អ្នកបោះឆ្នោតប៉ាគីស្ថាន បានសម្តែងការមិនសប្បាយចិត្តរបស់ពួកគេចំពោះយោធាដ៏មានឥទ្ធិពលរបស់ប្រទេសនេះ នៅក្នុងលទ្ធផលបោះឆ្នោតដ៏គួរឲ្យភ្ញាក់ផ្អើលមួយ កាលពីដើមខែនេះ។ ប៉ុន្តែកងទ័ព នៅតែត្រៀមខ្លួន ក្នុងការគ្រប់គ្រងពីក្រោយឆាក ច្រើនជាងពេលណាៗទាំងអស់ ហើយការស្តារសេដ្ឋកិច្ចឡើងវិញនឹងក្លាយជាការសាកល្បងចុងក្រោយរបស់ខ្លួន។

មនុស្សម្នាក់ដែលដឹងពីបញ្ហានេះ បាននិយាយថា យោធាដែលបានគ្រប់គ្រងប្រទេសប៉ាគីស្ថានដោយផ្ទាល់ ឬដោយប្រយោលសម្រាប់ប្រវត្តិសាស្រ្តទំនើបភាគច្រើនរបស់ខ្លួន ត្រូវបានកំណត់ ដើម្បីធ្វើការសម្រេចចិត្តសំខាន់ៗទាំងអស់លើគោលនយោបាយការបរទេស និងសន្តិសុខសម្រាប់រដ្ឋាភិបាលថ្មីរបស់ប្រទេស ហើយមានតួនាទីពង្រីកបន្ថែមទៀត ក្នុងការដំណើរការសេដ្ឋកិច្ចរបស់ប្រទេសនេះ។ មនុស្សដែលសុំមិនបញ្ចេញអត្តសញ្ញាណ ព្រោះព័ត៌មាន ជាព័ត៌មានឯកជន បាននិយាយថា លោកសេបាហ្ស សារីហ្វ(Shehbaz Sharif) ដែលរំពឹងថា នឹងក្លាយជានាយករដ្ឋមន្ត្រី ទំនងជាគ្រាន់តែជាមនុស្សម្នាក់ដែលមានឋានៈខ្ពង់់ខ្ពស់ ប៉ុន្តែគ្មានអំណាចពិតប្រាកដ។ 

កងទ័ព កំពុងពង្រឹងអំណាច ខណៈដែលប៉ាគីស្ថានប្រឈមមុខនឹងអតិផរណាដ៏អាក្រក់បំផុត នៅអាស៊ី បន្ទុកបំណុលដ៏ធ្ងន់ធ្ងរ និងតម្រូវការក្នុងការចរចារថវិកាសង្គ្រោះមួយផ្សេងទៀតពីមូលនិធិរូបិយវត្ថុអន្តរជាតិ(IMF )។ អ្នកសង្កេតការណ៍ភាគច្រើន មានទុទិដ្ឋិនិយមថា សម្ព័ន្ធភាពទន់ខ្សោយដែលគាំទ្រដោយយោធានឹងមានភាពល្អប្រសើរជាងរដ្ឋាភិបាលស្រដៀងគ្នា កាលពីអតីតកាល។

លោក Yousuf Nazar អតីតបុគ្គលិកធនាគារ Citigroup Inc. និងជាអ្នកនិពន្ធសៀវភៅ The Gathering Storm:Pakistan បាននិយាយថា ខណៈពេលដែលកងទ័ព «ពិតជាមានភាពជឿជាក់ច្រើនជាងអ្នកនយោបាយ» វាមិនបានបង្ហាញពីការយល់ច្បាស់ជាប្រវត្តិសាស្ត្រ ឬការយល់ដឹងអំពីអ្វីដែលត្រូវធ្វើនោះទេ។

យោធាប៉ាគីស្ថាន និងបក្សរបស់លោកសារីហ្វ មិនបានឆ្លើយតបនឹងសំណើសុំការអត្ថាធិប្បាយទេ។

https://timesofindia.indiatimes.com/world/pakistan/pakistans-army-pakistan-elections-imran-khan-shehbaz-sharif/articleshow/108090872.cms