ពេលដែលអ្នកទៅជួបគ្រូពេទ្យដើម្បីព្យាបាល ការឈឺក្បាលប្រកាំង ប៉ុន្តែគ្រូពេទ្យបែរជាវចេញវេជ្ជបញ្ជាថ្នាំប្រឆាំងនឹងជំងឺធ្លាក់ទឹកចិត្តជំនួសវិញ តើហេតុអ្វី? មនុស្សជាច្រើនប្រហែលជាចង់ដឹងចង់ឃើញ និងយល់ច្រលំថាហេតុអ្វីបានជាគ្រូពេទ្យចេញវេជ្ជបញ្ជាថ្នាំនេះប្រភេទទៅវិញ អ្នកគួរតែដឹងអំពីទំនាក់ទំនងរវាងការឈឺក្បាលប្រកាំង និងការប្រើថ្នាំប្រឆាំងនឹងជំងឺធ្លាក់ទឹកចិត្ត។

(រូបតំណាង)

I-ហេតុអ្វីបានជាគ្រូពេទ្យចេញវេជ្ជបញ្ជាថ្នាំប្រឆាំងនឹងជំងឺធ្លាក់ទឹកចិត្តដើម្បី ព្យាបាលការឈឺក្បាលប្រកាំង?

ក្នុងករណីខ្លះ ថ្នាំប្រឆាំងនឹងជំងឺធ្លាក់ទឹកចិត្ត ​គេអាចយកវាមកប្រើដើម្បី ព្យាបាលជំងឺឈឺក្បាលប្រកាំង ទោះប្បីឥទ្ធិពលនៃថ្នាំទាំងនេះមិនត្រូវបានកំណត់ចំពោះការព្យាបាលជំងឺធ្លាក់ទឹកចិត្តក៏ដោយ ប៉ុន្តែវាក៏មានឥទ្ធិពលវិជ្ជមានលើការបន្ថយការឈឺក្បាលប្រកាំងផងដែរ។

១-ទំនាក់ទំនងរវាងការឈឺក្បាលប្រកាំង និងគីមីសាស្ត្រខួរក្បាល

ជំងឺឈឺក្បាលប្រកាំង និងការធ្លាក់ទឹកចិត្តត្រូវបានផ្សារភ្ជាប់ជាមួយនឹងគីមីសាស្ត្រខួរក្បាល ទាំង serotonin និង norepinephrine ដែលដើរតួនាទីយ៉ាងសំខាន់ក្នុងការគ្រប់គ្រងទាំងអារម្មណ៍ និងការយល់ឃើញពីការឈឺចាប់ ប្រសិនបើសារធាតុគីមីក្នុងខួរក្បាលមានអតុល្យភាព អាចបណ្តាលឱ្យឈឺក្បាលប្រកាំង ឬធ្លាក់ទឹកចិត្ត។

២-ថ្នាំប្រឆាំងនឹងជំងឺធ្លាក់ទឹកចិត្តអាចជួយគ្រប់គ្រងការឆ្លើយតបរបស់អ្នកចំពោះការឈឺក្បាល

ថ្នាំប្រឆាំងនឹងជំងឺធ្លាក់ទឹកចិត្តដូចជា TCAs ,Amitriptyline អាចធ្វើឱ្យមានតុល្យភាពសារធាតុគីមីក្នុងខួរក្បាល និងជួយកាត់បន្ថយការឈឺចាប់ឈឺក្បាលប្រកាំង ដោយសារតែថ្នាំនេះកាត់បន្ថយភាពប្រែប្រួលនៃសរសៃប្រសាទនិងកាត់បន្ថយការឆ្លើយតបទៅនឹងការឈឺចាប់។

៣-បង្ការ និងកាត់បន្ថយការរឈឺក្បាលប្រកាំងញឹកញាប់

ថ្នាំប្រឆាំងជំងឺធ្លាក់ទឹកចិត្តត្រូវបានគេប្រើជាញឹកញាប់ដើម្បី ព្យាបាល ការឈឺក្បាលប្រកាំង រ៉ាំរ៉ៃ ឬអ្នកដែលមានជំងឺឈឺក្បាលប្រកាំងរ៉ាំរ៉ៃ ការប្រើថ្នាំប្រឆាំងនឹងជំងឺធ្លាក់ទឹកចិត្តអាចជួយការពារការឈឺក្បាលប្រកាំងនាពេលអនាគត និងជួយកាត់បន្ថយភាពញឹកញាប់ និងភាពធ្ងន់ធ្ងរនៃរោគសញ្ញា

II.ហានិភ័យ និងផលប៉ះពាល់នៃការប្រើថ្នាំប្រឆាំងនឹងជំងឺធ្លាក់ទឹកចិត្ត

ទោះបីជាថ្នាំប្រឆាំងនឹងជំងឺធ្លាក់ទឹកចិត្តអាចមានប្រយោជន៍ក្នុង ការព្យាបាលជំងឺឈឺក្បាលប្រកាំង ក៏ដោយ ក៏ពួកវាអាចមានផលប៉ះពាល់ដូចជា៖

-មានអារម្មណ៍ងងុយគេងឬអស់កម្លាំង

-ការឡើងទម្ងន់

-មាត់ស្ងួត

-វិលមុខ

III.ការប្រើថ្នាំប្រឆាំងនឹងជំងឺធ្លាក់ទឹកចិត្ត

ដើម្បីព្យាបាលជំងឺឈឺក្បាលប្រកាំង ត្រូវតែស្ថិតនៅក្រោមការត្រួតពិនិត្យរបស់វេជ្ជបណ្ឌិត ការប្រើថ្នាំប្រឆាំង នឹងជំងឺធ្លាក់ទឹកចិត្តដើម្បីព្យាបាលជំងឺឈឺក្បាលប្រកាំងត្រូវតែស្ថិតនៅក្រោមការត្រួតពិនិត្យរបស់វេជ្ជបណ្ឌិតដើម្បីកាត់បន្ថយហានិភ័យនៃផលប៉ះពាល់ ប្រសិនបើអ្នកមានការឈឺក្បាលប្រកាំងញឹកញាប់ ឬរោគសញ្ញាមិនប្រសើរឡើង អ្នកគួរតែទៅពិគ្រោះជាមួយវេជ្ជបណ្ឌិតរបស់អ្នក ដើម្បីជ្រើសរើសការព្យាបាលដែលត្រឹមត្រូវសម្រាប់អ្នក។

ប្រែសម្រួលដោយៈ Pisey trip

ឆែកមើលប្រភពដើមនៅទីនេះ