Knongsrok
· 01-04
កុំត្រេកត្រអាលភ្លើតភ្លើនភ្លេចខ្លួន ! ៣ យ៉ាង មើលទៅល្អ គិតថាជាពជ័យ លាភសំណាង តែការពិត វាជាគ្រោះថ្នាក់ទៅវិញទេ
#ចំណេះដឹង# #អត្ថបទអប់រំ# #អប់រំ និងការងារ#
6909
មនុស្សជាច្រើនតែងគិតថា ការដែលជីវិតមានរឿង ៣ យ៉ាងនេះ គឺជាពរជ័យ លាភសំណាង តែខុសស្រឡះ ព្រោះបើអ្នកគិតតែត្រេកត្រអាល រហូតដល់ភ្លេចខ្លួន ចុងក្រោយ នឹងនាំគ្រោះថ្នាក់ដាក់ខ្លួនតែប៉ុណ្ណោះ។
១. ដេកស៊ី គិតថាខ្លួនសំណាង ស្រណុក អត់ហត់ធ្វើការ
មនុស្សមួយចំនួន អត់ធ្វើការ រកស៊ីអ្វីឡើយ ដេកអាងសំណាង អាងទ្រព្យកេរ្តិ៍អាកររបស់ឪពុកម្ដាយ គិតតែដេកស៊ី ចាយលុយចាយទ្រព្យដែលមាន ហើយគិតថាខ្លួនមានសំណាង មិនបាច់ហត់ធ្វើការ ក៏មានលុយចាយ មានបាយស៊ី រហូតដល់ភ្លេចខ្លួនថា ការដែលដេកស៊ីយូរៗទៅ អស់ទ្រព្យ អស់លុយ ហើយចុងក្រោយអ្វីក៏មិនដែរ អ្នកខ្លះ ដេកស៊ីអស់ទ្រព្យ រហូតដល់ជំពាក់គេថែមទៀតផង។ នេះក៏ដោយសារតែការត្រេកត្រអាលការសប្បាយ ចាយទ្រព្យសម្បត្តិ កេរ្តិ៍អាករ មិនចេះរកស៊ី ខ្លាចហត់ ខ្លាចពិបាក រហូតដល់លែងសល់អ្វី។
២. ល្បីល្បាញ តែក្នុងរឿងមិនល្អ
មនុស្សជាច្រើនក្នុងពេលបច្ចុប្បន្ននេះ ចង់មានឈ្មោះល្បីល្បាញ ចង់ឱ្យគេស្គាល់ លែងដឹងល្អអាក្រក់ ខុសត្រូវ លែងមានសីលធម៌ បាត់បង់អស់គុណតម្លៃ និងសេចក្ដីថ្លៃថ្នូរ ធ្វើរឿងមិនគប្បី ធ្វើរឿងថោកទាប ដើម្បីប្ដូរយកភាពល្បីល្បាញដែលគ្មានប្រយោជន៍។ ភាពល្បីល្បាញដែលអ្នកទទួលបាន ពីការធ្វើរឿងមិនល្អ វាគ្មានតម្លៃអ្វីឡើយ ល្បី តែខូចខាតកេរ្តិ៍ឈ្មោះ ជាប់ឈ្មោះអាសោច តើវាសក្តិសមទេ?
៣. រីករាយនឹងអ្វីៗដែលមិនមែនជារបស់ខ្លួន
បើមានរបស់ដែលមិនមែនជារបស់យើង ទោះយើងបង្ខំវាប៉ុនណាក៏គ្មានប្រយោជន៍ដែរ។ មនុស្សដែលចេះដឹងគ្រប់គ្រាន់ យល់ពីផលប្រយោជន៍ និងការបាត់បង់ ហើយរស់នៅតាមធម្មជាតិ នោះជីវិតអ្នកនឹងបានសេចក្តីសុខ និងសុភមង្គលបំផុត។ ផ្ទុយទៅវិញ អ្នកណាដែលលោភលន់ចង់បានរបស់ដែលមិនមែនជាកម្មសិទ្ធិរបស់ខ្លួន ជីវិតអ្នកមិនអាចបានល្អប្រសើរឡើយ។
ការខំប្រឹងដើម្បីជីវិតរុងរឿង និងទ្រព្យសម្បត្តិ មិនមែនជារឿងខុសទេ ប៉ុន្តែកុំឆ្លៀតឱកាសអាក្រក់ដែលខុសនឹងសតិសម្បជញ្ញៈ ធ្វើរឿងខុសច្បាប់ ដើរផ្លូវកាត់ព្រោះតែចង់មានឆាប់ មុន និងក្រោយអ្វីដែលអ្នកបានមកនោះ វាគង់តែបាត់បង់ទៅវិញ ព្រោះអ្នកបានមកដោយទង្វើខុសឆ្គង បានមកទាំងដែលវាមិនមែនជាកម្មសិទ្ធរបស់អ្នក៕
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
រឿងគួរឲ្យសោកស្ដាយបំផុតក្នុងអាជីព Sir Alex ថាស្តាយនឹងមិនអាចយកបានកីឡាករ Spurs រូបនេះ
Glazers និង Ed Woodward មានជំហរបែបនេះលើករណីបណ្ដេញចេញលោក Ole Gunnar Solskjaer
ប្រផ្នូលល្អ ហេងៗ! សុបិនទាំង ៩ នាំមកនូវសុខភាពល្អ សំណាងល្អ និងលាភពរជ័យចូលមកក្នុងជីវិត
អាចរកបានប្ដី ឬប្រពន្ធបែបហ្នឹង ដឹងតែសំណាងសោយសុខ សុភមង្គលពេញមួយជីវិតហើយ
យោបល់ទាំងអស់ (0)