TA X2
· 02-23
អង់គ្លេស និងហ្សកដានី ទម្លាក់ជំនួយមនុស្សធម៌ពីលើអាកាសដល់មន្ទីរពេទ្យនៅតំបន់ភាគខាងជើងហ្គាហ្សា
#អង់គ្លេស# #ហ្គាហ្សា# #ព័ត៌មាន# #ហ្សកដានី# #ព័ត៍មានអន្តរជាតិ#
3731
ការិយាល័យការបរទេសអង់គ្លេស បាននិយាយកាលពីថ្ងៃពុធថា អង់គ្លេស និងហ្សកដានី បានទម្លាក់ជំនួយទម្ងន់ ៤តោនពីលើអាកាស រួមទាំងឱសថ ប្រេងឥន្ធនៈ និងស្បៀងអាហារដល់មន្ទីរពេទ្យ Tal Al-Hawa ស្ថិតនៅតំបន់ភាគខាងជើងហ្គាហ្សា ។
ជំនួយដែលផ្តល់ជូនដោយអង់គ្លេសនេះ ត្រូវបានចែកចាយដោយកងទ័ពអាកាសហ្សកដានី ។
រដ្ឋមន្រ្តីការបរទេសអង់គ្លេសលោក David Cameron និយាយនៅក្នុងសេចក្តីថ្លែងការណ៍ថា អ្នកជំងឺរាប់ពាន់នាក់ នឹងទទួលបានអត្ថប្រយោជន៍ពីការទម្លាក់ជំនួយមនុស្សធម៌ទាំងនេះ ហើយប្រេងឥន្ធនៈ នឹងជំរុញមន្ទីរពេទ្យដ៏ចាំបាច់មួយនេះ បន្តការងារសង្រ្គោះអាយុជីវិតមនុស្សរបស់ពួកគេ ។
លោក Cameron បន្តថា ទោះបីជាយ៉ាងណាក៏ដោយ ស្ថានភាពនៅតំបន់ហ្គាហ្សាពិតជាធ្ងន់ធ្ងរខ្លាំងណាស់ ហើយជំនួយដ៏ច្រើនបន្ថែមទៀត ត្រូវការយ៉ាងឆាប់រហ័ស ។ ពួកយើងសូមធ្វើការអំពាវនាវឲ្យមានការផ្អាកសង្រ្គាមជាបន្ទាន់ក្នុងបុព្វហេតុមនុស្សធម៌ ដើម្បីអនុញ្ញាតឲ្យជំនួយបន្ថែមទៀត អាចចូលទៅដល់តំបន់ហ្គាហ្សា ឲ្យបានឆាប់តាមដែលអាចធ្វើទៅបាន ហើយនិងនាំចំណាប់ថ្នូរមកកាន់ផ្ទះរបស់ពួកគេវិញ ។
ខណៈពេលនោះដែរ អ៊ីស្រាអែលបានបង្កើនការទម្លាក់គ្រាប់បែករបស់ខ្លួនទៅលើទីក្រុង Rafah នៅភាគខាងត្បូងនៃតំបន់ហ្គាហ្សា ហើយសមាជិកជាង ១០ នាក់ក្នុងមួយគ្រួសារត្រូវបានសម្លាប់នៅក្នុងការវាយប្រហារតាមអាកាស ។
ក្រសួងសុខាភិបាលរបស់តំបន់ហ៊ុមព័ទ្ធប៉ាឡេស្ទីនមួយនេះ បានប្រកាសកាលពីថ្ងៃពុធម្សិលមិញថា មនុស្ស ២៩.៣១៣ នាក់បានស្លាប់ និងមនុស្ស ៦៩.៣៣៣ នាក់រងរបួសនៅក្នុងសង្គ្រាមរហូតមកទល់ពេលនេះ ។
អ្នកស្រុកបាននិយាយថា រថក្រោះអ៊ីស្រាអែល បានវាយរុលនៅភាគខាងលិចពីក្រុងខាន់យ៉ូនីស ចូលទៅក្រុង Al-Mawasi) ដែលកាលពីមុនកងទ័ពអ៊ីស្រាអែល បានជូនដំណឹងឲ្យប្រជាជនប៉ាឡេស្ទីន ទៅជ្រកកោននៅទីនោះព្រោះជាតំបន់សុវត្ថិភាព ៕
ប្រភពពី៖ Radio Pakistan
https://radio.gov.pk/Training-Programmes
អត្ថបទកែសម្រួលដោយ៖ ឈុន សុជាតា
https://www.radio.gov.pk/22-02-2024/uk-jordan-air-drop-aid-to-hospital-in-northern-gaza
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
ការណែនាំពិសេស
ប្រធានាធិបតីប៉ាឡេស្ទីន ច្រានចោលការប៉ុនប៉ង របស់អ៊ីស្រាអែល ដើម្បីបំបែកតំបន់ហ្គាហ្សា ពីតំបន់វេសបែង
កិច្ចពិភាក្សាជាប់គាំង ពេលលោក Netanyahu ចាត់ទុកការទាមទាររបស់ក្រុមហាម៉ាស់ថាឆ្កួតវង្វែង
គណៈប្រតិភូក្រុមហាម៉ាស កំពុងស្ថិតនៅអេហ្ស៊ីប សម្រាប់កិច្ចពិភាក្សា ស្តីពីបទឈប់បាញ់ហ្គាហ្សា និងការដោះលែងចំណាប់ខ្មាំង
ទីភ្នាក់ងារអង្គការសហប្រជាជាតិជាច្រើន ជម្លៀសអ្នកជំងឺឈឺធ្ងន់ ចេញពីមន្ទីរពេទ្យ Nasser
យោបល់ទាំងអស់ (0)