មនុស្សដែលមានចិត្តវិទ្យាល្អ អាចប្រឈមមុខនឹងអ្វីៗគ្រប់យ៉ាងដោយវិជ្ជមាន និងសុទិដ្ឋិនិយម ដោយមិនខ្លាចការលំបាក ឬ បរាជ័យឡើយ។ ពួកគេតែងតែអាចប្រឈមមុខនឹងការលំបាកដោយស្ងប់ស្ងាត់ ដោយមិនធ្វើអោយអ្នកជុំវិញខ្លួនពួកគេត្រូវមកលំបាកជាមួយពួកគេនោះទេ!

១.មានវិន័យលើខ្លួនឯង៖ មនុស្សម្នាក់អាចរស់នៅបានកាន់តែល្អ និងកាន់តែប្រសើរឡើង ដោយចាប់ផ្តើមមានឱកាសល្អៗក្នុងជីវិតនេះ ដោយការខំប្រឹងប្រែងរបស់ខ្លួន។ មនុស្សដែលប្រឹងប្រែងធ្វើការ គឺជាប្រភេទមនុស្សដែលចេះគ្រប់គ្រងខ្លួនឯង រក្សាវិន័យខ្លួនឯង ចេះកំណត់គោលដៅ រៀបចំផែនការជីវិត បន្ទាប់មកប្រឹងប្រែង និងអនុវត្តឱ្យសម្រេចគោលដៅ។ កាលណាអ្នកស្គាល់ខ្លួនឯងកាន់តែច្បាស់ អ្នកនឹងកាន់តែមានសំណាង។ មានតែអ្នកដែលអាចប្រដៅខ្លួនឯងបាន ទើបអាចមានស្ថិរភាពជាមួយខ្លួនឯង ហើយរស់នៅបានល្អបំផុត។

២.តែងតែមានគំនិតវិជ្ជមាន៖ មនុស្សដែលមានចិត្តវិទ្យាល្អ អាចប្រឈមមុខនឹងអ្វីៗគ្រប់យ៉ាងដោយវិជ្ជមាន និងសុទិដ្ឋិនិយម ដោយមិនខ្លាចការលំបាក ឬ បរាជ័យ។ បើមនុស្សមានអាកប្បកិរិយាល្អ នោះគេនឹងអាចរក្សាសេចក្តីស្រឡាញ់សម្រាប់ជីវិត ហើយបុគ្គលនោះនឹងមានលទ្ធផលល្អខ្លាំងណាស់។ នៅក្នុងគ្រួសារមួយ បងប្អូនបង្កើតសុទ្ធតែមានចំណុចចាប់ផ្តើមខុសៗគ្នា។ អ្នកខ្លះរស់នៅមានជីវភាពធូរធារ ខ្លះរស់នៅក្រីក្រ ខ្លះរស់នៅធម្មតាបំផុត។ នៅក្នុងបរិយាកាសដូចគ្នា បងប្អូនប្រុសស្រីចង់ឱ្យជីវិតរបស់ពួកគេកាន់តែប្រសើរឡើង អាស្រ័យលើថាតើពួកគេមានអាកប្បកិរិយាល្អ និងរស់នៅដោយវិជ្ជមានឬអត់។

៣.ខិតខំសិក្សា៖ ថាតើជីវិតរបស់មនុស្សម្នាក់ៗល្អ ឬ អាក្រក់ អាស្រ័យទៅលើការលះបង់ និងការប្រឹងប្រែងរៀងៗខ្លួន ក៏ដូចជាចិត្តសាស្ត្រ និងបុគ្គលិកលក្ខណៈរបស់មនុស្សម្នាក់ៗផងដែរ។ អ្នកអាចរក្សាវិន័យ និងអាកប្បកិរិយាវិជ្ជមាន ពង្រឹងសមត្ថភាពផ្ទាល់ខ្លួនរបស់អ្នកប្រសិនបើអ្នកចង់មានជីវិតដែលល្អទៅតាមការចង់បាន។ ត្រូវចាំថាគ្មានលទ្ធផលល្អណាដែលមិនកើតឡើយពីការខិតខំប្រឹងប្រែងនោះទេ ទាន់ខ្លួននៅក្មេងកុំខ្លាចការពិបាក ព្រោះឧបសគ្គនៅថ្ងៃនេះ នឹងផ្តល់មេរៀនជីវិតល្អដល់អ្នកនៅថ្ងៃក្រោយ៕