ការអុជធូបមិនមែនធ្វើឡើងតាមចិត្តឯងនោះឡើយ ពុទ្ធសាសនិកខ្មែរតែងគោរព និងឱ្យតម្លៃនៃការ គោរពបូជា ហើយយកធូកតំណាងជាការថ្វាយបង្គំដល់ព្រះពុទ្ធ ព្រះធម៌ ព្រះសង្ឃ ឬមាតាបិតា និងគុណគ្រូបាធ្យាយរបស់គេរៀងៗខ្លួន។

ក្នុងនាមជាប្រជាជនខ្មែរ ដែលតែងតែគោរពព្រះពុទ្ធសាសនាតាំងពីយូរលង់ណាស់មកហើយ យើងត្រូវឈ្វេងយល់ និងដឹងពីទំនៀមទម្លាប់របស់ដូនតាយើងឱ្យបានច្បាស់។ ថ្ងៃនេះ យើងនឹងបកស្រាយនូវអត្ថន័យ និងការគោរពបូជានៃសរសៃធូកនីមួយៗឱ្យជ្រាបកាន់តែច្បាស់។

១. ធូប ១ សរសៃតំណាងឱ្យការគោរពបូជាវិញ្ញាណខ្មោចក្នុងផ្ទះ។

២. ការអុចធូកចំនួន ២ សរសៃ តំណាងឱ្យគុណមាតាបិតា។

៣. ការអុចធូក ចំនួន ៣ សរសៃ តំណាងឱ្យការរំឭកគុណដល់ព្រះរតនត្រ័យទាំង៣ គឺ គុណព្រះពុទ្ធ ព្រះធម៌ ព្រះសង្ឃ។ មួយវិញទៀត គឺដើម្បីរំឭកនឹកគុណដល់ព្រះទាំង ៣ ព្រះអង្គដែលលោកបានត្រាស់ដឹងជា ព្រះសម្មាសម្ពុទ្ធ ម្យ៉ាងទៀត ក៏តំណាងឱ្យសច្ចៈពិតក្នុងលោកដែលមានអនិច្ចំ ទុក្ខំ អន្តា។

៤. ការអុចធូកចំនួន ៤ សរសៃ តំណាងឱ្យធាតុទាំង ៤ របស់យើងគឺ ធាតុទឹក ធាតុភ្លើង ធាតុដី ធាតុខ្យល់!

៥. ការអុចធូកចំនួន ៥ សរសៃ តំណាងឱ្យបញ្ចខណ្ឌទាំង ៥ រួមមាន រូប វេទនា បញ្ញា សង្ខារ និងវិញ្ញាណ។ មួយវិញទៀត ការអុចធូក ៥ សរសៃ ក៏តំណាងឱ្យព្រះទាំង ៥ ព្រះអង្គផងដែរ។

៦. ការអុចធូកចំនួន ៧ សរសៃ តំណាងឱ្យការបូជាញាតិទាំងប្រាំពីរសន្តាន មាន ថ្នាក់លើខ្លួនបីជាន់គឺ ឪពុកម្ដាយ ជីដូនជីតា យាយទួតតាទួត និងថ្នាក់ក្រោមយើងបីជាន់គឺ កូន ចៅ ចៅទួត និងបូករួមទាំងខ្លួនយើងទាំងអស់គឺប្រាំពីរសន្តាន។

៧. ការអុចធូកចំនួន ៨ សរសៃ តំណាងឱ្យអដ្ឋង្គិមគ្គ គឺជាផ្លូវមួយ ដែលធ្វើឱ្យយើងដឹង និងយល់កាន់តែច្បាស់នូវអ្វីដែលជាធម៌ពិត យល់ពីភាពសច្ចៈពិតរបស់មនុស្សលោក ជាផ្លូវនូវសេចក្ដីរំលត់ទុក្ខ ហើយក៏អាចនាំយើងទៅកាន់និព្វានផងដែរ

៨. ការអុចធូកចំនួន ៩ សរសៃ តំណាងឱ្យការបូជាទេវតា ដែលថែរក្សាទិសទាំងប្រាំបួន គឺ ទិសបូព៌ ទិសអាគ្នេយ៍ ទិសទក្សិណ ទិសនិរតី ទិសបស្ចិម ទិសពាយ័ព្យ ទិសឧត្ដរ ទិសឦសាន និងទិសខាងលើ។

៩. ការអុចធូកចំនួន ១១ សរសៃ តំណាងឱ្យមេត្តាធម៌ទាំង ១១។

១០. ការអុចធូកចំនួន ១២ សរសៃ គឺតំណាងឱ្យការនឹករឭកទៅដល់គុណមាតា ព្រោះមាតាតំណាងឱ្យគុណធាតុទន់ខ្សោយ ជាស្ត្រីដែលមានចិត្តទោរទន់ដល់កូនស្រីកូនប្រុសទាំងអស់។

១១. ការអុចធូកចំនួន ១៩ សរសៃ គឺសម្រាប់ពិធីហៅព្រលឹង (មនុស្សមានព្រលឹង ១៩ រួមទាំងព្រលឹងធំ និងព្រលឹងតូច)។

១២. ការអុចធូកចំនួន ២១ សរសៃ តំណាងឱ្យការនឹករឭកដល់គុណបិតា ព្រោះបិតាតំណាងឱ្យធាតុរឹងដែលបានផ្ដល់កំណើតដល់កូន និងសេចក្ដីស្រឡាញ់ចំពោះកូនៗទាំងឡាយ។

១៣. អុចធូកចំនួន ៣៣ សរសៃ តំណាងឱ្យការបូជាគុណមាតាបិតា។

១៤. អុចធូកចំនួន ៣៨ សរសៃ តំណាងឱ្យការនឹកគុណដល់ព្រះសម្មាសម្ពុទ្ធដែលព្រះអង្គបានត្រាស់សម្ដែងដល់ពពួកមនុស្ស ទេវតា ឥន្ទ្រព្រហ្មទាំងអស់ បានយល់ដឹងនូវមង្គលទាំង ៣៨ ប្រការ៕