TA X2
· 03-15
អគ្គិភ័យ ឆាបឆេះនៅពន្ធនាគារ រដ្ឋធានីប្រទេសហៃទី ខណៈប្រទេសនេះរកមធ្យោបាយដោះស្រាយវិបត្តិនយោបាយ
#អគ្គិភ័យ# #ព័ត៌មាន# #រដ្ឋធានីប្រទេសហៃទី# #វិបត្តិនយោបាយ# #ព័ត៍មានអន្តរជាតិ#
5312
យោងតាមសេចក្តីរាយការណ៍ពីប្រព័ន្ធផ្សព្វផ្សាយក្នុងស្រុកបានឱ្យដឹងថា អគ្គិភ័យ បានឆាបឆេះនៅពន្ធនាគារធំ ក្នុងរដ្ឋធានីប្រទេសហៃទី កាលពីថ្ងៃព្រហស្បតិ៍។
វីដេអូ បានបង្ហាញពីផ្សែងខ្មៅហុយចេញពីអគារពន្ធនាគារ ជាកន្លែងដែលកាលពីដើមខែនេះ ក្រុមប្រដាប់អាវុធបានរំដោះអ្នកទោស។ វាពុំអាចដឹងភ្លាមៗនៅឡើយទេ ថាតើមានមនុស្សប៉ុន្មាននាក់នៅក្នុងពន្ធនាគារ និងមូលហេតុអ្វីដែលបានបង្កឱ្យមានអគ្គិភ័យឆាបឆេះ។
ប្រទេសនៅតំបន់សមុទ្រការ៉ាអ៊ីបមួយនេះ កំពុងព្យាយាមរិះរកមធ្យោបាយដោះស្រាយវិបត្តិនយោបាយ និងសង្គម ដែលបានកើតឡើងជាយូរមកហើយ បណ្តាលឲ្យមនុស្សរាប់ពាន់នាក់ភៀសខ្លួនចេញ ដោយសារតែក្រុមជនអន្ធពាលប្រដាប់អាវុធ បង្កើនសកម្មភាពគ្រប់គ្រងរបស់ពួកគេនៅក្នុងរដ្ឋធានី។
សហគមន៍តំបន់សមុទ្រការ៉ាអ៊ីប ជាប្លុកប្រចាំតំបន់ បានពិភាក្សាលម្អិតអំពីគណបក្សនយោបាយ និងវិស័យសង្គមនានា ដើម្បីកំណត់ពេលបង្កើតក្រុមប្រឹក្សាអន្តរកាលមួយ មានសមាជិក៩រូប ដែលនឹងចូលកាន់តំណែងពីនាយករដ្ឋមន្ត្រីដែលមិនបានជាប់ឆ្នោត លោក អារីយ៉ែល ហេនរី (Ariel Henry) ដែលលោកបាននិយាយកាលពីថ្ងៃចន្ទ ទី១០ ខែមីនា ថា លោកនឹងលាលែងពីតំណែង។
ការចរចា ជុំវិញក្រុមប្រឹក្សានេះ ត្រូវបានសម្របសម្រួលដោយមេដឹកនាំតំបន់សមុទ្រការ៉ាអ៊ីប និងរដ្ឋមន្ត្រីការបរទេសសហរដ្ឋអាមេរិក លោក Antony Blinken ប៉ុន្តែការតែងតាំងជាផ្លូវការ នៅមិនទាន់ត្រូវបានធ្វើឡើងនៅឡើយ។
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
ការណែនាំពិសេស
ការបាញ់កាំភ្លើង ត្រូវបានលាន់លឺនៅជិតវិមានជាតិ ប្រទេសហៃទី ក្នុងទីក្រុងព័រ អូប្រាំង
យោធាអាមេរិក បញ្ជូនយន្តហោះដឹកបុគ្គលិកស្ថានទូតពីប្រទេសហៃទី និងពង្រឹងសន្តិសុខ
រដ្ឋធានីហៃទី ស្ថិតក្រោមការឡោមព័ទ្ធ ខណៈមានការកើនឡើងអំពើហិង្សាពីក្រុមជនអន្ធពាល
ការជំនុំជម្រះក្ដីដ៏ធំរបស់ហូឡង់ បានបញ្ចប់ដោយការដាក់ពន្ធនាគារ ១ជីវិត ចំពោះមេក្លោងក្រុមអន្ធពាល
យោបល់ទាំងអស់ (0)