ស្រីៗអាចសង្កេតមើលបាន របស់ ៤ យ៉ាងនេះ គឺសំខាន់ណាស់សម្រាប់បុរស ដែលគាត់មិនឱ្យអ្នកណាម្នាក់ប៉ះពាល់ដោយងាយឡើយ។ ប៉ុន្តែ ប្រសិនបើគាត់ហ៊ានឱ្យអ្នកកាន់ ឬប៉ះ នោះមានន័យថា គាត់ច្បាស់លាស់នឹងអ្នក ស្រឡាញ់អ្នកខ្លាំងលើសអ្វីទាំងអស់ មិនមែនឡេះឡោះ លេងសើចនឹងអ្នកនោះឡើយ។

១. គាត់ឱ្យអ្នកកាន់កាបូបលុយរបស់គាត់

គ្រប់គ្នាសុទ្ធតែដឹងថា កាបូបលុយ គឺជារបស់ឯកជនបំផុត ដែលមិនគួរឱ្យអ្នកណាកាន់ ឬប៉ះដោយងាយឡើយ។ ដូច្នេះហើយ មានតែអ្នកដែលបុរសជឿជាក់ និងទុកចិត្តពិតប្រាកដទេ ដែលមនុស្សប្រុសហ៊ានឱ្យគេកាន់ ឬប៉ះពាល់កាបូបលុយនោះបាន។ ជាពិសេស ស្ត្រីដែលអាចគ្រប់គ្រងកាបូបរបស់បុរសបាន គឺជាស្ត្រីដែលបុរសស្រឡាញ់ និងជឿជាក់ខ្លាំងបំផុត។

បុរសម្នាក់ដែលស្រលាញ់អ្នកយ៉ាងពិតប្រាកដ នឹងអនុញ្ញាតឱ្យអ្នកប្រើប្រាស់ដោយសេរី និងពិនិត្យមើលកាបូបរបស់គាត់ ដែលមានន័យថា គាត់ស្រលាញ់អ្នកខ្លាំងណាស់។ គាត់គ្មានអាថ៌កំបាំងអ្វីដើម្បីលាក់ពីអ្នកទេ គាត់ក៏ជាមនុស្សមានចិត្តទូលាយ មិនតូចចិត្តដែរ នេះក៏បញ្ជាក់ឱ្យឃើញថា គាត់ក៏រីករាយ និងសប្បាយចិត្តឱ្យអ្នកចាយលុយរបស់គាត់។

២. ទូរសព្ទ និងកុំព្យូទ័រផ្ទាល់ខ្លួន

ប្រសិនបើគាត់លាតត្រដាងខ្លួនឯងចំពោះអ្នកដោយបើកចំហ វាមានន័យថា គាត់មានចិត្តស្មោះត្រង់ដោយគ្មានការភូតភរ ឬបោកបញ្ឆោតឡើយ។ ជាមួយគ្នានេះ គាត់ក៏ចង់បង្ហាញទៅកាន់អ្នកថា អ្វីដែលជារបស់គាត់ក៏ជារបស់អ្នកដែរ ដោយគ្មានករណីលើកលែងឡើយ។

ផ្ទុយទៅវិញ មានបុរសៗដែលតែងតែលាក់លៀមទូរសព្ទពេលនៅជាមួយមិត្តស្រី ខ្លាចមិត្តស្រីប៉ះ កាន់ និងឃើញរឿងរបស់គេណាស់។ មានលទ្ធភាពតែមួយគត់ គឺគាត់កំពុងធ្វើរឿងលាក់កំបាំងជាច្រើននៅពីក្រោយខ្នងរបស់អ្នក ទើបគាត់ហួងហែងរបស់ទាំងនេះ។ ដូច្នេះហើយ ស្រីៗកុំទុកចិត្តលើមនុស្សប្រភេទនោះ គាត់ច្បាស់ជាមិនស្រឡាញ់អ្នកទេ អ្នក និងគាត់គ្រាន់តែជាទំនាក់ទំនងមួយឆាវរបស់គាត់ម្នាក់ប៉ុណ្ណោះ។

៣. លេខកូដសម្ងាត់ Facebook ឬបណ្ដាញសង្គមផ្សេងៗរបស់គាត់

ក្នុងយុគសម័យបច្ចេកវិទ្យា 4.0 នេះ បុរសមានល្បិចជាច្រើនដើម្បីបញ្ឆោតមិត្តភ័ក្តិរបស់គេ។ ហើយកន្លែងមានជីជាតិដែលត្រូវធ្វើនោះគឺគណនីបណ្តាញសង្គម ព្រោះនៅលើ Facebook ឬបណ្ដាញសង្គមផ្សេងៗ មនុស្សអាចស្គាល់គ្នា និងសន្ទនាសម្ងាត់ដោយគ្មាននរណាម្នាក់ដឹងឡើយ។ ដូច្នេះហើយ បុរសម្នាក់ដែលស្រលាញ់អ្នកពិតប្រាកដ សុខចិត្តផ្តល់ឱ្យអ្នកនូវពាក្យសម្ងាត់បណ្តាញសង្គមដូចជា Facebookជាដើមដោយមិនស្ទាក់ស្ទើរ។ ព្រោះគាត់គ្មានអ្វីលាក់លៀមពីអ្នក ទើបគាត់ជឿជាក់លើអ្នកទាំងស្រុងបែបនេះ។

៤. លេខកូដសម្ងាត់ធនាគារ

នៅពេលដែលបុរសមានស្នេហា គាត់អាចឱ្យមិត្តស្រីរបស់គាត់នូវអំណោយថ្លៃៗជាច្រើន អាស្រ័យលើសមត្ថភាពហិរញ្ញវត្ថុរបស់គាត់។ ប៉ុន្តែវាពិតជាពិបាកសម្រាប់គាត់ក្នុងការអនុញ្ញាតឱ្យអ្នកគ្រប់គ្រងហិរញ្ញវត្ថុរបស់គាត់ និងរក្សាសៀវភៅសន្សំប្រាក់របស់គាត់។ ប៉ុន្តែប្រសិនបើអ្នកជាមនុស្សដែលគាត់ចង់រៀបការ និងទុកចិត្តដោយអស់ពីចិត្ត នោះគឺជារឿងខុសគ្នាទាំងស្រុង។

នៅពេលដែលអ្នកជាម្ចាស់បេះដូងរបស់គាត់ ជីវិត និងអនាគតរបស់គាត់ គឺសម្រាប់អ្នក អ្វីផ្សេងៗទៀតគាត់ក៏មិនលាក់បាំងនឹងអ្នកដែរ។ គាត់មិនស្ទាក់ស្ទើរក្នុងការអនុញ្ញាតឱ្យអ្នករក្សាទុក និងប្រើប្រាស់ប្រាក់នៅលើកាតធនាគារគាត់ឡើយ។ គាត់ចង់ឱ្យអ្នកធ្វើជាមេគ្រួសារ "អ្នកកាន់កូនសោ" និងជាម្តាយរបស់កូនៗរបស់គាត់។ អ្វីដែលគាត់ចង់បានពីទំនាក់ទំនងនេះ គឺភាពជាប់បានយូរ និងស្ថិរភាព មិនមែនជាស្នេហាមិនច្បាស់លាស់គ្មានគោលដៅនោះទេ៕