុំវិញអ្វីដែលពិតជាសំខាន់សម្រាប់អ្នក។

៦. អ្នកកំពុងខិតខំប្រឹងប្រែងលើអ្វីមួយដែលមិនទាន់បង្ហាញលទ្ធផល ៖ អ្នកបានប្តេជ្ញាចិត្តចំពោះគម្រោង ឬកិច្ចខិតខំប្រឹងប្រែងដែលមិនទាន់ទទួលបាននៅគ្រប់ទីកន្លែងនៅឡើយ ប៉ុន្តែការពិតដែលអ្នកនៅតែព្យាយាមប្រាប់រឿងមួយ។ អ្នកដឹងថាជោគជ័យមិនមែនភ្លាមៗទេ ហើយអ្នកកំពុងតស៊ូក្នុងស្ថានភាពដែលអ្នកដទៃអាចបោះបង់ដោយងាយ។ ហើយយើងទាំងអស់គ្នាដឹងថា ជោគជ័យនឹងលេចឡើង នៅចុងបញ្ចប់។

៧. អារម្មណ៍របស់អ្នកប្រែប្រួលខ្លាំង ៖ តើអ្នកដឹងថាមានអ្វីកើតឡើងនៅពេលដែលអ្នកមានសុខភាពផ្លូវចិត្តល្អ? ចិត្តរបស់អ្នកឈប់រុញច្រានចោលនូវអ្វីគ្រប់យ៉ាងដែលអាចជាការឈឺចាប់ ហើយអ្នកចាប់ផ្តើមមានអារម្មណ៍ដូចជាមនុស្សធម្មតា ដែលមានភាពចាស់ទុំគ្រប់គ្រាន់ក្នុងការស្តាប់នូវអ្វីដែលអារម្មណ៍របស់អ្នកកំពុងព្យាយាមប្រាប់អ្នក។

៨. អ្នកកំពុងបើកចំហខ្លួនអ្នកចំពោះអ្នកដទៃអំពីបញ្ហារបស់អ្នក ៖ យើងកាន់តែឈឺចាប់ យើងទំនងជារុញអ្នកដទៃចេញ ដោយខ្លាចគេមើលឃើញថាយើងទន់ខ្សោយ ឬខ្លាចរំខានដល់អ្នកដទៃ។ ប៉ុន្តែនៅពេលដែលយើងចាប់ផ្តើមមានអារម្មណ៍ថាមានសមត្ថភាពដោះស្រាយបញ្ហាដោយខ្លួនឯង យើងកាន់តែបើកចំហរក្នុងការនិយាយអំពីបញ្ហារបស់ខ្លួនឯងទៅកាន់អ្នកក្បែរខ្លួន។ ការដែលយើងព្រមនិយាយនូវអ្វីដែលមាននៅក្នុងចិត្តប្រាប់គេ វាក៏ល្អ ព្រោះអ្នកផ្សេងអាចនឹងផ្ដល់នូវដំណោះស្រាយ ឬគំនិតល្អដល់យើងបាន។

៩. អ្នកជ្រើសរើសស្តាប់ដំបូន្មាន ៖ អ្នកបើកចំហរចំពោះដំបូន្មានពីអ្នកដទៃ ប៉ុន្តែអ្នកមិនអនុញ្ញាតឱ្យនរណាម្នាក់ប្រាប់អ្នកពីអ្វីដែលត្រូវធ្វើដើម្បីឱ្យអ្នកត្រលប់មកផ្លូវត្រូវវិញ។ អ្នកដឹងពីអ្វីដែលធ្វើឱ្យអ្នកសប្បាយចិត្ត ហើយអ្នកទទួលយកដំបូន្មានពីអ្នកដទៃ លុះត្រាតែវាស្របនឹងជីវិតដែលអ្នកចង់រស់នៅ។

១០. អ្នកប្រាថ្នាយ៉ាងខ្លាំងចំពោះអ្វីដែលអ្នកមិនមាន ៖ ប្រហែលជាមានគម្លាតដ៏ធំនៅក្នុងជីវិតរបស់អ្នក ដែលគួរតែមានទំនាក់ទំនងជិតស្និទ្ធ ឬប្រហែលវាជាការងារដែលអ្នកពិតជាចង់បាន។ ប៉ុន្តែមានរឿងមួយប្រាកដណាស់ មនុស្សដែលទទួលបាននូវអ្វីដែលពួកគេចង់បានក្នុងជីវិត គឺជាមនុស្សដែលប្រាថ្នាចង់បានយ៉ាងខ្លាំង ហើយអ្នកដែលនឹងមិនឈប់ព្យាយាមរហូតដល់ជីវិតរបស់ពួកគេកាន់តែប្រសើរឡើង៕