Knongsrok
· 2023-12-09
មនុស្សនាំសំណាង! បើអ្នកបានជួបមនុស្ស ៣ ប្រភេទនេះ នោះមានន័យថា យីអ៊ុនអ្នកកំពុងឡើង សំណាងច្រើននឹងចូលមករកអ្នក
#ចំណេះដឹង# #អត្ថបទអប់រំ# #អប់រំ និងការងារ#
5755
ក្នុងនាមជាមនុស្សយើងគួរជ្រើសរើសអ្វីដែលល្អ ដឹងខុស ស្គាល់ត្រូវ ដឹងអ្វីគួរ អ្វីដែលមិនគួរ។ ភាពសុទិដ្ឋិនិយម និងគំនិតយល់ដឹងត្រឹមត្រូវ មិនត្រឹមតែធ្វើឱ្យមនុស្សសប្បាយចិត្តប៉ុណ្ណោះទេ ថែមទាំងជួយឱ្យយើងជួបតែរឿងល្អ និងចៀសពីគ្រោះបញ្ហាបានផងដែរ។
យ៉ាងណាមិញ ក្រៅតែពីយើងខ្លួនឯងជាកត្តាចម្បង យើងក៏ត្រូវពឹងលើទំនាក់ទំនងជាមួយមនុស្សក្បែរខ្លួន ដើម្បីបង្កើតសំណាងដូចគ្នា។ មនុស្សគ្រប់រូបមានឱកាសជួបមនុស្សថ្លៃថ្នូរក្នុងជីវិត រឿងសំខាន់គឺថាតើពួកគេដឹងហើយទទួលយកវាឬអត់។ ដូច្នេះហើយ ប្រសិនបើអ្នកបានជួបមនុស្ស ៣ ប្រភេទនេះ ឬគេចូលមកលេងផ្ទះរបស់អ្នក ក៏បញ្ជាក់ថា គេនាំសំណាង និងរឿងល្អៗមកឱ្យអ្នកហើយ។
១. ពេលលំបាក មានមនុស្សខ្ពង់ខ្ពស់ ចូលមកជួយ
ក្នុងជីវិតនេះ មិនខ្វះទេមនុស្សដែលតែងតែចាំអែបអប យកមុខ ពេលដែលអ្នកជោគជ័យ មានបាន។ ប៉ុន្តែពេលអ្នកជួបការលំបាក ស្ទើរតែគ្មានអ្នកណាហ៊ានក្បែរអ្នកឡើយ។ មនុស្សលោភលន់គឺនៅជាមួយអ្នកតែនៅពេលដែលអ្នកមានតែប៉ុណ្ណោះ។ ប៉ុន្តែនៅពេលដែលអ្នកជួបការលំបាក ពួកគេនឹងចាកចេញ មិនខ្វល់ មិនអើពើ គេសុខចិត្តធ្វើមិនស្គាល់អ្នក។
នៅពេលដែលអ្នកស្ថិតក្នុងគ្រាលំបាកបំផុត អ្នកអាចជួបមនុស្សថ្លៃថ្នូរចូលមកជួយអ្នក។ មិនថាហេតុផលអ្វីក៏ដោយ ដរាបណាគាត់អាចជួយអ្នក ឱ្យអ្នកចេញពីស្ថានភាពលំបាក និងជួយអ្នកដោះស្រាយបញ្ហា គាត់គឺជាអ្នកមានគុណរបស់អ្នកហើយ។ ដូច្នេះនៅក្នុងជីវិតមិនមានរបស់ល្អអសរីរាង្គណាមួយរង់ចាំអ្នកទេ អ្វីគ្រប់យ៉ាងសុទ្ធតែមានហេតុ និងផលរបស់វា។
២. បានជួបដៃគូគាប់ចិត្ត ឬមិត្តដែលផ្ដល់ភាពកក់ក្ដៅដល់អ្នក
