ប្រភពនានារបស់ប៉ាឡេស្ទីន និងប្រព័ន្ធផ្សព្វផ្សាយរបស់អ៊ីស្រាអែល បានអោយដឹងថា ជនជាតិប៉ាលេស្ទីនពីរនាក់ ត្រូវបានកងទ័ពអ៊ីស្រាអែល បាញ់សម្លាប់នៅព្រឹកថ្ងៃសុក្រនេះនៅជិតក្រុងទូបាស(Tubas) ភាគខាងជើងតំបន់វេស បែង។

ប្រភពប៉ាឡេស្ទីន បានកំណត់អត្ដសញ្ញាណបុរសម្នាក់ក្នុងចំណោមបុរសពីរនាក់នោះ ជាសកម្មប្រយូទ្ធហាម៉ាស ឈ្មោះម៉ូហាមេត រ៉ាស៊ូល ដារាកមេ (Mohammed Rasoul Daraghmeh)។

គេនិយាយថា បុរសនោះ ត្រូវបានសម្លាប់នៅពេលដែលកងទ័ពអ៊ីស្រាអែល បានវាយឆ្មក់ចូលក្នុងក្រុងតូច ដោយបានបាញ់កាំភ្លើងទៅលើរថយន្ដរបស់បុរសនោះ។ ហើយរថយន្ដ ក្រោយមកត្រូវបានកងទ័ពអ៊ីស្រាអែលអូសទៅដាក់នៅខាងក្រៅក្រុង ខណ:ដែលសពបុរសនោះ ត្រូវបានក្រុមអឌ្ឍចន្ទក្រហមទទួលយកទៅនិងបាននាំចូលក្នុងមន្ទីរពេទ្យ ដោយមនុស្ស១ហ្វូងដែលកំពុងស្រែកពាក្យស្លោកប្រឆាំងនឹងអ៊ីស្រាអែលនោះ៕

នៅក្នុងឧបទេ្ទវហេតុដោយឡែកមួយទៀត កងទ័ពអ៊ីស្រាអែល បានសម្លាប់ជនជាតិប៉ាឡេស្ទីនម្នាក់ទៀត ដែលគេស្គាល់អត្ដសញ្ញាណថា ឈ្មោះមូហាម៉ាត់ សាម៉ាវី (Muhammad Shahmawi) ក្នុងអំឡុងពេលវាយឆ្មក់របស់យោធាមួយចូលទៅក្នុងជំរំ អាល់ហ្វារ៉ា (Al-Fara) ភាគខាងត្បូងក្រុងទូបាស់ (Tubas)។

អំពើហិង្សាក្នុងតំបន់វេស បែង ក្នុងចំណោមទឹកដីនានាដែលប៉ាឡេស្ទីន កំពុងស្វែងរកអោយមានរដ្ឋរបស់ខ្លួននៅពេលអនាគតនោះ បានកើនឡើងរួចជាស្រេចទៅហើយនៅមុនសង្រ្គាមអ៊ីស្រាអែល-ហាម៉ាស ក្នុងតំបន់ហ្កាហ្សា បានចាប់ផ្ដើមកាលពីខែតុលា ហើយតាំងពីពេលនោះមក មានការវាយប្រហារជាញឹកញាប់ចេញពីជនជាតិប៉ាឡេស្ទីន និងការវាយឆ្មក់របស់អ៊ីស្រាអែល៕

https://www.reuters.com/world/middle-east/israeli-forces-kill-two-palestinians-including-hamas-gunman-west-bank-2024-04-12/