ក្នុងចំណោមឆ្នាំទាំង ១២ ស្ត្រីដែលកើតឆ្នាំទាំង ៥ ខាងក្រោមនេះ ទំនាយទាយថា គេនឹងក្លាយជាអ្នកមានយ៉ាងឆាប់ មានលាភសំណាងទ្វេដង បន្ទាប់ពីពួកគេរៀបការ មានគ្រួសារជារបស់ខ្លួនឯង។

១. អ្នកកើតឆ្នាំ ច

ក្នុងចំណោមសត្វទាំង ១២ ឆ្នាំដែលគេដឹងថាជាឆ្នាំដែលល្អ មានបញ្ញាវាងវៃបំផុតគឺ អ្នកកើតឆ្នាំ ច ហើយមនុស្សដែលកើតឆ្នាំនេះ ក៏ជាប្រភេទមនុស្សដែលហ៊ាននិយាយហ៊ានធ្វើ។ ក្នុងភាពជាយុវវ័យ គេអាចនឹងមិនគិតរឿងស្នេហា តែគេជាមនុស្សដែលមានបទពិសោធន៍ជីវិតច្រើន។ ដូច្នេះ ក្រោយពីរៀបការរួច គេនឹងមានមេរៀនជីវិតច្រើន គួបផ្សំនឹងភាពចាស់ទុំក្នុងការគិតក្មេងស្រីវ័យចំណាស់ទាំងនេះ អាចទទួលបានជោគជ័យយ៉ាងងាយស្រួល មានជីវិតពេញទាំងគ្រួសារ និងលុយកាក់។ នេះនឹងមានរយៈពេលរហូតដល់ពួកគេចាស់។

២. អ្នកកើតឆ្នាំ ជូត

មនុស្សស្រីដែលកើតឆ្នាំជូត ជាមនុស្សដែលមានភាពស្មារតីស្វាហាប់ និងមានមហិច្ឆិតាខ្ពស់ ជាពិសេសនៅក្នុងរឿងស្នេហា។ ពួកគេតែងតែចង់មានស្នេហាអស់កល្បជានិច្ច ជាមួយដៃគូជីវិត គេមានការខិតខំខ្លាំងដើម្បីទទួលបាននូវបទពិសោធន៍គួរឱ្យរំភើបទាំងអស់នៅក្នុងជីវិត។

ភាពស្មោះត្រង់ និងភាពចាស់ទុំនៃស្នេហានឹងជួយឱ្យក្មេងស្រីទាំងនេះរក្សាដួងចិត្តរបស់ដៃគូដោយភាសាសាមញ្ញ។ នោះគឺជារឿងដដែលដែលបង្កើតការទាក់ទាញយ៉ាងខ្លាំងសម្រាប់ក្មេងប្រុសសង្ហាដែលមកពីគ្រួសារអ្នកមាន។

៣. អ្នកកើតឆ្នាំ ថោះ

មនុស្សស្រីដែលកើតឆ្នាំថោះ ភាគច្រើនជាមនុស្សដែលមានភាពស្ងប់ស្ងាត់ សាមញ្ញនិងសុភាពរាបសារ។ ពួកគេមិនត្រូវបានល្បួងដោយអារម្មណ៍របស់អ្នកដទៃទេ។ ហេតុដូច្នេះហើយនៅពេលធ្លាក់ក្នុងអន្លង់ស្នេហ៍ អ្នកនឹងតែងតែជួបប្រទះនូវទំនាក់ទំនងដ៏ល្អ តែងតែកោតសរសើរ និងរក្សាទំនាក់ទំនងរបស់អ្នកជានិច្ច។

ពួកគេសុភាពរាបសារតែងតែគិតសម្រាប់អ្នកដទៃ ហើយស្គាល់សន្តិភាពជាការយកចិត្តទុកដាក់ធ្វើសម្បទាននៅពេលចាំបាច់ ចៀសវាងការឈឺចាប់ដែលមិនចាំបាច់។ ពួកគេស្មោះត្រង់ ដូច្នេះពួកគេនឹងមិនអភ័យទោសប្រសិនបើភាគីម្ខាងក្បត់អារម្មណ៍របស់ពួកគេ។ មនុស្សនៃឆ្នាំថោះមិនងាយបោះបង់ក្នុងជីវិតអាពាហ៍ពិពាហ៍ឡើយ។ ប្រសិនបើប្តីប្រពន្ធចាប់ផ្ដើមចាប់ដៃគ្នា ពួកគេនឹងព្យាយាមរក្សាជីវិតគូឱ្យកាន់តែមានន័យ។

៤. អ្នកកើតឆ្នាំ វក

ក្មេងស្រីដែលកើតឆ្នាំវក ជាមនុស្សដែលមានភាពល្បីល្បាញដោយសារភាពវាងវៃ និងមានទេពកោសល្យងាយនឹងទាក់ទាញចំណាប់អារម្មណ៍របស់បុរសអ្នកមាន និងខ្ពង់ខ្ពស់។ យោងទៅតាមគ្រូទាយថាជាមួយនឹងភាពរហ័សរហួន និងភាពប៉ិនប្រសព្វ ពួកគេងាយទទួលបានអ្វីដែលពួកគេចង់បាន។ វាគឺជាចរិតលេចធ្លោនៅក្នុងបុគ្គលិកលក្ខណៈ ដែលបង្កើតឱ្យមានការចាប់អារម្មណ៍យ៉ាងខ្លាំងជាមួយភេទផ្ទុយជាទូទៅ និងសុភាពបុរសជាពិសេស។

៥. អ្នកកើតឆ្នាំ រោង

មនុស្សដែលកើតក្នុងឆ្នាំរោង គឺមានសុភមង្គលច្រើនជាងមនុស្សផ្សេង។ ពួកគេជាអ្នកមានដោយធម្មជាតិ និងមានបញ្ញាពីកំណើត។ នៅពេលពួកគេនៅក្មេង ពួកគេក៏បានដើរហើរ និងមានការយល់ដឹងច្រើន ប៉ុន្តែវានឹងខុសគ្នានៅពេលពួកគេរៀបការ។ បន្ទាប់ពីរៀបការហើយពួកគេមានការយល់ដឹងកាន់តែច្បាស់ពីរបៀបដែលសេដ្ឋកិច្ចជះឥទ្ធិពលដល់ជីវភាពគ្រួសារ ដូច្នេះពួកគេកាន់តែព្យាយាមដើម្បីឱ្យក្លាយជាអ្នកមាន។ គ្រាន់តែដើម្បីថែរក្សាគ្រួសារ និងរក្សាជំហរដ៏រឹងមាំរបស់គេដើម្បីគ្រួសារដ៏កក់ក្ដៅ៕

ប្រភព ៖ Phuntoday / ប្រែសម្រួល ៖ ភី អេក (ក្នុងស្រុក)