ទង្វើមួយចំនួនបានស្ដែងចេញមកឱ្យដឹងច្បាស់ៗថា ដៃគូរបស់អ្នកកំពុងតែលួចលាក់មានអ្នកថ្មី ក្បត់ចិត្តអ្នកហើយ តួយ៉ាងដូចទង្វើប្លែកៗទាំង ៣ នេះ ស្រីៗគួរតែព្យាយាមតាមដានសង្កេតមើល ព្រោះវាអាចជាការក្បត់របស់គាត់ កុំឱ្យគេលួចលាក់ទាក់ទងអ្នកផ្សេងក្រោយខ្នងអ្នកអី។

១. អារម្មណ៍ប្រែប្រួលខុសប្រក្រតី

ក្នុងនាមជាស្ត្រី វាមិនពិបាកក្នុងការទទួលស្គាល់ការប្រែប្រួលខុសប្រក្រតីនៃនិស្ស័យប្តីនាងនោះឡើយ។ បុរសឆាប់ខឹង រិះគន់ប្រពន្ធកាន់តែខ្លាំង ហើយថែមទាំងប្រៀបធៀបប្រពន្ធខ្លួនជាមួយប្រពន្ធអ្នកដទៃ ជាសញ្ញាបង្ហាញថា ប្តីចាប់ផ្តើមធុញទ្រាន់នឹងប្រពន្ធហើយ។ ភ្លាមៗប្តីស្រាប់តែផ្លាស់ប្តូរពីបើកចំហទៅជាបិទបាំង មិនសូវស្រួលក្នុងការចែករំលែកជាមួយអ្នកអំពីការងាររបស់ពួកគេ ឬអំពីមនុស្សដែលពួកគេបានជួប។ ប្រសិនបើសំណួរដែលអ្នកសួរត្រូវបានឆ្លើយតែមួយម៉ាត់ៗ វាបង្ហាញថាពួកគេមិនយកចិត្តទុកដាក់ចំពោះអ្នក ដែលជាសញ្ញាបង្ហាញថាគាត់កំពុងមានទំនាក់ទំនងស្នេហាខាងក្រៅ។

២. ភាពសុខដុមរមនារវាងអ្នកទាំងពីរកាន់តែយ៉ាប់យ៉ឺន ពួកគេប្រាកដជាបានផ្លាស់ប្តូរ

ការផ្លាស់ប្តូរភ្លាមៗនៃការរួមដំណេកដោយមិនពិភាក្សាអ្វីជាមួយអ្នក ក៏ជាសញ្ញាគួរឱ្យសង្ស័យផងដែរ។ ទោះបីជាអ្នកទាំងពីរនៅតែគេងជាមួយគ្នាជាទៀងទាត់ក៏ដោយ ស្ត្រីអាចមានអារម្មណ៍ប្រែប្រួល និងភាពស្ងប់ស្ងាត់ប្តីរបស់នាង។ ទំនាក់ទំនងរវាងស្វាមី និងភរិយាកាន់តែឃ្លាតឆ្ងាយពីគ្នា អារម្មណ៍នៃភាពស្និទ្ធស្នាលខាងផ្លូវចិត្ត និងផ្លូវកាយរវាងប្ដីប្រពន្ធក៏លែងមានទៀតដែរ។

៣. លាក់អាថ៌កំបាំងជាមួយប្រពន្ធ

ពេលបុរសចាប់ផ្ដើមក្បត់ដៃគូ គេច្រើនតែលែងចង់ចែករំលែក និងយល់ចិត្តប្រពន្ធដូចមុនទៀតហើយ ប៉ុន្តែនឹងរកវិធីលាក់បាំងរឿងជាច្រើន។ គាត់បានលាក់បាំងរួមទាំងការទំនាក់ទំនង និងការសន្ទនាផ្សេងៗជាមួយអ្នកផ្សេង។ បុរសមានទំនោរចង់បង្អួតស្រីដទៃកាន់តែច្រើន។ ជំនួសឱ្យការចែករំលែកការងារ ជីវិត និងរបស់របរប្រចាំថ្ងៃជាមួយប្រពន្ធ បុរសដែលក្បត់ប្រពន្ធនឹងនិយាយកាន់តែច្រើនអំពីបញ្ហារបស់ពួកគេជាមួយជនទីបី៕