មនុស្សគ្រប់រូបនឹងមានពេលដែលជីវិតស្ថិតក្នុងស្ថានភាពងងឹត គ្មានពន្លឺ។ ក្នុងអំឡុងពេលនេះ អ្នកមិនជឿលើស្នេហា មិនជឿលើមិត្តភាព ការគោរពខ្លួនឯងក៏ទាប មិនហ៊ានប្រាស្រ័យទាក់ទងជាមួយអ្នកណា ចង់រស់នៅតែម្នាក់ឯង។
ប៉ុន្តែអ្នកក៏ត្រូវដឹងគុណចំពោះគ្រាដ៏ខ្មៅងងឹតផងដែរ ព្រោះពេលនេះអ្នកនឹងបានជួបមនុស្សម្នាក់ដែលស្រឡាញ់អ្នកពិតប្រាកដ ហើយផ្តល់ភាពកក់ក្តៅដល់អ្នក។ ក្នុងជីវិតនេះ ការបានជួបមនុស្សម្នាក់ដែលអ្នកអាចទុកចិត្តបាន គឺជារឿងដែលសប្បាយចិត្តខ្លាំងបំផុត។
៣. មនុស្សដែលកោតសរសើរចំពោះទេពកោសល្យ និងជួយឱ្យអ្នកកាន់តែភ្លឺស្វាង
មិនមែនគ្រប់គ្នាសុទ្ធតែមានឱកាសជួបមនុស្សថ្លៃថ្នូរនោះទេ។ ទោះបីជាទេពកោសល្យរបស់អ្នកត្រូវបានវាយតម្លៃទាបក៏ដោយ នៅពេលដែលមាននរណាម្នាក់បង្ហាញខ្លួន ពួកគេនឹងគាំទ្រអ្នក បង្រៀនអ្នក និងឱ្យតម្លៃអ្នក។ ផ្តល់ឱ្យអ្នកនូវវេទិកាល្អប្រសើរជាងមុនដើម្បីរីកចម្រើន និងអនុញ្ញាតឱ្យអ្នកអនុវត្តបានល្អបំផុត។
នេះជាបុគ្គលដ៏ខ្ពង់ខ្ពស់ដែលធ្វើឱ្យជីវិតរបស់អ្នករីកចម្រើនឥតឈប់ឈរ។ នៅពេលអ្នកជួបពួកគេ អ្នកត្រូវតែគោរពពួកគេ។ អភិជន គឺជាមនុស្សដែលអាចជួបបាន ប៉ុន្តែមិនអាចសុំបាន។ បើអ្នកគិតអំពីការសុំជំនួយពីពួកអភិជនក្នុងរឿងគ្រប់យ៉ាង ការរំពឹងថាពួកអភិជននឹងគាំទ្រអ្នក វាប្រៀបដូចជាការឱបដើមឈើធំ ហើយរង់ចាំទន្សាយអ៊ីចឹង។ ដូច្នេះហើយ អ្នកមិនគួរប្រកាន់យកក្តីសង្ឃឹមឆ្ងាយពេក ហើយមានគំនិតលោភលន់ចង់ពឹងផ្អែកនោះឡើយ សូមមឱ្យអ្វីៗអាស្រ័យលើជោគវាសនារបស់អ្នក៕
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
រឿងគួរឲ្យសោកស្ដាយបំផុតក្នុងអាជីព Sir Alex ថាស្តាយនឹងមិនអាចយកបានកីឡាករ Spurs រូបនេះ
Glazers និង Ed Woodward មានជំហរបែបនេះលើករណីបណ្ដេញចេញលោក Ole Gunnar Solskjaer
ប្រផ្នូលល្អ ហេងៗ! សុបិនទាំង ៩ នាំមកនូវសុខភាពល្អ សំណាងល្អ និងលាភពរជ័យចូលមកក្នុងជីវិត
អាចរកបានប្ដី ឬប្រពន្ធបែបហ្នឹង ដឹងតែសំណាងសោយសុខ សុភមង្គលពេញមួយជីវិតហើយ
ការណែនាំពិសេស
យោបល់ទាំងអស់ (0)