ថាមពលវិជ្ជមានដែលបញ្ចេញចេញពីមនុស្សស្រីដែលរស់រវើក និងសុទិដ្ឋិនិយមតែងតែទាក់ទាញបុរសមករកនាងជានិច្ច។ ហើយក្នុងនោះបុរសនឹងងប់ងល់ខ្លាំងជាមួយមនុស្សស្រីណាដែលមានលក្ខណៈសម្បត្តិទាំង៤នេះ៖

១.ស្ត្រីមានគំនិតឯករាជ្យ៖ មនុស្សស្រីដែលមិនមានចិត្តឯករាជ្យពេលមានស្នេហានឹងចាត់ទុកបុរសនោះជាអ្វីគ្រប់យ៉ាងសម្រាប់នាង។ ក្នុងរឿងស្នេហា មនុស្សស្រីប្រភេទនេះងាយនឹងមានការខកចិត្ត។ ប៉ុន្តែស្ត្រីដែលមានគំនិតឯករាជ្យនឹងដឹងពីរបៀបកែលម្អខ្លួនឯងជារៀងរាល់ថ្ងៃ។ ទោះបុរសម្នាក់សន្យាយ៉ាងណាក៏នាងនៅតែមានគំនិតរៀងខ្លួន។ ទាល់តែស្ត្រីមានអាជីពផ្ទាល់ខ្លួន ទើបគេមានសិទ្ធិនិយាយនៅចំពោះមុខបុរសទាំងនោះ។

២.ស្ត្រីសុភាព៖ មនុស្សគ្រប់គ្នាចូលចិត្តមនុស្សដែលអាចនាំពួកគេឱ្យមានភាពកក់ក្តៅ និងការលួងលោម។ ជាមួយនឹងមនុស្សស្រីដែលមានចិត្តល្អ និងសុភាព នឹងធ្វើអោយបុរសមានអារម្មណ៍ធូរស្រាល និងសុខស្រួលបំផុតនៅពេលពួកគេនៅជាមួយនាង។

៣.ស្ត្រីមានសុទិដ្ឋិនិយម៖ ថាមពលវិជ្ជមានដែលបញ្ចេញចេញពីមនុស្សស្រីដែលរស់រវើក និងសុទិដ្ឋិនិយមតែងតែទាក់ទាញបុរសមកខាងនាង។ ជាពិសេសជាមួយនឹងជីវិតសម័យទំនើបដ៏មមាញឹកប្រឈមមុខនឹងការលំបាក និងបញ្ហាប្រឈមជាច្រើន បុរសនឹងចូលចិត្តជជែក និងនៅជាមួយនារីដែលគួរឱ្យស្រលាញ់។ ប្រាកដណាស់ គ្មាននរណាម្នាក់ចង់នៅជាមួយមនុស្សដែលគ្រាន់តែត្អូញត្អែរ និងពោរពេញដោយភាពអវិជ្ជមាននោះទេ។

៤.ស្ត្រីដែលមានបញ្ញាអារម្មណ៍ខ្ពស់៖ ភាពឆ្លាតវៃខាងអារម្មណ៍អាចប៉ះពាល់ដល់ជីវិតរបស់មនុស្សម្នាក់ ហើយវាក៏ប៉ះពាល់ដល់ស្នេហារបស់មនុស្សម្នាក់ផងដែរ។ មនុស្សដែលមានភាពវៃឆ្លាតខាងផ្លូវអារម្មណ៍គឺអាចនិយាយបានល្អ និងដឹងពីរបៀបដោះស្រាយគ្រប់ស្ថានភាពទាំងអស់៕

ប្រភព៖ បរទេស

ប្រែសម្រួលដោយ៖ ក្នុងស្រុក