លោក វ្ល៉ាឌីមៀ ពូទីន បានចោទប្រកាន់អ៊ុយក្រែន កាលពីថ្ងៃសុក្រថា បានព្យាយាមរំខានដល់ការបោះឆ្នោតប្រធានាធិបតីរុស្ស៊ី។ ប្រជាជនរុស្ស៊ីរាប់លាននាក់បានចេញទៅបោះឆ្នោតនៅទូទាំងតំបន់ របស់ប្រទេស ដោយក្រុមមន្ត្រីបានដាក់អ្នកចំនួនអ្នកទៅបោះឆ្នោតនៅថ្ងៃទី ១ មានច្រើនជាង ៣៥ ភាគរយ។

សង្រ្គាមនៅអ៊ុយក្រែន បានធ្វើឲ្យមានស្រមោលនៅក្នុងការបោះឆ្នោតនេះ ជាអ្វីដែលលោកពូទីន បាននិយាយថា គឺការបាញ់ផ្លោងម្តងហើយម្តងទៀតនៅតំបន់ភាគខាងលិចរបស់រុស្ស៊ី និងការប៉ុនប៉ងដោយអ្នកតំណាងអ៊ុយក្រែនចំនួន ២.៥០០នាក់ ដើម្បីឆ្លងចូលទៅក្នុងតំបន់រុស្ស៊ីចំនួនពីរ ជាមួយនឹងរថក្រោះ។ លោក ពូទីន ដែលខឹងសម្បារយ៉ាងខ្លាំង បាននិយាយនៅក្នុងកិច្ចប្រជុំក្រុមប្រឹក្សាសន្តិសុខរបស់រុស្ស៊ីថា ការវាយប្រហាររបស់សត្រូវ នឹងត្រូវតែដាក់ទណ្ឌកម្ម។ មន្ត្រីអ៊ុយក្រែន បាននិយាយថា ការវាយប្រហារនេះធ្វើឡើងដោយក្រុមប្រដាប់អាវុធរុស្ស៊ី មានមូលដ្ឋាននៅអ៊ុយក្រែន ជាអ្នកដែលប្រឆាំងវិមានក្រឹមឡាំង។ មន្ត្រីអ៊ុយក្រែនបាននិយាយថា ការវាយប្រហារដោយមីស៊ីលបាលីស្ទីករបស់រុស្ស៊ី បានវាយប្រហារលើតំបន់លំនៅឋានមួយកន្លែងក្នុងទីក្រុងកំពង់ផែ Odesa សមុទ្រខ្មៅរបស់ប្រទេសអ៊ុយក្រែន ដោយបានបណ្តាលឲ្យមនុស្សយ៉ាងហោចណាស់ ២០នាក់ស្លាប់ និងជាង ៧០ នាក់រងរបួស នៅក្នុងការវាយប្រហារដ៏ឃោឃៅបំផុតរបស់ទីក្រុងមូស្គូ ក្នុងរយៈពេលប៉ុន្មានសប្តាហ៍នេះ។ ប្រធានាធិបតី លោក វូឡូឌីមៀ ហ្សឺលេនស្គី (Volodymyr Zelenskiy) បាននិយាយថា ប្រទេសរុស្ស៊ី នឹងទទួលបានការឆ្លើយតបដោយយុត្តិធម៌ សម្រាប់អ្វីដែលលោក បាននិយាយថា គឺជាការវាយប្រហារដ៏អាក្រក់។ ប្រជាជនរុស្ស៊ីជាង ១១៤លាននាក់ មានសិទ្ធិបោះឆ្នោត រួមទាំងអ្វីដែលទីក្រុងមូស្គូចាត់ទុកថា «ទឹកដីថ្មី» របស់ខ្លួនសម្រាប់តំបន់ចំនួន ៤ របស់អ៊ុយក្រែន ដែលកងកម្លាំងបានចូលគ្រប់គ្រងបានដោយផ្នែក ប៉ុន្តែប្រទេសនេះបានអះអាងថា ជាផ្នែករបស់ប្រទេសរុស្ស៊ី។ អ៊ុយក្រែន និយាយថា ការរៀបចំការបោះឆ្នោតនៅលើទឹកដីទាំងនេះ គឺខុសច្បាប់ និងទុកជាមោឃៈ។

https://www.reuters.com/world/europe/putin-brink-six-more-years-power-russians-vote-2024-03-15/