លោកប្រធានាធិបតី ចូ បៃដិន កំពុងធ្វើជាម្ចាស់ផ្ទះទទួលប្រធានាធិបតី និងនាយករដ្ឋមន្រ្តីរបស់ប្រទេសប៉ូឡូញសម្រាប់កិច្ចពិភាក្សាសេតវិមាន នៅថ្ងៃអង្គារនេះ ដោយមេដឹកនាំប៉ូឡូញដែលកំពុងស្វែងរកសម្ពាធទីក្រុងវ៉ាស៊ីនតោន ដើម្បីទម្លាយភាពជាប់គាំងរបស់ខ្លួនលើការបំពេញបន្ថែមមូលនិធិសម្រាប់អ៊ុយក្រែននៅពេលដ៏សំខាន់ នៅក្នុងសង្រ្គាមនៅអឺរ៉ុប។

មុនពេលដំណើរទស្សនកិច្ចនេះ លោកប្រធានាធិបតី Andrzej Duda បានអំពាវនាវដល់សមាជិកផ្សេងទៀតនៃសម្ព័ន្ធភាពណាតូ បង្កើនការចំណាយលើវិស័យការពារជាតិដល់ទៅ ៣ភាគនៃផលិតក្នុងស្រុកសរុប ( GDP) របស់ពួកគេ ខណៈដែលរុស្ស៊ី បានដាក់សេដ្ឋកិច្ចផ្ទាល់ខ្លួននៅលើមូលដ្ឋានសង្រ្គាម និងជំរុញទៅមុខជាមួយនឹងផែនការរបស់ខ្លួនក្នុងការដណ្តើមយកអ៊ុយក្រែន។ ប្រទេសប៉ូឡូញ បានចំណាយ ៤ភាគរយនៃទិន្នផលសេដ្ឋកិច្ចផ្ទាល់ខ្លួនរួចទៅហើយលើវិស័យការពារជាតិ ដែលកើនឡើងទ្វេដងនៃគោលដៅបច្ចុប្បន្ននៃ២ភាគរយ នៅក្នុងអង្គការណាតូ។

លោក Duda បាននិយាយនៅក្នុងសុន្ទរកថាទៅកាន់ប្រទេសប៉ូឡូញកាលពីថ្ងៃចន្ទថា៖«សង្រ្គាមនៅអ៊ុយក្រែន បានបង្ហាញយ៉ាងច្បាស់ថា សហរដ្ឋអាមេរិក គឺជា និងគួរតែនៅតែជាមេដឹកនាំ នៅក្នុងបញ្ហាសន្តិសុខនៅក្នុងទ្វីបអឺរ៉ុប និងពិភពលោក»។ "ទោះជាយ៉ាងនេះក្តី ប្រទេសណាតូផ្សេងទៀត ក៏ត្រូវតែទទួលខុសត្រូវកាន់តែខ្លាំងចំពោះសន្តិសុខនៃសម្ព័ន្ធមិត្តទាំងមូល និងធ្វើទំនើបកម្ម និងពង្រឹងកងទ័ពរបស់ពួកគេឲ្យបានខ្លាំងក្លាថែមទៀត»។

នៅក្នុងទស្សនៈរបស់សារព័ត៌មាន Washington Post ដើម្បីផ្តោតការយកចិត្តទុកដាក់លើការអំពាវនាវរបស់ខ្លួនសម្រាប់ការចំណាយកាន់តែច្រើនរបស់អង្គការណាតូ លោក Duda បានអះអាងថា រុស្ស៊ីកំពុងផ្លាស់ប្តូរសេដ្ឋកិច្ចរបស់ខ្លួនទៅជា «របៀបសង្គ្រាម» ដោយបែងចែកជិត៣០ភាគរយនៃថវិកាប្រចាំឆ្នាំរបស់ខ្លួនសម្រាប់ផ្គត់ផ្គង់អាវុធរបស់ខ្លួន។

លោក Duda បានសរសេរថា៖«តួលេខនេះ និងទិន្នន័យផ្សេងទៀតដែលចេញពីប្រទេសរុស្ស៊ី គឺគួរឲ្យ ព្រួយបារម្ភ»។ «របបរបស់លោកវ្ល៉ាឌីមៀ ពូទីន បង្កការគំរាមកំហែងដ៏ធំបំផុតចំពោះសន្តិភាពពិភពលោកចាប់តាំងពីការបញ្ចប់សង្គ្រាមត្រជាក់មក»។

https://www.euronews.com/2024/03/12/polish-leaders-visit-white-house-with-hope-of-spurring-us-to-send-more-aid-to-ukraine