Knongsrok
· 02-02
នរណាខ្លះពេលចូលបង្គន់យកទូរស័ព្ទទៅតាម? អាន ៤ ហេតុផលនេះហើយប្រហែលអ្នកនឹងឈប់
#ទូរស័ព្ទ# #ចំណេះដឹង# #ចូលបន្ទប់ទឹក# #ចំណេះដឹងទូទៅ#
1709
តាមការស្រាវជ្រាវមួយបង្ហាញថា មនុស្សភាគច្រើនរមែងចំណាយពេល ៣ ម៉ោងក្នុងមួយសប្តាហ៍លើការបន្ទោបង់ក្នុងបង្គន់ ដែលវាខុសពីស្តង់ដារទូទៅល្អបំផុតគឺត្រឹម ១០ ទៅ ១៥ នាទីក្នុងមួយថ្ងៃ ឬប្រហែល ១ ម៉ោង ៤៥ នាទីក្នុងមួយសប្តាហ៍។
បើសួរថាហេតុអ្វីពេលវេលារបស់ពួកគេអូសបន្លាយដល់ ៣ ម៉ោងនៅក្នុងបង្គន់នោះ ចម្លើយគឺងាយ នោះគឺមកពីការយកទូរស័ព្ទឬស្មាតហ្វូនទៅតាម។ តាម Bright Side បានបង្ហាញហេតុផល ៤ ដែលអ្នកគួរតែបញ្ឈប់ទម្លាប់នេះជាបន្ទាន់៖
៤) ដូចយកទូរស័ព្ទទៅចម្លងមេរោគ
មានបាក់តេរីនិងមេរោគល្អិតៗជាច្រើនដែលអ្នកមើលមិនឃើញនៅក្នុងបង្គន់ ហើយពេលអ្នកយកទូរស័ព្ទទៅតាម មិនចាំបាច់តែអ្នកកាន់ទូរស័ព្ទជាប់មិនដាក់វានៅលើទីតាំងណាមួយនោះទេ ក៏បាក់តេរីដែលហោះក្នុងបរិយាកាសវាមកទុំជាប់ដែរ។ នេះក៏មិនខុសពីការដែលយើងយកស្មាតហ្វូនទៅចម្លងមេរោគ ហើយបញ្ជូនមកដៃរបស់យើងនោះឡើយ។
៣) អាចកើតជំងឺឫសដូងបាត
យោងតាមការលើកឡើងរបស់វេជ្ជបណ្ឌិតជំនាញបានឲ្យដឹងថា ការដែលអង្គុយនៅក្នុងបង្គន់ចន្លោះពី ១ ទៅ ១៥ នាទីគឺជាស្តង់ដារធម្មតា ប៉ុន្តែបើចំណាយពេលច្រើនជាងនេះវាអាចដាក់សម្ពាធទៅលើរន្ធគូថរបស់អ្នក ហើយជំងឺឫសដូងបាតប្រឈមខ្ពស់នឹងអាចកើតឡើងឆាប់រហ័ស។
យូរៗទៅសភាពកាន់តែធ្ងន់ធ្ងរ ហើយអាចប៉ះពាល់ដល់ផ្នែកផ្សេងទៀតនៅខាងក្នុង ហើយចុងក្រោយត្រូវតែរត់ទៅរកពេទ្យជាចាំបាច់។
២) ខាតពេលវេលា
អ្នកខ្លះគិតថាយកស្មាតហ្វូនទៅតាម គឺដើម្បីកាត់បន្ថយភាពតានតឹង ឬកុំឲ្យអផ្សុកនៅពេលបន្ទោបង់។ ស្តាប់ទៅសមហេតុដែរ តែស្រមៃទៅមើលកាលពីសម័យអត់ស្មាតហ្វូន ហេតុអ្វីអ្នកអត់វាបាន។ មួយផ្សេងទៀតវានាំតែខាតបង់ពេលវេលាឥតប្រយោជន៍ រហូតយូរទៅក្លាយជាទម្លាប់អាក្រក់ថែមទៀត។
១) អ្នកត្រូវបានទូរស័ព្ទពង្វក់បានសម្រេច
មួយក្នុងរោគសញ្ញាទាំង ៣ នៃអ្នកដែលញៀនទូរស័ព្ទ គឺជាមនុស្សដែលអត់ទូរស័ព្ទមិនបាន។ នៅពេលដែលអ្នកធ្លាក់ចូលទៅក្នុងបញ្ហាមួយនេះ ផលអវិជ្ជមានជាច្រើននឹងចូលមកក្នុងជីវិតអ្នក ដោយពេលខ្លះវាជាដើមចមនាំឲ្យអ្នកមានការធុញថប់អារម្មណ៍ ឬសូម្បីតែការធ្លាក់ទឹកចិត្តទៅវិញទេ៕
ប្រភព៖ បរទេស | ប្រែសម្រួល៖ ក្នុងស្រុក
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
រឿងគួរឲ្យសោកស្ដាយបំផុតក្នុងអាជីព Sir Alex ថាស្តាយនឹងមិនអាចយកបានកីឡាករ Spurs រូបនេះ
Glazers និង Ed Woodward មានជំហរបែបនេះលើករណីបណ្ដេញចេញលោក Ole Gunnar Solskjaer
បើមិនជឿកុំប្រមាថ ទំនៀមទម្លាប់វប្បធម៌ប្រពៃណីនៃពិធី សែងឆ្មា សុំទឹកភ្លៀង
ប្រផ្នូលល្អ ហេងៗ! សុបិនទាំង ៩ នាំមកនូវសុខភាពល្អ សំណាងល្អ និងលាភពរជ័យចូលមកក្នុងជីវិត
យោបល់ទាំងអស់ (0)