អូស្ត្រាលី ៖ សាកលវិទ្យាល័យមួយ របស់ចក្រភពអង់គ្លេស បានប្រគល់លំពែងបុរាណចំនួន ៤ ដែលបានយកកាលពីជាង ២៥០ ឆ្នាំមុនពីសហគមន៍ ដើមកំណើត ក្នុងប្រទេសអូស្ត្រាលី ដោយប្រធានក្រុមរុករក James Cook បន្ទាប់ពីលោកបំពេញ បេសកកម្មនៅទីនោះ ។

នេះបើយោងតាមសេចក្តីថ្លែងការណ៍រួម ពីមហាវិទ្យាល័យ និងវិទ្យាស្ថាន Australian Institute of Aboriginal and Torres Strait Islander Studies (AIATSIS) គាំទ្រការផ្លាស់ប្តូរនេះថា មហាវិទ្យាល័យ Trinity College Cambridge បានធ្វើមាតុភូមិនិវត្តន៍លំពែងជាអចិន្ត្រៃយ៍ទៅកាន់សហគមន៍ La Perouse Aboriginal ក្នុងពិធីមួយកាលពីថ្ងៃអង្គារ។

លំពែងទាំង ៤ ជាឧទាហរណ៍ចុងក្រោយ ដែលនៅសល់ពីការប្រមូលចំនួន ៤០ ដោយកំណត់ត្រា របស់លោក Cook បង្ហាញពីបេសកកម្ម របស់លោកបានយកពីប្រជាជន Gweagal រស់នៅ Kamay នៅថ្ងៃទី ២៩ខែមេសា ឆ្នាំ ១៧៧០ ។

លោក Ray Ingrey នាយកនៃមូលនិធិ Gujaga ជាអង្គការស្រាវជ្រាវ ដែលធ្វើការនៅសហគមន៍ La Perouse បាននិយាយក្នុងសេចក្តីថ្លែងការណ៍ថា លំពែងជាចំណុចដំបូង នៃទំនាក់ទំនងអឺរ៉ុប ជាពិសេសទំនាក់ទំនង របស់អង់គ្លេសជាមួយជនជាតិដើមអូស្ត្រាលី ។

ខ្ញុំគិតថា សម្រាប់ពួកយើង វាជាឱកាសដ៏សំខាន់មួយ ដែលប្រវត្តិសាស្រ្តរបស់ប្រទេសអូស្ត្រាលីបានចាប់ផ្តើម នៅឆ្នាំ ១៧៧០ នៅលើច្រាំងសមុទ្រ Botany Bay នៅ Kurnell លំពែងត្រូវបានគេយកដោយគ្មានការអនុញ្ញាត ប្រាកដជាត្រូវបានប្រគល់ជូនមនុស្សត្រឹមត្រូវវិញ។

លោក Cook បានធ្វើដំណើរទៅកាន់ ប្រទេសអូស្ត្រាលី និងនូវែលសេឡង់នៅលើ HMS Endeavour ជាការសម្គាល់ទំនាក់ទំនងអឺរ៉ុប ត្រូវគេស្គាល់ដំបូង ជាមួយ ភាគខាងកើតអូស្ត្រាលី ។ ការធ្វើអាណានិគមរបស់ចក្រភព អង់គ្លេស នៃប្រទេសអូស្ត្រាលី ជាលទ្ធផលបានបណ្តាល ឲ្យមានជំងឺបរទេស ការផ្លាស់ទីលំនៅ និងការសម្លាប់រង្គាលប្រឆាំង នឹងប្រជាជនដើម ។

លំពែងត្រូវបានផ្តល់ឲ្យមហាវិទ្យាល័យ Trinity ក្នុងឆ្នាំ ១៧៧១ ហើយត្រូវបានប្រារព្ធឡើងនៅសារមន្ទីរបុរាណវិទ្យានិងនរវិទ្យា (MAA) ទីក្រុង Cambridge ចាប់តាំងពីដើមសតវត្សទី ២០ ។ សមាជិកខ្លះនៃសហគមន៍ La Perouse Aboriginal Community ជាកូនចៅផ្ទាល់របស់អ្នកដែលបង្កើតលំពែង។ លោក Noeleen Timbery ប្រធានក្រុមប្រឹក្សា ដែនដីជនជាតិដើមភាគតិច La Perouse បាននិយាយក្នុងសេចក្តីថ្លែងការណ៍ថា ពួកគេជាឧបករណ៍ ទំនាក់ទំនងដ៏សំខាន់មួយ ចំពោះអតីតកាល ប្រពៃណី និងទំនៀមទម្លាប់វប្បធម៌ របស់យើង និងចំពោះបុព្វបុរសរបស់យើង ។ មនុស្សចាស់របស់យើង បានធ្វើការជាច្រើនឆ្នាំ ដើម្បីមើលកម្មសិទ្ធិរបស់ពួកគេផ្ទេរ ទៅឲ្យម្ចាស់ប្រពៃណីនៃ Botany Bay ។ មហាវិទ្យាល័យ បានយល់ព្រមប្រគល់លំពែង នៅខែមីនា ឆ្នាំ ២០២៣ បន្ទាប់ពីបានខ្ចីពួកវាទៅសារមន្ទីរក្នុងប្រទេសអូស្ត្រាលីលោកឆ្នាំ ២០១៥ និង២០២០ ៕ ដោយ៖លី ភីលីព