ដើមអម្ពិល-DAP News
· 2023-11-28
យោធាចិនថា កប៉ាល់របស់កងទ័ពជើងទឹកចិន ដេញតាមនាវាពិឃាតអាមេរិក
#នាវាចម្បាំង# #ព័ត៌មាន# #Tian Junli# #នាវាពិឃាតអាមេរិក# #ព័ត៍មានអន្តរជាតិ#
10942
បរទេស៖ អ្នកនាំពាក្យកងទ័ពរំដោះប្រជាជនចិន បាននិយាយកាលពីថ្ងៃសៅរ៍ថា កប៉ាល់របស់យោធាចិនបានដេញ តាមនាវាចម្បាំងរបស់សហរដ្ឋអាមេរិក នៅជិតប្រជុំកោះ Xisha/Paracel ដែលមានជម្លោះក្នុងសមុទ្រចិនខាងត្បូង ដោយចិនហៅទីក្រុងវ៉ាស៊ីនតោនថាជា “អ្នកបង្កើតហានិភ័យសន្តិសុខ” និងជា “អ្នកបំផ្លាញសន្តិភាពដ៏ធំបំផុត” និងស្ថិរភាពក្នុងតំបន់។
យោងតាមសារព័ត៌មាន RT ចេញផ្សាយកាលពីថ្ងៃទី២៥ ខែវិច្ឆិកា ឆ្នាំ២០២៣ បានឱ្យដឹងថា ការរំលោភលើដែនទឹករបស់ចិនដោយនាវាពិឃាត USS Hopper របស់អាមេរិក “បានធ្វើឱ្យខូចខាតយ៉ាងធ្ងន់ធ្ងរ” អធិបតេយ្យភាពរបស់ទីក្រុងប៉េកាំង ហើយបានបង្ហាញជាថ្មីម្តងទៀតថា ទីក្រុងវ៉ាស៊ីនតោនកំពុងស្វែងរក “អនុត្តរភាពនាវាចរណ៍” និង “ការធ្វើយោធា” នៃសមុទ្រចិនខាងត្បូង។ នេះបើតាមអ្នកនាំពាក្យរបស់បញ្ជាការ Southern Theater Command របស់ PLA គឺ វរសេនីយ៍ឯក Tian Junli បានលើកឡើង។
សារព័ត៌មាន CGTN របស់ចិនបានរាយការណ៍ថា យោធាចិនបានដាក់ពង្រាយ “កម្លាំងទ័ពអាកាស និងកងទ័ពជើងទឹក ដើម្បីតាមដាន និងឃ្លាំមើល” អ្នកឈ្លានពាន ហើយ “បានបណ្តេញចេញតាមច្បាប់” ។ មន្ទីរបញ្ចកោណមិនទាន់ ធ្វើអត្ថាធិប្បាយលើឧប្បត្តិហេតុនេះទេ។
ប្រជុំកោះ Xisha គឺជាប្រជុំកោះដែលមានជម្លោះនៅសមុទ្រចិនខាងត្បូង ដែលគ្រប់គ្រងដោយចិន។ កោះ Paracel ត្រូវបានទាមទារដោយវៀតណាម និងកោះតៃវ៉ាន់ផងដែរ។ ទីក្រុងវ៉ាស៊ីនតោនមិនទទួលស្គាល់ការទាមទារ របស់ចិនចំពោះអធិបតេយ្យភាពលើកោះនេះទេ ហើយបានហៅវាម្តងហើយម្តងទៀតថា “ខុសច្បាប់” និងបង្ក “ការគំរាមកំហែងយ៉ាងធ្ងន់ធ្ងរ ដល់សេរីភាពនៃសមុទ្រ” ៕
ប្រែសម្រួលៈ ណៃ តុលា
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
ឃុំខ្លួនថៅកែ ស្ថានីយប្រេងឥន្ធនៈ ២នាក់ និង អ្នកចាត់ការម្នាក់ ពាក់ព័ន្ធនឹងការលក់ប្រេងមិនគ្រប់លីត្រ និងរឹងរូសចំពោះចំណាត់ការ របស់សមត្ថកិច្ចជំនាញ!
ពួកតាលីបង់ នឹងបង្ហាញទម្រង់រដ្ឋាភិបាល អាហ្វហ្គានីស្ថានថ្មី ក្នុងពេលប៉ុន្មាន សប្ដាហ៍ខាងមុខ
ពួកតាលីបង់ ព្រមានអាមេរិកនិងអឺរ៉ុប ស្តីពីជនភៀសខ្លួន ប្រសិនបើបន្តដាក់ទណ្ឌកម្ម លើអាហ្វហ្គានិស្ថាន
មន្រ្តីស្ថានទូតអាមេរិក នៅទីក្រុងកាប៊ុល ដុតលិខិតឆ្លងដែន របស់ជនភៀសខ្លួន អាហ្វហ្គានីស្ថាន នៅមុនពេលពួកតាលីបង់ ចូលកាន់កាប់
ការណែនាំពិសេស
ពង្រឹងការកសាងវិទ្យាស្ថានខុងជឺ និងជំរុញការផ្លាស់ប្តូរអន្តរជាតិរវាងចិននិងអាស៊ាន
គណៈប្រតិភូក្រុមហាម៉ាស កំពុងស្ថិតនៅអេហ្ស៊ីប សម្រាប់កិច្ចពិភាក្សា ស្តីពីបទឈប់បាញ់ហ្គាហ្សា និងការដោះលែងចំណាប់ខ្មាំង
ក្វាងស៊ីមានការប្រមូលផលផ្លែក្រូចផ្អែមច្រើនហើយក្លិននៃ"ផលិតផលក្វាងស៊ី"ដែលមានគុណភាព ខ្ពស់បានសាយភាយដល់តំបន់អាស៊ីអាគ្នេយ៍
ចិន ហាមនាំចេញលោហៈធាតុកម្រ នៅលើផែនដីសម្រាប់បច្ចេកវិទ្យាកែច្នៃ ដោយបារម្ភអំពីបញ្ហាសន្តិសុខ
យោបល់ទាំងអស់ (0)