ទីភ្នាក់ងាររដ្ឋាភិបាល និយាយនៅថ្ងៃសុក្រនេះថា ផ្កាថ្មប៉ប្រះទឹក Great Barrier របស់អូស្រ្តាលី បានទទួលរងការប្រែពណ៌យ៉ាងធ្ងន់ធ្ងរទ្រង់ទ្រាយធំគួរឲ្យខកចិត្តជាទីពន់ពេក ដោយសារតែកម្តៅកើតឡើងក្នុងរដូវក្តៅនៅលើទីតាំងជីវចម្រុះមួយនេះ ។ 

 ក្រុមអាជ្ញាធរឧទ្យានសមុទ្រផ្កាថ្មប៉ប្រះទឹក Great Barrier (GBRMPA) គឺជាទីភ្នាក់ងារមានភារកិច្ចត្រួតពិនិត្យសុខភាពផ្កាថ្មប៉ប្រះទឹក បញ្ជាក់ថា ព្រឹត្តការណ៍ប្រែពណ៌ផ្កាថ្មទ្រង់ទ្រាយធំ កើតមាននៅទូទាំងផ្កាថ្មប៉ប្រះទឹក ។ 

 អ្នកស្រី AUSTRALIA-REEF គឺជាមន្រ្តីស្រាវជ្រាវសំខាន់មួយរូបនៅសាកលវិទ្យាល័យ TropWATER James Cook បាននិយាយប្រាប់ទីភ្នាក់ងារព័ត៌មានរ៉យទ័រថា ដំណឹងបែបនេះ គួរឲ្យខកចិត្តខ្លាំងណាស់ ។ ខ្ញុំស្រក់ទឹកភ្នែកក្រោមបាតសមុទ្រ ពេលមើលឃើញផ្កាថ្មប្រែពណ៌បែបនេះ ប៉ុន្តែខ្ញុំគិតថា វាពិតជាសំខាន់ខ្លាំងណាស់កាលដែលពួកយើងមិនត្រូវអស់សង្ឃឹមនោះ ។ 

 សូមបញ្ជាក់ថា ការប្រែពណ៌ផ្កាថ្ម នឹងបណ្តាលឲ្យផ្កាថ្មបណ្តេញស្លែពណ៌រស់នៅក្នុងជាលិការបស់វា ធ្វើឲ្យវាប្រែទៅជាពណ៌ស.វិញ ។ ផ្កាថ្ម អាចនៅរស់ក្នុងព្រឹត្តការណ៍ប្រែពណ៌ ប៉ុន្តែវាអាចធ្វើឲ្យក្រិនការលូតលាស់ និងធ្វើឲ្យប៉ះពាល់ដល់ការបន្តពូជរបស់វា ។ 

 អូស្រ្តាលី បានប្រឹងប្រែងអស់រយៈពេលជាច្រើនឆ្នាំមកហើយដើម្បីរក្សាការពារផ្កាថ្មប៉ប្រះទឹក ដែលរួមចំណែកសេដ្ឋកិច្ចជាតិ ៤ពាន់លានដុល្លារ និងគាំទ្រការងារចំនួន ៦៤.០០០ ដល់ប្រជាពលរដ្ឋរបស់ខ្លួន ៕

https://www.aljazeera.com/news/2024/3/8/australias-great-barrier-reef-hit-by-mass-coral-bleaching