Lookingtoday
· 04-29
TikTok Facebook និងសេវាបរទេសផ្សេងទៀត បង់ពន្ធ ៥៧៥ លានឲ្យវៀតណាម
#App# #បច្ចេកវិទ្យា# #វៀតណាម# #Facebook#
203
វៀតណាម៖ យោងតាមអគ្គនាយកដ្ឋានពន្ធដារវៀតណាម បានឲ្យដឹងថា ក្រុមហ៊ុនបច្ចេកវិទ្យាយក្សដែលផ្តល់សេវារួមមាន ក្រុមហ៊ុន Google ក្រុមហ៊ុន Facebook និងក្រុមហ៊ុន TikTok បានបង់ពន្ធជាទឹកប្រាក់ចំនួន ១៤.៥៧២ ពាន់ពាន់លានដុង ស្មើនឹងទឹកប្រាក់ចំនួន ៥៧៥ លានដុល្លារអាមេរិក។
ទិន្នន័យពីអគ្គនាយកដ្ឋានពន្ធដារបង្ហាញថា បច្ចុប្បន្នអ្នកផ្តល់សេវាបរទេសចំនួន ៩៤ ត្រូវបានចុះឈ្មោះដើម្បីបង់ពន្ធតាមរយៈវិបផតថលអេឡិចត្រូនិច ហើយចំនួនពន្ធកើនឡើងចាប់ពីខែមីនា ឆ្នាំ ២០២២ នៅពេល វិបផតថលអេឡិចត្រូនិចសម្រាប់អ្នកផ្តល់សេវាបរទេសបានដំណើរការ សរុបចំនួន ១៤.៥៧២ពាន់ពាន់លានដុងបានកើនឡើងជាង ៣.៥ ពាន់ពាន់លានដុងធៀបនឹងចុងឆ្នាំមុន។
បញ្ជីនៃអ្នកផ្តល់សេវាបរទេសបានប្រកាស និងបង់ពន្ធរួមមាន Google Meta Microsoft TikTok Netflix និង Apple ។ អាជ្ញាធរកំពុងអនុវត្តយុទ្ធសាស្ត្ររយៈពេលខ្លី និងរយៈពេលវែងជាច្រើនប្រភេទ ដើម្បីបង្កើនការគ្រប់គ្រងពន្ធសម្រាប់ពាណិជ្ជកម្មអេឡិចត្រូនិកក្នុងស្រុក និងឆ្លងដែន។ លើសពីនេះ ភ្នាក់ងារពន្ធដារកំពុងបន្តពិនិត្យ សវនកម្ម ត្រួតពិនិត្យ និងដោះស្រាយការរំលោភបំពានដែលមិនគោរពតាមបទប្បញ្ញត្តិ។
នាយកដ្ឋានបាននិយាយថា វិធីសាស្រ្តមួយទៀតគឺភ្នាក់ងារពន្ធដារនឹងធ្វើការជាមួយក្រសួង និងវិស័យផ្សេងៗដើម្បីការពារការបាត់បង់ចំណូលពន្ធ និងធានាសុវត្ថិភាពហិរញ្ញវត្ថុ។ ទិន្នន័យ បានចេញផ្សាយកាលពីសប្តាហ៍មុនបង្ហាញថា វិស័យពន្ធដារឥឡូវនេះអាចចូលប្រើទិន្នន័យធនាគារសម្រាប់គណនីផ្ទាល់ខ្លួនចំនួន ១២១ លាន ប្រហែល ២ ភាគ៣ នៃគណនីទូទាត់ផ្ទាល់ខ្លួនចំនួន ១៨៣ លានបានចុះឈ្មោះនៅចុងឆ្នាំ ២០២៣ និងគណនីសាជីវកម្មជាង ៩ លាននៅទូទាំង ៩៦ ធនាគារពាណិជ្ជ។
ដោយប្រើទិន្នន័យនេះ អាជ្ញាធរពន្ធដារនឹងកំណត់អត្តសញ្ញាណអាជីវកម្មអនឡាញដែលមិនបានប្រកាស និងបង់ពន្ធសម្រាប់សកម្មភាពបន្ថែមទៀត។ ថ្មីៗនេះ អ្នកលក់អនឡាញជាច្រើនត្រូវបានតម្រូវឲ្យបង់ពន្ធបន្ថែម។ អាជ្ញាធរពន្ធដារគ្រោងសហការជាមួយក្រសួងសន្តិសុខសាធារណៈដើម្បីពន្លឿនការយកឯកសារអត្តសញ្ញាណប័ណ្ណពលរដ្ឋជាលេខអត្តសញ្ញាណសារពើពន្ធស្របតាមច្បាប់គ្រប់គ្រងសារពើពន្ធ។
ទីភ្នាក់ងារនេះក៏កំពុងស្វែងរកការប្រើប្រាស់អត្តសញ្ញាណអេឡិចត្រូនិកសម្រាប់អង្គការ និងបុគ្គលដែលចូលរួមក្នុងការប្រកាសពន្ធ និងប្រតិបត្តិការទូទាត់ ដែលមានបំណងការពារការគេចពន្ធក្នុងពាណិជ្ជកម្មអេឡិចត្រូនិក។ នៅឆ្នាំ ២០២៣ បណ្តាញពាណិជ្ជកម្មអេឡិចត្រូនិកបានបង់ពន្ធចំនួន ៩៧ ពាន់ពាន់លានដុង ដែលកើនឡើង ១៤ភាគរយពីឆ្នាំ ២០២២៕ ដោយ៖លី ភីលីព
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
អាកាសធាតុ៖មនុស្ស ២៧នាក់បានស្លាប់ និងរាប់លានផ្ទះនៅក្រោមទឹក បន្ទាប់ពីទឹកជំនន់ បានធ្វើឲ្យការបំផ្លិចបំផ្លាញនៅឥណ្ឌា និងបង់ក្លាដែស
ទីក្រុងបាសេឡូណា ធ្វើជាម្ចាស់ផ្ទះ វគ្គជម្រុះ របាំក្នុងទឹក បន្ទាប់ប្តូរពីទីក្រុងតូក្យូ ម្ចាស់ផ្ទះកីឡាអូឡាំពិក
អតីតនាយករដ្ឋមន្ត្រីអ៊ីស្រាអ៊ែល៖ លោក Putin បានសន្យាថា នឹងមិនសម្លាប់ Zelensky ឡើយ
មហាអំណាចចិន ថា ខ្លួនគោរពដល់ជម្រើស ពលរដ្ឋអាហ្វហ្គានីស្ថាន តែអំពាវនាវមួយចំណុច ដល់ក្រុមតាលីបង់
យោបល់ទាំងអស់ (0)